香港好似咩都有得食，但专门食羊嘅地方真系较少。高质羊宴，就系羊肉香而不膻！「快乐小羊」就专注做蒙式羊肉火锅，只用内蒙古锡林郭勒草原嘅「苏尼特幼羊」，配埋每日熬制嘅火锅汤底打边炉，羊肉唔膻又甘香。同场仲有蒙式烤羊肉，一大班人食嘅话仲可以叫烤全羊！
六度工序成就影响世界的一锅汤如果无靓汤底
食材几正都会稍逊一筹。所以大厨每日都会精选老鸡及牛棒骨慢熬6小时做出新鲜汤底。
回味醇香辣汤底 唔嗜辣都会食上瘾
一锅两食最过瘾，「成双锅」可以食到清汤同辣汤汤底。清汤色泽乳白丶鲜味浓郁，辣汤则以清汤为基调，再加入一级天鹰椒同秘制配料额外烹煮18小时，减去辛丶呛刺激味道；保留辣丶醇特点，恰到好处嘅辣唔会掩盖肉香，反而令肉味更浓丶菜味更香。
天然放养 内蒙古幼羊
话明用内蒙古草原上嘅幼羊，饲养方法当然全天然！羊只只会饮地下矿泉水丶母羊奶同食绿草，而且店家只会选用6个月大幼羊，确保肉质绵软，肥而不腻。打边炉嘅羊肉片，更特别以加工排酸工序，将唔同羊肉肉位切片压制，保证羊肉脂肪分布平均。
上等羊肉 黄金羊王
作为店家最高级羊肉，口感软嫩有咬口，仲有浓郁羊肉香。黄金羊王系以羊外脊丶肋腹肉同上脑肉压制而成。大大盘羊肉上枱真系好有气势，羊肉控一定食得满足。
滑嫩太阳卷
以滑嫩羊外脊丶眼肉肉位，加少许羊脂肪压制，口感特别绵滑，甚至有种入口即溶感觉。
日本直送和牛
除咗羊肉，打边炉当然仲有牛肉啦！呢个和牛拼盘来头不少，全部都系日本直送和牛，有鹿儿岛A4牛肩肉眼丶牛肩胛同北海道大雪牛西冷等。轻轻放入锅中滚一滚，牛肉即充满油脂甘香，肉质松软仲好有咬口。
新鲜手打丸滑 时令蔬菜
疯狂食肉外，打边炉都要有手打丸滑同蔬菜解解腻。呢度丸滑全部人手制，咩都想试吓就叫个快乐丸滑拼盘，可以食到蟹籽墨鱼滑丶瑶柱虾滑同黑松露羊肉滑。仲有时令蔬菜篮，会随季节转换菜类，而家食皇帝菜丶菠菜同生菜就最正喇！
正宗口味 蒙式烤羊
除咗羊肉涮锅，羊肉真系好啱用嚟烧烤。用天然香料丶孜然粉腌嘅蒙式烤羊肉，够哂惹味！呢款蒙式烤串，将羊肉切小令香料更全面渗透羊肉，再用明火烤熟，每啖都充满孜然羊肉香。
蒙式烤羊排
大大件羊扒一上枱已经好香！味道微辣仲有少少药材甘香，大胆用手撕开羊件入口，充满蒙古风味！仲想食多啲嘅话，店家仲有烤全羊或四分一只烤羊Order𠻹！
优惠价 叹无烟火锅
睇到最尾，想食但又惊食到成身火锅味？放心，店家每桌都安装咗「无烟宝」，油烟喺炉边即被抽走，所以食店无任何油烟味，反而仲有淡淡花香！
旺角店开业优惠活动
日期: | 即日起至2019年5月31日 |
时间及详情: | 11:30至17:00 午市时段享6.8折 |
| 17:00至21:30 晚市时段获赠现金券 |
| 21:30至02:00 宵夜时段享7.8折 |
| （另食满$300，获赠$300现金券） |
备注 | 每桌消费满$300可使用$150现金券，满$600可用$300现金券如此类推 （本券不得与其他优惠同时使用） |
不属於折扣范围：锅底丶和牛丶酒水丶饮品丶茶位及加一服务费
香港快乐小羊现金券使用条款：
1. 此券仅在香港快乐小羊火锅餐厅消费使用；
2. 此券仅限下次消费使用，只限堂食不得兑换现金，不设找赎；
3. 此券须加盖香港快乐小羊火锅餐厅印章和经理签署方为有效，影印本恕不接受；
4. 如有争议，以香港快乐小羊火锅餐厅之最後决定为准。