【隐世蓝带主厨】中环54折叹晚市六道菜二人套餐! 3-8PM食法菜送Crémant

早年摆花街出名手工意粉嘅「红馆RaRe Restaurant」，因为重建被逼结业引嚟网民不舍。原来佢哋已经喺干诺道中开设新店，fans又可以食返高质手工意粉喇。

呢度由蓝带主厨Ryan同太太一齐家庭式主理嘅法国菜，新店仲有种去到外国小餐馆食饭嘅感觉，原来呢个亦系Ryan初心。想大家嚟到好似外国人嘅氛围，轻轻松松咩都食吓、饮酒倾吓偈。

六道菜晚市二人套餐 | 优惠$699/2位(原价$1,288/2位)

外国人钟意一晚食几道料理，所以Ryan设计咗3款套餐畀大家拣。最入门系「六道菜晚市二人套餐」，正值优惠价$699/2位(原价$1,288/2位)，有烧美国安格斯牛肉泰式青木瓜沙律、低温慢煮鸡胸冬阴功酱扁意面、红馆薑母鸭等等。就算简单如蘑菇汤，都系自家用蘑菇blend成，无额外加土豆、面粉，啖啖浓厚菌香都系真材实料啊。

六道菜晚市二人套餐菜单

第一道菜

巴马火腿沙律

或

烧美国安格斯牛肉泰式青木瓜沙律+$28

第二道菜

蘑菇汤

第三道菜

低温慢煮鸡胸冬阴功酱扁意面

或

新鲜龙虾手打义大利关面+$168

第四道菜

红馆薑母鸭

或

摩洛哥烩羊肉+$48

或

美国安格斯肉眼牛扒(10oz)+$188

第五道菜

芒果拿破崙

或

鲜果乾酪挞

第六道菜

咖啡或茶

蓝带主厨Ryan，擅长以法国菜技巧煮制各国食材。好似「六道菜晚市二人套餐」嘅摩洛哥烩羊肉+$48，就以多种摩洛哥香料—花椒、丁香、肉桂、薑黄粉等烩制，羊肉煮到好软腍，少辣暖胃好啱秋冬食。

摩洛哥烩羊肉

套餐前菜都绝不逊色，烧美国安格斯牛肉泰式青木瓜沙律+$28嘅牛肉烧到好粉嫩，夹埋酸甜清爽嘅青木瓜丝一齐食几有层次。

烧美国安格斯牛肉泰式青木瓜沙律

呢度最出名系手工意粉，六道菜套餐有新鲜龙虾手打义大利阔+$168，亦可拣低温慢煮鸡胸冬阴功酱扁意面。前者用自家熬鱼汤做底汁，加埋慢煮6小时龙虾壳再过滤，龙虾汁香浓不腻；后者有椰奶香，浓稠微酸辣，弹牙手工意粉几挂汁。

意粉可拣: 低温慢煮鸡胸冬阴功酱扁意面 (上) 或新鲜龙虾手打义大利阔面 (下)

红馆薑母鸭RaRe Ginger Duck Leg

呢度嘅薑母鸭系招牌菜，平时食开嘅中式口味都好重药材味。而「红馆RaRe Restaurant」系用法国慢煮做法，抽真空65°C煮4小时，将鸭肉煮到入晒药材味之馀，鸭肉比传统做法更湿润嫩滑。

呢度全部甜品都系自家制，六道菜套餐就有芒果拿破崙／鲜果乾酪挞拣喇。

【Happy Hour & High Tea 】

除咗晚饭时段外，早啲嚟可以enjoy埋Happy Hour 或下午茶啊。

Happy Hour套餐 | $888(3pm-8pm)

好少见送成支酒嘅Happy Hour套餐!! 仲可以拣法国葡萄餐酒1支／法国气泡酒Crémant 1支。套餐有一系列法国料理—法式香草焗蜗牛配薯茸、香草白酒牛油煮蓝青口、烧椰菜花都好精致佐酒。特别系唔显眼嘅烧椰菜花，其实系Ryan最推荐嘅料理。因为椰菜花以海盐、牛油烧到金黄，做到外脆内嫩口感，好多食客都觉得好惊喜。