SHAKE SHACK (國際金融中心商場)

营业中

休息中

叫咗一個最普通嘅Shack burger.細細個，一個拳頭大少少。入面嘅配料生菜蕃茄都新鮮。麵包好鬆軟，甜甜地，好好味。佢哋嘅漢堡扒比較薄，但係咁薄嘅漢堡扒都非常之多汁。每一啖都充滿牛肉汁。停唔到口。食一個都唔夠過癮。平日夜晚去，冇咩人。唔使排隊。大把位。仲可以坐出面，如果唔怕熱嘅話。見到佢有得飲酒添。不過冇試過，唔知道佢啲酒如何。佢哋好多枱都係高抬高凳。矮人可能坐得比較辛苦。可能咁樣可以返枱快啲，因為啲人坐得冇咁舒服。

之前同事提過這間IFC的漢堡包好好食，佢哋今日話食，我就跟左過黎試，我參考曾食過這間的同事意見選了Shack Burger (Single) + Fries and Large Lemonade: Shack Burger 包和肉都軟身配上新鮮蔬菜及香噴噴芝士非常好食～ 薯條不是我喜歡的，我下次寧願食多個包就唔會点薯條了～ Lemonade 好重檸檬味都好好飲，不過同事話如果唔食得酸的人不宜選這飲品，而且我覺得太凍，我再飲多數會走冰應該會更酸～ 同事話這兒的奶昔都很好飲，而且只有香港有奶茶味的奶昔，我下次都應該會試Milk Teea Shake~ 雖然我覺得食物都好味，但我覺得漢堡飽都食到過百有点貴，所以應該唔會常來🙈

星期六 6點 仲有太陽， 未到已經有大大個箭咀叫你上一層。人龍過左門口少少， 排左15分鐘就有得叫野食入面有得賣衫同其他精品叫完野食有部機交比你等響再等多5分鐘度有野食啦食包之前， 洗個手先。幾得意， 有泡有水，仲有紙巾自動出， 不過今日出紙巾個part 壞左。Double shack burger 係有兩塊牛扒Single 就得一塊牛扒， 個包略嫌唔夠鬆軟。芝士薯條啲芝士都夠多，幾香。 Lemonade 夠酸， 幾fresh。