餃餃餃子 (已結業)

餃子店而家愈開愈多，不過又唔係間間好味！今次就同朋友去左紅磡呢間日式餃子店度食，見啲comment 都唔錯，俾個機會佢！門口都幾eye catching, 不過附近整路，就比較難見到喇店入面位置都幾寬敞，唔會覺得坐到好迫，同朋友吹住水就最爽！可能平日，唔算太多人，唔洗點等位除左普通餃子，都有一啲創作餃子，幾得意喎！首先就叫左呢個必食嘅日式餃子，每日新鮮整，不過唯一唔好就係好易夾爛！之後就係因為乜都想試下，就叫左呢個三盛合，有蝦啦，磨菇同埋九條葱嘅，店員有詳細咁解釋應該咩餃配咩醬料，本人覺得蝦最好食，又足料之後就食呢個特長蟹棒餃子，呢個特別推介！好好味再黎就試個有玩味嘅，shake shake 餃子！有三種口味，我叫左牛油味。上枱真係有炸左嘅餃子係紙袋入面，再倒入味粉shake，係幾得意，不過咸左啲食餃子多，就食下其他野，叫左炸雞，好新鮮，即叫即炸，好味！仲有呢個厚切煙肉配介辣醬，呢個推介呀，又唔會太肥，岩哂食肉獸呀！食左咁多肉，就叫左個椰菜食，爽口脆卜卜，好新鮮之餘仲有麻油香，食完又可以再食過其他野！總括黎講，幾好味，可以再去！原本就想試下個甜品，不過太飽就放棄左甜品係朱古力餃子，我下

琴晚突然要去黃埔比野親戚，咁就係黃埔呢區覓食，宜家地鐵開通左之後真係好方便，黃埔呢區都有好多唔同既食，咁岩琴晚就揀左呢間Chau Chau 餃子，好適合同朋友叫Ｄ小食，啤酒，暢談既好地方。呢度最正就係所有食物上枱都係熱辣辣架，呢樣看似簡單，但其實好重要！Chao Chao餃子優惠套餐 $98果然是人氣No.1，不能錯過，Chao Chao 餃子皮非常非常薄，煎的時候是8隻一排痴住一齊加水半煎焗的方式，食既時候要好小心翼翼咁meet，雖然咁薄，但佢又唔會話好易爛，食落口脆卜卜，個餃子皮薄得黎又有彈性。每一隻都好細隻，岩哂咁有儀態既我，咬落去隻餃子時仲有D汁，熱辣辣食好滋味，呢個餃子岩哂我口味。套餐仲有一份小食同一杯Asahi，熱辣辣既餃子再加上冰凍既啤酒，真係太享受喇！！雞肉芝士餃子(煎) $42 呢個芝士餃子個皮就無Chao Chao 餃子個皮咁出色，但呢款餃子，內涵最重要，入面有好多芝士，好香，可以拉到絲，但有芝士得黎又會有餃子本身個味道，成件事好夾，好味。Shake Shake 餃子 (梅子鰹魚味) $42呢個Shake Shake 餃子就係炸餃子黎，個皮個口感又同前兩款唔同，食落