今期推介一个高CP值+价钱合理+超班环境美食嘅好去处！
位于尖沙咀闹市中心顶楼嘅“KABOOM”俨如尖沙咀空中花园。餐厅酒吧佔地两层，室内天花铺满长竹枝，配上石砖墙身、户外藤椅同木枱，再以悬挂藤灯点缀，好似置身海边酒吧嘅纯朴气氛。
落地玻璃可以饱览维港靓景～坐喺藤椅揽住厚咕𠱸好chill。无论系食Lunch、Happy Hour定晚饭同朋友饮酒食饭都一流嘅all-in-one casual dining好地方呀！
顶楼室外空间则放满阳草伞、宽敞藤椅，配上芬兰木材、藤料塑造满满外国气氛，远离繁嚣。开扬环境更可欣赏维港海景，好啱闺蜜约会又或三五知己饮酒慢活。
估唔到户外都咁凉爽好风，就算怕热都唔使担心。而落雨既话会KABOOM会装上临时露营帐篷，所以落雨都唔洗担心! 同埋都好好vibe嫁!
嚟到望住维港靓景带住轻快既音乐，梗系轻酌两杯先啱气氛啦。专业调酒师特意设计咗12款东南亚主提既cocktail；并由外籍主厨为2023年menu加入左多款全新小食及主菜。
【外籍主厨设计】东南亚风酒吧料理
呢度气氛好啱饮酒倾计，所以有好多sharing佐酒小食，好似去咗cocktail party咁。
Tuna Cups | 吞拿鱼杯
新鲜吞拿鱼加上芝麻酱再用酥皮挞加强口感，每件挞都好爆馅料，一啖一件令人好想encore多两三碟!
Kaboom Sharing Platter | 小食拼盘
呢度嘅小食拼盘好抵食岩哂送酒! 份量丰富足够2-3人分享。有鸡翼、鸡尾酒虾、串烧、毛豆，薯条同埋越南网纹春捲。
Crab Bao Bao | 软壳蟹刈包
刈包够厚身具口感，入面包满一整只酥炸软壳蟹、醃黄瓜、菜丝等新鲜配料清新平衡口感，配埋辣椒蛋黄酱和墨西哥胡椒好开胃，闺蜜聚会必食。
Deep Sea Tacos | 深海墨西哥粟米捲饼
大家最爱既墨西哥粟米捲饼再配上鸡尾酒虾，而且餐厅比既份量十足，一口满满既大虾放入口中, 令人超级满足!
唔好以为“KABOOM” 只得小食出色，佢地既主食都好吸引㗎！
Go Big Go KABOOM! | KABOOM特式烤鸡 (而且每日限量嫁!)
烤鸡最重要keep到肉汁，而同时要表皮要做到香脆。而KABOOM佢地就做到依一点，真系好考厨师团队既心机同时间。而且蔬菜都系轻烤再吸埋烤鸡既肉汁，真心好味!
Spanish Octopus Leg & Squid Ink Spaghetti | 炭烤西班牙章鱼腿配墨鱼意粉
一般出面都唔多地方做炭烤西班牙章鱼腿因为要做到入味同埋软嫩一啲都唔易，需要好多时间同埋心机。今次大厨运用佢地既专业手法大花时间处理章鱼腿再配上Aglio e Olio既墨鱼意粉，出黎既效果相当好，具炭香味之馀又软嫩再配埋香口既Aglio e Olio墨鱼意粉真系一流!
Typhoon Shelter Style Crab Pasta | 避风塘软壳蟹意粉
外籍大厨创作咗唔少fusion菜，软壳蟹意粉就系其中之一喇。大厨将避风塘辣椒，撞上东南亚风味香茅、青柠等，惹味香口又几清爽，饮酒一流呀。
Tom Yum Gong Risotto with Seafood Galore | 冬荫功烩饭配海鲜
呢度嘅峇里度假风，就令人想食啲酸酸辣辣料理。呢道冬荫功烩饭酸辣浓郁，加埋满满海鲜—大虾、扇贝、软壳蟹好鲜甜。饮啖热汤，再食件清爽莲藕片解吓辣几正。
【Lunch Menu】依到既Lunch set 都好抵食, 岩哂系附近既上班族系午饭时间黎relax吓
Lunch Menu都几丰富而且大约每一个月左右就会update一次嫁啦。Lunch set包括前菜或餐汤、主菜，另外可以追加甜品小食都得。而weekend有时下昼想约friend食嘢饮吓酒亦都为一个好选择。
Slow-cooked Chicken Thigh | 慢炖鸡腿
慢炖煮法将鸡髀煮到好入味，就算咁厚肉都完全唔韧。配上微酸特制番茄汁劲佐饭，好快就食到清碟啦。
Pan Seared Sole Fillet | 香煎龙脷柳
下昼唔想做食肉兽，食吓鱼都唔错㗎。龙脷柳煎得金黄，鱼肉都几嫩滑，配埋峇里风嘅辣椒椰子酱拌饭好正。
【专业调酒师 | 即场调制你嘅专属鸡尾酒】
招牌Cocktail “KABOOM”
试想像喺空中花园星空下，微醺閒聊真系好浪漫。调酒师以独特手法调制招牌鸡尾酒“KABOOM”，系一杯以奶茶做主调嘅鸡尾酒嚟㗎。
12款独家Cocktail 以酒表达心情
同场特调12款主要以东南亚食材为主提既独家鸡尾酒都好IGable，全部亦都以心情为主题，想有野讲又唔讲唔出口？喺度以酒寄意啦～
"If Not Now, When?" 以班兰为主调，入口好refreshing。
"Damn Pissed Off!" 罕有份子料理鸡尾酒，再配热情果同菠萝汁。浴缸外型都好特别，「冲完凉」一定好心情啦！
"I Need To Keep Fit!" 依杯个味道独特，以佛手柑、抹茶、牛油果奶油等混合而成既cocktail 真系要试一试！
"Tonight Is Gonna Be A Good Night!" 最后介绍就系希望大家都会有一个美好的夜晚，cocktail主要以Prosecco、接骨木花酒、 柠檬汁等清新口味，非常好入口, 相信所有女士都会钟意!
KABOOM
地址: 尖沙咀北京道12A号太子集团中心20楼
电话: 37088114