Cafe de Paris Est. in Korea (已結業)

終於可以唔洗山長水遠飛去首爾，都可以食到人氣甜品超夢幻bon bon杯啦。價錢好似仲平過韓國添整間鋪頭以粉藍色為主題，同首爾鋪一樣咁夢幻。鋪頭環境幾靚，臺臺凳凳都以紅白藍為主題，打造巴黎feel.大大落地玻璃窗，好好陽光。 臺與臺之間唔會太逼，適合情侶dating，都適合三五好友系度hea下。快快入正題，我地撿左士多啤梨、mango bon bon杯 ，又叫左杯西柚汁：）士多啤梨杯超令超夢幻！一杯大大杯，有整十幾粒士多啤梨。加埋好味 cream，聽老闆話系D cream全部都由韓國運過來，完全保持左韓國總店ge風味。上層系大大粒士多啤梨加埋cream，士多啤梨同D韓國cream，perfect match！食完下層仲有士多啤梨沙冰，好清爽。芒果杯都好味，大大塊芒果肉好香甜。不過都係中意士多啤梨多D。大大果杯可以share。食完再來一杯西柚汁。可以飲到fresh西柚汁，又可以食到原塊西柚肉（西柚肉仲好貼心加左D蜜糖，一D都唔酸） 朝聖完畢。大滿足！