有无谂过喺香港都可以置身于法国凯旋门下享受浪漫晚餐？ “ROYAL INN”以巴黎凯旋门为灵感，设计出纯白浮雕拱门，配搭水晶弔灯、欧式花境布置，令人感觉置身于法国一样。最近，佢地梗喺铜锣湾开咗新分店，同尖沙咀店一样主打欧洲菜。
“ROYAL INN”尖沙咀店以纯白凯旋门、干花、落地玻璃打造法国浪漫感觉。
尖沙咀店室内有多盏水晶灯，浪漫唯美；室外眺望弥敦道，欣赏开扬都市景。
铜锣湾新店: 落地玻璃望维园靓景
新店呢边延续ROYAL INN的一贯华丽，甫入门口嘅古典喷水池系第一个影相靓位，店内仲有水晶灯、拱形窗打造法式浪漫，大落地玻璃更望到维园靓景。
铜锣湾新店门口古典喷水池系影相靓位。
铜锣湾店内特设2间VIP房，细房可容纳约16人；大房则约40-50人，配备投影音响装置可供商务会议、派对宴客；甚至包场举行轻婚礼都得。
铜锣湾店大拱形窗极具空间感，充满法式浪漫。
餐厅毗邻维园可欣赏绿悠悠靓景，商场亦设停车场方便泊车。
最重要呢度CP值好高，每道料理、甜品只系大约$100至$300，仲要系食回本嘅份量，完全系抵食之选!! 好似佢哋嘅招牌酥皮焗龙虾海鲜大杂烩，巨大化份量3至4人share都好够。
【一嚐欧陆料理】齐饮红白酒 食酥皮焗龙虾海鲜大杂烩
人气爆高: 招牌酥皮焗龙虾海鲜大杂烩
嚟到必点一定系店家人气爆高嘅招牌酥皮焗龙虾海鲜大杂烩，完全系巨大化酥皮汤呀!! 一上枱已经闻到好香牛油味，有番茄浓汤、菌香奶油、传统海皇汤3款选择。私心大推传统海皇汤，系用法国普罗旺斯着名料理—Bouillabaisse海皇汤煮法，用大量洋葱、藏红花、香草、海鲜高汤煮制，每啖都系浓郁海鲜精华呀。
招牌酥皮焗龙虾海鲜大杂烩，未食已经闻到好香牛油味。
最后大厨会放入新鲜波士顿龙虾半只、鲜虾、法国面包蟹、海蚬、青口、鱼柳、带子等，再铺上酥皮入炉即叫即焗。我哋一嚟就食啖酥皮先，新鲜出炉好酥脆咸香。之后仲有大量海鲜一齐share，净系呢个海鲜汤已经好丰富。
足料海鲜+酥皮入炉烤焗，完美结合鲜味·酥香。
每日飞机运到 | 即开生蠔·法式烟肉乾酪焗蠔
“ROYAL INN”会陆续推出限定欧陆料理、多款红白酒，每日都会直送新鲜生蠔。嚟到除咗食即开生蠔外，冬天可以拣热食法式乾酪焗生蠔，有菠菜奶油、香脆烟肉口味拣。
法式乾酪焗生蠔，冬天想食生蠔就啱晒。
必试前菜 西班牙火腿乾酪拼盘
前菜想慢食倾吓偈先，可以嗌西班牙火腿乾酪拼盘一齐share。将西班牙火腿、松露乾酪(Truffle Cheese)、戈贡佐拉蓝乾酪(Gorgonzola) 配上无花果、杏桃、多士等，咸香开胃又有气氛。
西班牙火腿乾酪拼盘，好啱饮酒倾偈。
多款手工意粉 推介:鲜海胆手工丝带阔面
呢度仲可以食到手工意粉—丝带阔面、义大利云吞、戒指意粉，唔系度度食到㗎。呢款丝带阔面就最挂汁，加埋软绵绵鲜海胆好有口感。
鲜海胆手工丝带阔面，同场仲有多款手工意粉。
够晒份量 炭烧安格斯肉眼牛扒
炭烧安格斯肉眼牛扒足足16oz，一个价钱、两个人食都好满足。仲系选用出名靓牛嘅阿根廷安格斯，有各种份量、肉位选择，好似安格斯裙柳牛扒、安格斯西冷牛扒、安格斯平铁牛扒等。本身牛扒会配千层薯、车厘藤茄、天然海盐。另外亦可追加香煎波士顿龙虾半只、烧牛骨髓、香煎鸭肝等。
炭烧16oz安格斯肉眼牛扒。两个人share都好满足，更可追加多款配菜。
仪式感满满 | 火焰雪山
好有仪式感嘅经典甜品—火焰雪山!! 出场时会淋上烈酒点火，切开入面有蛋糕、冰淇淋。如果嚟庆祝特别日子，真系必食。
火焰雪山即场点火，充满仪式感。
经典甜品: 朱古力心太软配冰淇淋
另一经典甜品朱古力心太软，一切开即刻有满满朱古力流心，外层朱古力蛋糕亦焗得轻脆。
朱古力心太软配冰淇淋，一切开即流出朱古力好有幸福感。
【下午茶CP值高】
呢度仲有下午茶时段，可以拣IGable嘅三层架下午茶，又或指定单点都几抵食，有时令新鲜生蠔6只、烟三文鱼柠檬奶油乾酪牛角包、海博瑞鲟鱼子酱、Tiramisu、焗苹果金宝配云尼拿酱等，包$28或以下饮品／任何无酒精饮品半价。
下午茶想轻盈啲，又口痕想食啲香口嘢，呢款鸡腿沙律就满足晒两个愿望喇。即炸鸡腿洒上松露同乾酪，食啖脆鸡腿再食啖沙律，即刻无咁罪恶感(笑)。
香脆松露乾酪鸡腿沙律，鸡腿即叫即炸好香脆。
呢道大蚬扁意粉绝对有惊喜，如果你好钟意海水味一定要试。呢道意粉一滴清水都唔使落，系用白酒、蚬水逼出大蚬鲜味，特别鲜甜。
香蒜鲜大蚬扁意粉，用白酒、蚬水逼出鲜味。
ROYAL INN (铜锣湾店)
地址: 铜锣湾告士打道311号皇室堡3楼313-314号舖
电话: 28183287
ROYAL INN (尖沙咀店)
地址: 尖沙咀弥敦道100号The ONE 1楼L121号舖
电话: 23218289
