平时食饭、饮嘢直落都要转场咁麻烦，几位90后深受其烦索性喺尖沙咀开咗呢间「基地」，并请嚟法国菜大厨煮制高质料理；同场又有调酒师即调Cocktail、红酒、白酒同一系列生啤，一个场直落慢慢chill。
留意返呢度依餐厅防疫措施，晚市堂食至12点，唔使出示24小时内阴性快测结果㗎。
而家仲有Early Bird全单8折优惠 (15:00-19:45前埋单离席)!
萤光Graffiti 好有气氛，细节位好多玩味元素
法国菜大厨主理 饮酒食欧洲嘢
呢度嘅法式鸡饭一向劲有人气～用法国传统煮法，要反复焗制再慢煮，鸡肉劲嫩又有法国黄酒香。最近大厨陆续引入多款欧洲料理，私心好钟意西班牙人饮酒必食嘅Tapas 呀。
人气法式鸡饭
喺度饮酒食嘢可以好casual 咁食法国菜同欧洲菜，成枱放满小食、主菜share 慢食劲有气氛。
佐酒必食: 西班牙帕德龙辣椒
西班牙人咁钟意Tapas，因为全部细细件又香口，好啱饮酒食。呢道帕德龙辣椒就系由西班牙直送，系当地传统小食。食落完全唔辣，主要系食佢嘅香味嚟佐酒。
西班牙直送帕德龙辣椒，唔辣好香口。
有料! 慢煮西班八爪鱼炒辣肉肠
另一西班牙料理有呢道慢煮八爪鱼，口感好Q弹，加埋西班牙辣肉肠炒香好正。
好钟意八爪鱼嘅Q弹口感。
超惊喜打卡位！火焰焗海螺
呢道焗海螺真系影相位～上枱时用纸包住，专人一点火即变出大海螺。最惊喜系一闪而过嘅火真系烧得劲高，估佢唔到呀。大海螺内则放满螺肉，有浓郁乾酪奶油包住，食落弹牙又creamy。
一闪而过劲大火，好惊喜。
法式红酒烩牛面
个人觉得必试人气法式鸡饭外，另一大推法式料理就有呢道烩牛面，传统法式煮法，肉质好软腍㗎。
好少食到烩牛面咁软腍。
软壳蟹扁意粉红花奶油汁
软壳蟹好大只吸睛，大厨更特意将蟹膏炒干，好似蟹籽咁捞落意粉中，蟹味特浓。
意粉加咗干炒蟹膏特别香口。
焗原只龙虾奶油薯蓉
原只龙虾好大只～酱汁系用龙虾头煮制，最后加奶油一齐焗，相比平时只加乾酪做法更juicy 鲜甜。
龙虾好大只多肉，好钟意个龙虾酱汁咁鲜甜。
乾酪菠菜义大利云吞 配牛肝菌奶油汁
饮酒都有健康素食，呢道义大利云吞馅料有乾酪、菠菜，配以牛肝菌奶油汁，好香菌味。
一啖一只劲方便，浓郁乾酪好佐酒。
美国猪仔肋骨
有别一般猪仔骨又干又韧，大厨先慢煮再烤焗做到一咬离骨，肉质又软腍弹牙，系难得香甜松软嘅高质猪仔骨。
猪仔骨肉一咬离骨，肉质又keep 到松软弹牙。
【Cocktail】
Base Star Matini
一戳开泡泡球即飘出仙气，打卡好靓。Vodka 底调加入菠萝汁、青柠汁等，味道轻甜fruity。
满满仙气嘅Cocktail。
My Girlfriend's Favourite
梦幻紫色系来自蝶豆花同柠檬汁，加埋玫瑰花、绿茶清爽带花香。
梦幻紫色好啱girl talk 气氛。
【Mocktail】
Bambi
蛋白泡沫铺满花瓣，下层则以香桃、西柚汁、柑橘汁等调制，软滑香甜。
铺满花瓣嘅Mocktail，好啱哄女仔㗎。
Blue Lagoon
以Blue Curacao syrup 为主调，加埋柠檬汁、Lemonade 等，相对refreshing ，好啱饭后直落饮住倾计。
味道偏甜，好啱饭后慢慢摸酒杯倾计。
基地 Base Bar
地址: 尖沙咀山林道29-31号广利楼地下A号舖
电话: 23613118
WhatsApp订座电话 : 97132703
IG :BASE.852