俨如阿拉丁宫殿嘅黎巴嫩餐厅“Shahrazad Lebanese”，由真·黎巴嫩人开设，除咗环境充满异国风情之外，食物都好有特色㗎～黎巴嫩菜式喺香港确实少见，其实系好健康嘅地中海饮食，以丰富谷物、水果、蔬菜、海鲜、橄榄油等为主要食材，并以多种独特香料煮出层次，健康嘢都可以好正。
【8折优惠】
想入门试吓地道黎巴嫩料理嘅话，可以试吓佢哋嘅Lunch Set，有齐餐汤、沙律、主菜、甜品，食得劲丰富只系$138起，逢星期日至星期三仲有8折优惠𠻹㗎！
【Shahrazad Lebanese Lunch Set】
是日餐汤＋沙律(6选1)
传统黎巴嫩菜嘅餐前小菜叫Mezze并有冷热之分，通常都系酱类、沙律、小食等。午市套餐会先上开胃餐汤；再有经典沙律6选1，即刻睇吓有咩沙律前菜拣啦～
鹰嘴豆蓉系黎巴嫩经典前菜，鹰嘴豆会先混合芝麻酱，再加入柠檬、大蒜、橄榄油、香芹同番茄。望落简单嘅豆蓉其实糅合咗好多香料制成，好浓郁顺滑。
Hummus Beiruti
以前觉得豆类都系又淡又闷，黎巴嫩菜真系颠复咗呢个谂法。好似呢款香炸鹰嘴豆饼，第一啖咬落去有啲硬脆，入面就系绵密嘅鹰嘴豆蓉，连埋奶酪酱一齐食啱啱好，系一道充满阿拉伯风味嘅素菜嚟㗎。
Falafel
主要由羽衣甘蓝、番茄、小麦制成，单睇食材已经知道口感好丰富。加埋柠檬汁作调味，食落清新爽口又健康。
Tabouleh
仲有多款沙律前菜拣～
Bessara
Roasted Eggplant
Batata Harra
主菜(6选1)
Tagine慢炖菜被名为「摩洛哥煲仔饭」，因为当地人会用300度高温烧制嘅陶土煲，放入食材、香料后慢火炖煮，可想而知几入味！慢煮期间可以全面保存食材水份。以五香番茄酱慢煮杂锦蔬菜，唔单只营养丰富，连埋粒粒分明嘅米饭一齐食饱腹感超强，卡路里仲好低𠻹(食极唔肥！)。
慢炖菜(Vegetarian Tagine)$138
鱼蛋真系大人细路都钟意食，呢度更有火辣辣巨大鱼蛋，沾上惹火红辣酱+多款辣椒，刺激到不断有口水分泌，好过瘾啊。
红辣酱鱼蛋(Minced Fish Balls)$148
食肉又想健康啲，唔少人都会选择食鸡肉。呢款融合咗俄罗斯同中东嘅烹饪技巧，鸡髀肉裹上一层面包糠，食落外酥内嫩。蘸埋核桃+肉桂嘅调味酱，香甜绵密质感几特别。
切尔克斯鸡(Circassian Chicken)$158
呢度竟然有羊肉丸串，跟配酸酸甜甜嘅阿拉伯番茄酱捞饭食，绝对系羊肉lover嘅福音。
中东羊肉丸(Lamb Kofta with White Rice)$168
午餐食返个串烧奖励吓自己唔过份吧！烤黎巴嫩鸡肉串保留咗嫩滑肉质，食落唔干身，配埋酸酸哋嘅大蒜柠檬酱中和腻感，惹味得嚟够晒fresh。
烤鸡肉串(Shish Tawook)$148
黎巴嫩人好钟意食烤肉，“Shahrazad Lebanese”更系香港少见真‧炭烧。拼盘堆满烤牛肉、羊肉、鸡肉，全部烧到juicy有炭香，离远闻到已经流晒口水啦！
烤肉拼盘(Shahrazad Mashawy)$278
捲饼系列
想食个快饭又唔想求其？“Shahrazad Lebanese”嘅烤捲饼系一个好选择。炙烤薄饼包入鸡、牛或羊肉，伴有马铃薯同阿拉伯大蒜酱，无论堂食定grab and go都好方便。
鸡肉捲饼(Chicken Roll)$100
羊肉捲饼(Lamb Roll)$100
牛肉捲饼(Kofta Roll)$100
【7月限定：Lamb Mandi】
除咗lunch set好抵食外，“Shahrazad Lebanese”7月更有限定料理—传统烤羊肉料理。大家都知黎巴嫩人擅于煮制羊肉，呢道传统料理仲要好花功夫。要将羊肉慢煮几个钟，直到肉质软软腍腍先得，比起其他菜式更加嫩滑，趁今个月快啲试吓啦。
Shahrazad Lebanese Dining Lounge & Bar
地址: 中环云咸街75-77号嘉兆商业大厦2楼
电话: 23300242