钟意食刺身嘅话，呢间「一休(居食屋)日本料理」就可以低budget满足刺身、寿司瘾。本身价钱已经好抵食，而家7:15pm前仲有刺身、寿司85折；另外惠顾满$100又有优惠价食三文鱼刺身，同场一系列特价寿司最平$9就有啦，即睇详情！
【刺身迷福音！堂食优惠】
- 所有正价刺身、寿司85折 (7:15前落单)
- 凡惠顾晚市堂食满$100，即享优惠价$68 三文鱼刺身1客(10片) [惠顾满$200，即可不限次数享用此优惠]
- 一系列特价寿司：火炙黑松露带子寿司 $9/件、火炙海胆酱赤虾寿司 $9/件、三文鱼腩寿司 $12/件、赤贝寿司 $9/件
- 指定日本清酒(冻/热) 优惠价$88起 |
三文鱼刺身优惠价只系$68，份量都几多㗎。
特价寿司每件$9起，好抵食。
店内有一排落地玻璃，光猛开扬。
【多款人气刺身拼盘】
呢度嘅刺身拼盘好受欢迎，CP值最高嘅系「特上刺身拼盘」$358就有半板海胆、矶煮鲍鱼，仲有三文鱼腩、赤虾、活赤贝，全部每日日本空运㗎。
特上刺身拼盘$358
海鲜盛合拼盘
四点刺身$108
【居酒屋气氛】
好多人钟意去居酒屋饮酒，所以呢度引入咗多款清酒，趁住清酒优惠期间$88起就有一壶啦！追求高质清酒都有720ml 獭祭、玉乃光、上善如水等选择。
清酒优惠期间$88起。
钟意饮啤酒嘅话，有日本人大爱SAPPORO生啤；亦有人气西班牙柠檬生啤，入口绵滑轻甜，好受女生欢迎㗎。
(左)SAPPORO生啤、(右)西班牙柠檬生啤
【人气料理】
日本人好钟意喺居酒屋慢食饮酒，呢度都有唔少料理，好啱一班人share。
蒜片牛柳粒，连埋脆蒜片一齐食劲香口。
西京烧银鳕鱼，扫上日本味醂、西京面噌即叫即烧，好有日本风味。
明太子鸡翼，鸡皮包住满满明太子馅，独特咸香好啱佐酒。
自家制章鱼小丸子，一啖一粒，内馅章鱼几大只㗎。
杂锦天妇罗，炸浆好薄脆。
【玩得更爽！VIP房】
想食得更尽兴，可预订VIP房享受隐私空间，详情可联络店家查询。
一休(居食屋)日本料理 (38广场)
地址: 旺角山东街38号38广场1楼
电话: 34264900
