旺角都有唯美月球主题酒吧餐厅啦！“J.moon”挂满逾百月球灯，每张枱都有独立月球灯畀你打卡。空中花园贯彻柔和气氛，有大梳化及咕𠱸座位chill住饮酒。
人气12星座鸡尾酒 2023全新菜式
驻场调酒师设计多款IGable鸡尾酒，特别系12星座系列好高人气，拣返自己星座嘅鸡尾酒睇吓同你夹唔夹啦。而且大厨特为2023年推出全新菜单继续大玩fusion菜，XO酱撞上番茄意粉、大坂烧变成pizza等等都劲有惊喜。
12星座鸡尾酒各有特色，一定要饮杯自己嘅星座呀。
餐牌写上每杯星座鸡尾酒都有专属金句。
调酒师新设计多款鸡尾酒。
【2023全新Fsuion菜】
大虾番茄XO酱意粉
港式XO酱鲜中带辣，撞入番茄意粉酸酸甜甜好有层次，有时食到XO酱嘅干贝、虾干料劲咸香。
海胆酱通心粉配大虾三文鱼子
自家海胆酱系用真海胆煮制，咸香带鲜。通心粉挂满酱汁好creamy，有啲似美国人好钟意食嘅Mac and Cheese，但就多咗大虾、三文鱼子配料，更加有口感。
【食Pizza饮啤酒！】
大坂烧香肠及菠萝薄饼
薄饼铺满木鱼丝，入口系浓厚咸甜大坂烧酱汁，加埋鸡肉肠、猪肉肠、菠萝、紫菜等多种配料，好似大坂烧进化版咁。
韩国泡菜海鲜薄饼
估唔到海鲜咁足料，有大虾、鱿鱼、带子、烟三文鱼等。酱汁以泡菜调制够晒酸辣，韩迷必点。
【召唤肉控】
避风塘加拿大猪鞍配时令蔬菜
加拿大猪鞍最强卖点系零污染，保湿技术令猪鞍松软juicy。平时好多餐厅都推荐5至7成熟最有肉汁，今次“J.moon”大厨更进一步以避风塘香料—干蒜、辣椒等炒香，最后铺满猪鞍入炉香烤。外层香脆，味道少辣好惊喜。
印度天多里烤鸡配牛油烤饼
依到既烤鸡大厨用左长时间醃制再配合慢烤既手法做出肉质鲜嫩又juicy既效果、更同时用上印度香料表皮香脆。牛油烤饼则松软具牛油香，配上烤鸡一齐食的确一流!
【佐酒小食】
“J.moon”气氛咁唯美，嚟饮吓酒、食小食都好正。呢度小食选择好多，香口炸物有 炸蠔配薄荷芒果酱、泰式炸虾饼配是拉差甜辣酱、香炸长洲大鱼蛋配甜辣酱等。
仲有西班牙人饮酒好钟意食嘅Tapas—西班牙辣椒仔都有。椒辣仔香煎后简单洒上盐，外皮微焦轻咸、内里清爽多汁，回甘唔辣好啱饮酒㗎。
(上图包括) 炸蠔配薄荷芒果酱、西班牙辣椒仔、黑松露比基尼、炸番薯薯条、香炸单骨鸡翼
J.moon
地址: 旺角西洋菜南街1A-1K号百宝利商业中心4楼10-11号舖
电话: 95455738