凭借手工意粉打出名堂嘅「红馆RaRe Restaurant」，系由蓝带主厨Ryan同太太一齐家庭式主理嘅法国菜餐馆。温暖黄灯、云石餐枱同埋黑白型格椅櫈，整个氛围好有外国餐厅嘅感觉，闹市中嘅歇息小地方。
2024圣诞及除夕晚市套餐 | 限时优惠$498/位（原价$598/位）
12月有好多饭局，圣诞同除夕当晚想2个人远离闹市，又浪漫地撑吓枱脚，要试佢哋嘅六道菜圣诞及除夕晚市套餐，优惠价$498/位(原价$599/位)就食匀前菜、餐汤、手工意粉、主菜同埋甜品等等，CP值好高!!
2024圣诞及除夕晚市套餐
前菜 香葱吞拿鱼车厘茄沙律 或 北海道带子沙律伴橘子醋
餐汤 周打鱼汤
义大利面 巴马乾酪野菌义大利云吞 或 龙虾手打义大利阔面伴龙虾汁+$168
主菜 烤西班牙猪腩肉配泰式酱汁 或 低温慢煮火鸡捲配金巴利汁 或 低温慢煮挪威三文鱼伴地中海橄榄酱汁 或 威灵顿牛柳配黑松露红酒汁+$188
甜点 苹果金宝配云尼拿冰淇淋
特饮 咖啡或茶 2杯House Wine (Red/White)+$128 |
节庆前菜先上香葱吞拿鱼车厘茄沙律，吞拿鱼刺身切成一片片，外边微炙烧令香气突出，配香甜车厘茄企碟，更加食出吞拿鱼嘅鲜美。
前菜2选1 | 香葱吞拿鱼车厘茄沙律
红馆擅长手工意粉，将经典菜式煮出另一个层次。手工云吞外皮烟韧有咬口，口感细腻，同坊间食到嘅有啲唔同。内馅除咗有咸香巴马乾酪，特别加入菌菇，令整个配搭唔会过腻又好食。
义大利面2选1 | 巴马乾酪野菌义大利云吞
除咗法式菜，主厨仲会设计唔同fusion菜式。西班牙五花猪腩肉先以薑葱、蒜头、葱、芫荽等泰式香料醃制2晚，再慢煮6小时至肉质软腍。酱汁就用泰式白椰糖煮成焦糖，蘸住食劲惹味啊!!
主菜2选1 | 烤西班牙猪腩肉配泰式酱汁
挪威三文鱼出名脂肪少、口感滑嫩，经低温慢煮后锁满鱼肉营养，大小细路都啱食。几钟意跟配嘅地中海橄榄酱，先嚐到酸甜香浓嘅橄榄味，鱼油香气其后喺口腔内慢慢扩散，简直系perfect match。
主菜2选1 | 低温慢煮挪威三文鱼伴地中海橄榄酱汁
呢个唔系非一般嘅威灵顿牛柳，主厨会先煎香美国牛柳，再分别加入巴马火腿同炒到香喷喷嘅蘑菇酱捲住牛柳。最特别嘅系呢度会以春捲皮取代法式薄饼皮，更有口感!! 最后裹上酥皮高温烤焗20分钟先食得，粉嫩牛柳配黑松露红酒汁好好食！
主菜2选1 | 威灵顿牛柳配黑松露红酒汁+$188
最后送上人气甜品苹果金宝配云尼拿冰淇淋作为结尾，体验好完满!!
甜点 | 苹果金宝配云尼拿冰淇淋
六道菜晚市二人套餐 | 限时优惠$699/2位（原价$1,288/2位）
外国人钟意一晚食几道料理，入门级可以试吓「六道菜晚市二人套餐」，正值优惠价$699/2位(原价$1,288/2位)，有昆布鲷鱼沙律、野菌奶油汤，青口义大利面、慢煮薑母鸭、红酒烩羊膝等等。
Ryan远赴法国获取蓝带资格，擅长以法国菜技巧煮制各国食材。就算常见餐汤如野菌奶油汤，都系自家用菌菇打制而成，啖啖浓厚菌香，饮得出真材实料啊。
六道菜晚市二人套餐菜单
第一道菜 昆布鲷鱼沙律配柠檬酱 或 澳洲M8和牛他他+$28
第二道菜 野菌奶油汤
第三道菜 蓝青口扁意粉 或 新鲜龙虾手打义大利阔面+$168
第四道菜 红馆薑母鸭 或 低温慢煮火鸡捲配金巴利汁 或 红酒烩羊膝 或 美国安格斯肉眼牛扒(10oz)+$188
第五道菜 草莓拿破崙 或 鲜果乾酪挞
第六道菜 咖啡或茶 |
沙律同汤会依季节转换，好似今次呢款昆布鲷鱼沙律配柠檬酱，用咗经典日式配搭，食落酸酸哋好开胃。
昆布鲷鱼沙律配柠檬酱
澳洲M8和牛他他可以食到和牛原始肉味。他他做法亦保留到和牛软嫩肉质、均匀油花香。而且用嚟伴他他食嘅脆多士，饮酒真系一流。
前菜2选1 | 澳洲M8和牛他他
呢度最出名系手工意粉，而新鲜龙虾手打义大利阔面系招牌菜，正如Ryan所讲重点系个酱汁。先以自家熬鱼汤做底汁，同时都要将龙虾壳慢煮6小时，最后过滤先做到。虽然酱汁质地较坊间稀身，但食落系惊喜地鲜甜!!
