西餐厅食「煲仔饭」是咩FEEL ? 如果系日式煲仔饭又唔同讲法,配料更用上鹅肝、澳洲和牛封门柳、黑毛猪肋肉、北海道松叶蟹甲罗盛等靓食材,好有仪式感 !!
将煲仔饭玩到咁有质感,就系主打Fusion菜嘅土瓜湾“Nonsense”,店如其名想同大家一齐Eat Nonsense。除咗打破传统的「日式煲仔饭」,连意粉都撞上蒜香咸蛋黄+炸软壳蟹;义大利饭+芫荽酱依然creamy,而大家熟悉嘅避风塘都可以用嚟整炸日本鱿鱼须。
【自家制作】甜品惊喜爆红!生日画碟服务
呢度仲有生日画碟服务,生日嚟食饭可以预先联络店家为甜品碟画上Happy Birthday畀寿星惊喜!另外,如果一次过叫几款甜品,店家更会贴心砌成甜品拼盘,影相效果更唯美。
![](https://www.openrice.com/userphoto/CMSContent/0/8L/001P800B23F4CDBCD6C2E7j.jpg)
![](https://www.openrice.com/userphoto/CMSContent/0/8K/001OWL8C49D9FE802933C2j.jpg)
提供生日画碟服务,预先联络店家可为甜品碟画上Happy Birthday畀寿星惊喜。
自家甜品由Nonsense于工场每日新鲜制作,以日式捲蛋最经典!原条日式捲蛋或原个巴斯克订购都是$118 & $128 起 (for Take Away)。日式捲蛋口味有10款口味之多,例如:特浓伯爵茶、焙茶开心果、小山园抹茶/焙茶、斑兰榴梿(金枕头) 。
![](https://www.openrice.com/userphoto/CMSContent/0/8K/001OWMFF3F8E2FE51DD7B3j.jpg)
原条日式捲蛋或原个巴斯克订购都是$118 & $128 起 (for Take Away)
今年初新推巴斯克「软心」乾酪蛋糕,于网路瞬即爆红!切开焦香外层,里面是软心的重乾酪,Nonsense的甜品的特色是够浓够重料,绝不欺场。TAKE AWAY价格由$128起,比市场价平很宜很多,胜价比高! 除了原味、Oreo、开心果、朱古力呢啲经典口味之外,最特别是有茶系列的口味,例如铁观音、乌龙茶等,及酒系列如Lemon Whisky、Baileys、Rum Raisin 。
【日式煲仔饭】高质食材创作7款口味
「日式煲仔饭」嘅灵魂就系饭焦,“Nonsense”日式煲仔饭有超多脆卜卜饭焦㗎。采用名贵的紫铜锅、高质食材及自家秘制酱汁。酱汁、肉汁及油香都渗晒入饭粒中,够晒惹味。口味仲有7款之多。
![](https://www.openrice.com/userphoto/CMSContent/0/8A/001N0R550CE8842C03CBA9j.jpg)
最IGable一定系北海道松叶蟹甲罗盛,一上枱就见到超多蟹膏,连埋满满海鲜捞匀食好鲜甜咸香。另一充满日本风味嘅日本鳗鱼,真系铺满肥美鳗鱼,每啖都可以鳗鱼+饭一齐食,完全系大满足版嘅鳗鱼饭。
![](https://www.openrice.com/userphoto/CMSContent/0/8A/001N0S4AF4FED12AAD8766j.jpg)
(左)北海道松叶蟹甲罗盛、(右)日本鳗鱼
身为食肉兽,见到有黑毛猪肋肉点忍得口。黑毛猪肋肉煲仔饭一向好受欢迎,肉质松化软嫩,捞埋蛋浆一齐食好夹。
![](https://www.openrice.com/userphoto/CMSContent/0/8A/001N0T12FA9ED096037B2Cj.jpg)
(左)黑毛猪肋肉、(右)香煎大虾
其中3款煲仔饭口味就用上乘的食材,鹅肝·澳洲和牛封门柳、鹌鹑髀辣肉肠、海鲜煲仔饭。当中最抢眼一定系鹅肝·澳洲和牛封门柳!鹅肝激厚切,入口系会化出油香!! 平时食鹅肝会用水果中和腻感,而家就奢华享受用和牛封门柳平衡味道。
![](https://www.openrice.com/userphoto/CMSContent/0/8A/001N0UBF6F148B1383737Cj.jpg)
鹅肝·澳洲和牛封门柳煲仔饭
鹌鹑髀辣肉肠有啲似腊肠油髀变奏版,但新组合更有层次!! 辣肉肠惹味轻辣;鹌鹑髀又无油髀咁咸,肉质香软食得爽快。
![](https://www.openrice.com/userphoto/CMSContent/0/8A/001N0V9B996C49ED9CBC52j.jpg)
鹌鹑髀辣肉肠以西式食材入馔,好有新鲜感。
同场海鲜选择就有海鲜煲仔饭,海鲜料铺满饭面。食前连埋日本蛋一齐捞匀,每啖都食到几款海鲜口感鲜味,无肉咁腻但又好满足。
