成日约friend食烧肉惊女朋友嬲猪? 呢间日韩烧肉店「烧肉屋」首创—烧肉庆祝花束/蛋糕，将A5宫崎和牛变成花球真系好suprise!!
同场大部分烧肉、海鲜都有得拣半份，就算两个人食烧肉都食到好多款，即刻订肉肉花球哄吓吃货女友啦。
嚟到食和牛之外，超厚切牛舌、海鲜、云朵汽水等等等都好吸引!! 一定要mark实埋佢哋2024年8月至9月嘅生蠔 买一送一、海胆 半价、A5宫崎和牛薄切月烧汁 半价等等等优惠，文章最底有齐全部优惠啊!!
「烧肉屋」装潢好似日本祭典咁，挂满灯笼同霓虹灯劲有气氛。不过最重要讲埋呢度嘅烧肉炉～小店老板特别喺日本订制圈状发热烧肉炉，火力高达2000w。
全因呢度嘅和牛真系好厚切，如果用一般烧炉会变咗一边烧、啲油一边浸住块肉，咁就变咗燘肉啦…呢个日本炉就做到瞬间锁住肉汁，烧到微焦爆油嘅效果喇。
【半价三宝】大人气! 必点!
1) 多国生蠔·买1送1
边食烧肉、边食生蠔嘅冰火食法真系好正，而家买1送1优惠有3款生蠔拣～法国Les Huitres St Martin$48，蠔肉饱满又有海水味；西班牙Castillo$128就好厚身鲜甜；令和之怪物$178系出名大只嘅日本生蠔，丰富矿物味会于口中留有馀韵，蠔迷必试。
2) 时令海胆·半价$198(原价$396)
目测时令海胆刺身有半板咁多，用紫菜包住嚟食又脆又绵。
3. A5宫崎和牛薄切前腿肉 配特制月烧汁 半价$98(原价$196)
未见过半价嘅和牛薄切咁大块！好似食寿喜烧咁，轻轻一烧再捲起，蘸啲月烧汁又滑又香。
【烧肉屋首创 烧肉庆祝花束/蛋糕】
如果身边有位吃货女友，记住预早几日订个肉肉花球或肉肉蛋糕。畀女朋友拎住影相再帮手烧肉，即刻变暖男啊。
(上图右)西瓜红玫瑰花花束$459 配 A5宫崎和牛花球1个／A5宫崎和牛前腿肉花球1个／牛舌花球1个
(上图左)香槟色玫瑰花花束$459 配 A5宫崎和牛前腿肉花球1个／牛五花花球1个／猪颈肉花球2个
西瓜红玫瑰花礼盒(大)$599
配 A5宫崎和牛前腿肉花球2个／牛五花花球2个／猪颈肉花球2个
香槟色玫瑰花礼盒(中)$459
配 A5宫崎和牛前腿肉花球1个／牛五花花球1个／猪颈肉花球2个
牛五花生日蛋糕$288
生日食个肉肉蛋糕有惊喜，仲免费跟配烟花蜡烛。
【4款招牌烧肉】
招牌原条厚切牛舌
呢件厚切牛舌唔系得个名，系真·原条激厚牛舌啊!! 一开始成件牛舌放上炉烧，烧到外层开始熟就煎开一件件，咁样烧会又脆又弹牙㗎。
独家配方醃制牛排骨(500g)
平时韩烧必嗌嘅重磅原条排骨肉!! 同样依韩国做法用梨、苹果、日本淡口酱油、日本浓厚酱油醃制，利用水果天然酵素令肉质松软啲，食落又甜甜哋劲吸引。
私心最钟意嘅步骤，就系成条骨夹起剪肉(笑)，闻住啲肉香+甜酱料香味已经好想食啦。
原条排骨烧完都有劲多肉，一班朋友嚟食必嗌。
爽脆白鳝片
韩国男人好钟意食烧白鳝，听讲系滋补之物嚟㗎。而且「烧肉屋」嘅白鳝系每日去街市买新鲜货，男仔真系要叫碟试吓啊。
四味五花肉(黑椒盐、韩式酱汁、葱蒜、果味酱汁)
