囍公館 (已結業)

假期跟女朋友到文青聖地西九文化區參觀博物館，沿途一帶的食肆林立，選擇了這間新派中菜館吃午餐。店內寬敞舒適，能欣賞西九寬闊的草地及維港景色，讓人有休閒寫意的感覺。我們分別點了以下手工中菜及點心。洋蔥和牛批 - $88/3件和牛批金黃酥脆，咬開滿滿肉餡，濃郁又多汁。惹味雞腳 - $88軟糯的雞腳好入味。煙燻四喜素鵝 - $98包含著甘荀絲、 木耳絲及窩荀絲，特別清甜爽口。鮮蝦紅米腸 - $88/6件紅色的紅米腸包裹著酥脆鮮蝦好有口感。蟹肉海鮮春卷 - $88/4件酥脆的春卷內有飽滿的蟹肉餡，鮮嫩彈牙；蟹皇小籠包 - $88/3件外皮做到薄且具彈性，咬開流出濃濃湯汁好鮮美。XO醬炒腸粉 - $98煙韌彈牙的腸粉充滿爆炒XO醬的鹹辣鮮香。

環境真係不要太舒服，夜晚有live Music，晏晝去嘅時候冇乜人又有啲音樂聽，而且餐廳裝修都幾fancy帶點高貴感覺，餐廳主打點心為主，所以都叫咗幾款幾特別嘅點心，睇到啲相都會見到有三舊好可愛嘅蘿蔔仔，佢嘅外皮係酥皮，好酥脆香口，裏面係蘿蔔絲，基本上冇嘢好挑剔，本身好鄉下仔🤣問咗個服務員下面既碎碎係食唔食得，原來係Oreo碎😲真係食Oreo碎都可以食飽🤣搬來驚唔夠飽仲叫咗碗烏冬，係龍蝦湯底，但係味道偏淡，裏面嘅材料都有帶子、蝦、菇🍄胎教就基本上飲茶必點嘅，真係好驚喜，估唔到咁普通嘅蝦餃外皮做到好薄，而且裏面嘅🦐好爽口，簡直好似喺個口腔入面跳緊😆最尾真係要再試吓佢哋嘅炒腸粉，真係絕對係重口味人士最鍾意，腸粉好滑，而且係用咗XO醬炒，小編表示食唔停😍