位于PMQ嘅“PASTEAKO”餐馆装潢营造出好似黑手党电影《教父》式嘅风格，复古红白相间嘅地砖、酒红皮感梳化位、昏黄色调灯光都好好feel。而家午市套餐$188就可以食匀手工意粉、肉食同埋甜品，性价比激高!!! 客人可以自由配搭心水嘅意粉形状、酱汁同埋扒类，当中仲有唔少喺香港难以试到嘅口味𠻹㗎！
复古氛围好似瞬间穿梭到50年代嘅西方国度咁啊。
入座前，客人可以先拣刀款，呢个环节令人有啲期待。
$188午市套餐真系抵食得嚟又好食，值得疯狂encore!!
【$188三道菜午市套餐】自由拣意粉&酱料&扒类！
返工咁辛苦梗系要食好啲慰劳吓自己啦～ “PASTEAKO”用$188就可以食匀手工意粉、肉食同埋甜品。
单系意粉已经有5款拣，每款都烟韧有嚼劲。分别有螺丝粉(Fussili)、马铃薯面团(Gnocchi)、有机长通粉(Organic Penne)、扁意粉(Linguini)同埋粗管面(Rigatoni)，想食挂汁款又得；抑或丰富意粉口感都得。
手工意粉不论口感、质地同埋味道都好出色，硬度恰好。
好多意粉款式都系香港少见，而且自选环节几有新鲜感。
酱汁一样可以随心配搭，有经典番茄酱(Promodoro)、蒜味橄榄油(Aglio E Olio)、青酱(Pesto)、蘑菇酱(Funghi)同埋香辣番茄酱(Spicy Arrabbiata)，每日试一款都可以食足一星期(笑)！
至于扒类则可以2选1，有鸡胸 或 牛扒拣。前者香烤后更加惹味，而且肉质嫩滑啖啖肉；后者选用较紧致嘅牛肉前腰脊，牛味特别浓郁，绝对系食肉兽最爱啊～
酱汁煮得浓稠入味，上枱一刻超级香啊！
肉食配意粉系不败组合，lunch time都可以食得好丰盛㗎。
食到饱一饱仲有甜品作结，送上酸酸甜甜嘅柠檬意式奶酪，绵密口感仲带阵阵清新，食到最尾劲满足！
PASTEAKO
地址: 中环鸭巴甸街35号元创方B座Hollywood地下HG01-HG05号舖
电话: 23300129