北京道一号呢间日本菜「花楽」就有落地玻璃望维港靓景，和式设计挂满花花灯好靓，轻松影相放闪。
「花楽」唯美和式设计，落地玻璃映透尖沙咀海傍。
唔熟酒都唔使担心，驻场唎酒师可按你喜好推荐各种清酒。
【每日都有优惠】一周年感谢祭
优惠涵盖广泛，日本直送活鱼+海胆、晚市大餐牌8折、$99日本刺身等等等。选择困难症嘅话，个人推介星期四寿司半价优惠呀。嚟得食日本嘢都想食寿司，全部半价唔使烦最抵食呀。
星期四寿司半价优惠！每日飞机直送鱼材好新鲜，件件都好厚切㗎。
三文鱼腩寿司
金目鲷寿司
(左)日本牡丹虾寿司、(右)赤身寿司
刺身寿司外，仲有鹅肝寿司。
【坊间激罕】日式花园下午茶
呢度有好少见嘅日式下午茶，珍宝热气球三层架放满海胆、拖罗、油甘鱼、吞拿鱼蓉蟹肉最中饼等等；另有小食—三文鱼刺身、日式炸蟹钳、鳕鱼干，真系少数下午茶咁丰富!! 仲要唔使食嚟食去都系西式咸点啦。
「花楽」日式花园下午茶
坊间好少有日式下午茶，仲要咁精致丰富。
拖罗、甜虾刺身
时令海胆刺身
吞拿鱼蓉蟹肉最中饼
甜品真系下午茶主角嚟，所以隆重其事以甜品玻璃屋登场。日本和菓子、樱花水信玄饼、日本蛋捲等，全部都系精致唯美甜品嚟㗎。
甜品玻璃屋
(左)日本和菓子、(右)樱花水信玄饼
乾酪蛋糕
Lunch日本料理+咖啡Me Time
唔知大家有无发觉，日本好多餐厅都会有咖啡饮，不过香港嘅日本餐厅就好少见喇。「花楽」特意引入咖啡机，即场冲调100%阿拉比卡咖啡豆，入口有榛子、浆果味平衡可可浓郁香气；亦会不定期推出各种果味咖啡、牛油果咖啡㗎。
Lunch选择都几多，新年前后holiday mood食刺身、寿司、海鲜丼哄吓自己。同场都有多款CP值高定食，网烧西冷牛扒、岩盐脆皮鸡扒、滑蛋吉列黑豚丼、盐烧青花鱼等，只系$88起。
私心推介大坂咖喱系列，香浓咖喱同炸物特别夹。冬天食个大坂咖喱吉列豚肉、大坂咖喱鸡扒、大坂咖喱炸冲绳鸡粒，幸福感爆满呀。
大坂咖喱鸡扒
大坂咖喱吉列豚肉
花楽 (北京道1号)
地址: 尖沙咀北京道1号8楼801室
电话: 26222386