你有无试过一次食咁多口味嘅五花肉!? 个人钟意韩式酱同葱蒜口味，辣辣哋几夹五花肉。而果味酱汁都几香甜，女仔应该会钟意。
【人气拼盘优惠】
烧肉屋一人名物盘 | 7折$289(原价$413)
8-9月优惠唔止半价三宝，呢个一人名物盘7折只系200几蚊就有5款嘢食—酱汁牛五花、日式三角胸腹肉、封门柳、猪颈肉、杂锦香肠，真系唔好错过啊。
A5和牛肉眼盖 及 多种稀有部位宝盒 | 7折$459(原价$643)
7折宝盒嘅份量多到不能置信，有牛眼盖(40-45g)、牛仔骨(150g)、面颊肉(40g)、五花片(40g)、横隔膜(60g)。有时两个人唔知食咩好，拣呢个宝盒就试匀几种肉喇。
宝盒嘅牛眼盖真系好少见，我自己之前就未食过。原来口感系好细腻柔软，甚至去到如丝滑嫩嘅地步，咬都唔使咬㗎。
【À la carte·韩日创意料理】
奶油乾酪粟米 配原只南瓜
平时大家都会争住食韩烧炉边嘅烧乾酪粟米(笑)，今次唔使慢慢烧，直接叫嚟食就是爽，仲有埋南瓜解吓腻𠻹。
韩式单骨鸡翼 配脆公仔面
韩式炸鸡同脆脆公仔面原来几爽㖞，夹埋一齐食仲有两种脆脆口感好过瘾。
【烧肉解腻梳打饮品】
「烧肉屋」唔只得啤酒汽水，特调饮品真心靓。熊@汉堡包柑桔梳打同海中锦鲤梳打，真系有好多汉堡包软糖同锦鲤软糖，童心满满。云朵系列就有草莓乳酸汽水の云朵、波子奶酪汽水の云朵。软绵绵云朵真身系棉花糖，云朵会慢慢融化好梦幻。
(左起)熊@汉堡包柑桔梳打、百香果菠萝梳打、百香果荔枝梳打
(左)海中锦鲤梳打、(右)葡萄冰梳打
(左)波子奶酪汽水の云朵、(右)草莓乳酸汽水の云朵
【召唤港岛人】午市套餐
港岛人lunch想食烧肉嘅话，可以试吓呢度嘅午市套餐。有烧肉之馀，仲包埋沙律、甜品、饮品几抵食。
【酒鬼不能错过の优惠】
2024年8月有限定清酒买一送一，低至$398/2支咋！
(全日供应。不适用于星期五)
- 米一途 纯米酒$398/2支(720ml)
富坚果香，稳醇丰盈如五味一体
- 本月特选限量版$538/2支(720ml)
每月不同有惊喜
- 大岭 三粒米 纯米吟酿$728/2支(720ml)
山口县天然水酿造，甘爽带果香
「烧肉屋」优惠！2024年8月至9月30日
夏季限定暑期优惠 优惠1 全日单点餐牌78折 (星期五及六专享88折) (午市定食、所有套餐、折扣产品、生日产品 及 饮品除外)
优惠2: 半价三宝 1. 多国生蠔·买一送一 包括法国Les Huitres St Martin$48、西班牙Castillo$128、令和之怪物$178
2. 时令海胆·半价$198(原价$396)
3. A5宫崎和牛薄切前腿肉配特制月烧汁 半价$98 (原价$196/每人限叫一份)
优惠3: 清酒买一送一 以下限定版清酒买一送一，低至$398/2支！ - 米一途 纯米酒$398/2支(720ml) - 本月特选限量版$538/2支(720ml) - 大岭 三粒米 纯米吟酿$728/2支(720ml) (全日供应。不适用于星期五)
优惠4: 生日优惠(正日前后一周内) |
烧肉屋 (天后)
地址: 天后清风街10号清风大厦地舖
电话: 26606373