意粉2选1 | 手工意粉 - 新鲜龙虾手打义大利阔面
意粉2选1 |蓝青口扁意粉
唔好以为火鸡一定干噌噌无啖好食啊，餐厅特别用低温慢煮方法制作，完美保存火鸡水分，同时做到肉质滑溜唔嚡口。正宗食法会以金巴利汁搭配，香甜蔓越莓汁同火鸡好match㗎～
精致主菜4选1 | 低温慢煮火鸡捲配金巴利汁
钟意食羊又系啖啖肉爱好者嘅话，点可以唔试呢道经典法式主菜红酒烩羊膝。超巨型羊膝先经调味再煎香，同红酒一齐慢火炖煮过程期间，红酒酒气散发，同时令羊膝煮到软腍。入口风味好浓郁，暖笠笠啱晒秋冬食。
精致主菜4选1 | 红酒烩羊膝
薑母鸭一向好重药材味，但今次用法国慢煮做法，抽真空65°C煮4小时，鸭肉煮到入晒味。薑同药材味好浓郁，自问药膳控嘅话必试。反而鸭肉就同平时好唔同，传统做法会偏干身，转用慢煮后锁满肉质水分，肉质嫩滑。
精致主菜4选1 | 红馆薑母鸭
【Happy Hour & High Tea】
除咗晚饭时段外，早啲嚟可以enjoy埋Happy Hour 或 下午茶啊。
Happy Hour套餐 | $888(3pm-8pm)
好少见送成支酒嘅Happy Hour套餐!! 仲可以拣法国葡萄餐酒1支／法国气泡酒Crémant 1支。套餐有一系列法国料理—法式香草焗蜗牛配薯茸、香草白酒牛油煮蓝青口、烧椰菜花都好精致佐酒。特别系唔显眼嘅烧椰菜花，其实系Ryan最推荐嘅料理。因为椰菜花以海盐、牛油烧到金黄，做到外脆内嫩口感，好多食客都觉得好惊喜。
加上啖啖肉嘅澳洲M8和牛他他、泰式猪肉碎挞，料理份量真系好多，绝对可以当作早鸟晚餐咁饮饱食醉啊。
Happy Hour套餐菜单
法国葡萄餐酒 1支 或 法国气泡酒Crémant 1支
法式香草焗蜗牛配薯茸 澳洲M8和牛他他 泰式猪肉碎挞 烧椰菜花 香草白酒牛油煮蓝青口 |
Happy Hour时段优惠！
红白酒1杯／生啤1杯只需$48 *Happy Hour套餐 及 Happy Hour时段优惠可以同时使用 |
「红馆RaRe Restaurant」嘅外国小馆气氛好啱同bestie摸酒杯底。如果时间太早唔想食套餐，都可以用Happy Hour时段优惠，红白酒1杯／生啤1杯只需$48。(一众酒鬼留意!! Happy Hour套餐 及 Happy Hour时段优惠可以同时使用，赚尽优惠㗎。)
Happy Hour套餐有法国经典料理—法式香草焗蜗牛配薯茸。好多坊间嘅焗蜗牛都系来货直接入炉，Ryan就将蜗牛拆肉再用鸡汤煮到入味，风味几特别。
法式香草焗蜗牛配薯茸
用陶锅上枱嘅香草白酒牛油煮蓝青口好抢眼。最传统嘅牛油香草做法，简单突显青口鲜味，免费跟配埋面包畀你吸汁食㗎。
香草白酒牛油煮蓝青口
泰式猪肉碎挞特别用酥皮做挞底，独特酥脆层次同传统猪肉挞好唔同，新鲜香草亦中和肉碎腻感。一碟6件，女仔真系可以当early dinner食，早啲食饭饮酒无咁易肥嘛。
下午茶餐单 | $298/2位、$158/1位(2:30pm-5:30pm)
钟意嚐茶慢活嘅话，午后时间可以拣双层下午茶，自家制甜品都好IGable。平时唔只朋友、情侣嚟食，更有囡囡带埋妈妈嚟共享优雅氛围㗎。
下午茶餐单详情
咸点小吃 澳洲M8和牛他他 日式照烧鸡三文治 巴马火腿配艾曼塔乾酪 泰式肉碎挞 西班牙黑毛猪辣肉肠埃曼塔乾酪酿白蘑菇 鲜虾鸡尾酒
精选甜点 鲜果乾酪挞 拿破崙 朱古力蛋糕 马卡龙
饮料 柠檬茶/英式奶茶/ 伯爵茶 / 洋甘菊茶/ 薄荷茶/ 美式咖啡/ 拿铁/Cappuccino |
双层下午茶共10款精致小点，好钟意佢哋嘅甜品甜度恰好。并有多款热茶、咖啡选择，热茶会以茶壶呈上更富英式气质。
【惊喜优惠】一打生蠔·即送气泡酒1支！
Ryan特别引入No.2嘅法国Fine De Claire生蠔，蠔肉紧实滑嫩，并带淡淡甜味及海鲜鲜味，富独特风味。
生蠔优惠详情
凡惠顾12只法国Fine De Claire生蠔，即送气泡酒1支 *优惠全日供应 |
红馆
地址: 中环干诺道中50号地下B号舖
电话: 23330186