![](https://www.openrice.com/userphoto/CMSContent/0/8A/001N0W0951CF825DDC170Cj.jpg)
海鲜煲仔饭集合多款海鲜。
【土瓜湾小店】 高质食材吸引熟客! 不一样的餐厅 ——又是餐厅,又是蛋糕店
小店“Nonsense”选址土瓜湾,悭返租金则可引入高质食材回馈食客,就连意粉都有大大只龙虾尾同海胆,4年嚟吸引好多熟客㗎。唔只料理吸引,更于观塘自设甜品工场每日新鲜制作,采低糖少甜的配方。每天都吸引很多外区客户来买巴斯克「软心」乾酪蛋糕及日式捲蛋做生日蛋糕,或自私食,小店有足够的现货供应。
店家最驰名的甜品就系日式捲蛋,开店至今都有好多熟客为佢而嚟㗎。今年年初又推出巴斯克「软心」乾酪蛋糕,于网路爆红,口味有23款之多,可能是全港最多口味的巴斯克。
巴斯克「软心」乾酪蛋糕有23款口味之多
![](https://www.openrice.com/userphoto/CMSContent/0/8K/001OWN9EB96CB106ADB32Dj.jpg)
巴斯克「软心」乾酪蛋糕有16款口味之多
(经典) Oreo、开心果、朱古力、榴梿(金枕头)、Espresso 、咸蛋黄
(茶系巴斯克) 伯爵茶、乌龙茶、焙茶、铁观音、小山园抹茶、玄米茶
(酒系巴斯克) Baileys、Rum Raisin、Lemon Whisky
![](https://www.openrice.com/userphoto/CMSContent/0/8L/001P81709ED19B6A622770j.jpg)
TAKE AWAY BASQUE BURNT CHEESECAKE MENU
NONSENSE于观塘自设甜品工场每日新鲜制作,有足够的现货供应。
【必食料理】
炸软壳蟹·海鲜·乾酪咖喱锅·烤油饼(可选大、中、小辣)
唔好以为乾酪咖喱锅好辣,咖喱酱系自家用大量蔬菜熬到完全融化,口感特别浓郁,轻辣富层次。用烤油饼沾咖喱食好开胃,唔觉唔觉就清锅㗎喇。可以拣炸软壳蟹/龙虾尾,两款都好足料绝对够一班人share。
![](https://www.openrice.com/userphoto/CMSContent/0/8A/001N11EAE9B9594A91F448j.jpg)
炸软壳蟹·海鲜·乾酪咖喱锅·烤油饼,用大量蔬菜熬煮咖喱,特别浓郁。
叻沙·龙虾尾·炒扁意粉
呢度多款意粉都极具玩味,呢道辣中带甜嘅叻沙炒扁意粉,酱汁仲加咗海胆一齐煮,香浓鲜甜。最抢眼一定系大大只龙虾尾+海胆,点估到小店都做到咁丰富!!
![](https://www.openrice.com/userphoto/CMSContent/0/8A/001N12D5ABF471080DA69Aj.jpg)
大大只龙虾尾+海胆好抢眼。
炸软壳蟹·蒜香咸蛋黄酱·奶油汁扁意粉
每次见到menu有软壳蟹都毫无抵抗力,脆中带软口感真系一食再食。连埋蒜香咸蛋黄酱完全系饮酒必食。
![](https://www.openrice.com/userphoto/CMSContent/0/8A/001N1305D3035372318E88j.jpg)
炸软壳蟹+蒜香咸蛋黄酱好咸香,好啱饮埋cocktail。
【小食新品】人气主菜变小食! 划算价钱试多几款
“Nonsense”一向系gathering圣地,一班朋友嚟食饭梗系想试多几款嘢啦。店家特将最多人钟意嘅几款主菜变小食,大家就可以留肚试多几款之馀,价钱又更划算。港日fusion之选就有避风塘·炸日本鱿鱼须·鱿鱼圈,Q弹鱿鱼沾满避风塘脆辣炸蒜。
![](https://www.openrice.com/userphoto/CMSContent/0/8A/001N14FB20AD433D1603D3j.jpg)
(上)避风塘·炸日本鱿鱼须·鱿鱼圈,铺满避风塘脆辣炸蒜。
烧澳洲和牛封门柳·温泉蛋大啡菇本身就系店家大热料理!! 封门柳粉红软嫩,再精致地配搭大啡菇完全系迷你版主菜,方便大家一齐share。
![](https://www.openrice.com/userphoto/CMSContent/0/8A/001N152AAB49CC43EC07B6j.jpg)
烧澳洲和牛封门柳粉红软嫩,精致地配上大啡菇。
![](https://www.openrice.com/userphoto/CMSContent/0/8A/001N0P0CEFBDEC1E2EFD85j.jpg)
“Nonsense”店如其名想同大家一齐Eat Nonsense, 打破传统 !
Nonsense
地址: 土瓜湾北帝街143-155号顺辉大厦地下4号舖 (宋皇台站D出口行5分钟)
查询: 28063800 / 69705943 Whatsapp
IG : eat.nonsense