自从12月开始，大家嘅holiday mood都有增无减，当然要约friend疯狂饭局啦!! 呢间日韩烧肉店「烧肉屋」而家有激多优惠—$198 鸡豚放题、生蠔买一送一、海胆半价、全日单点餐牌88折等等等。美国金箔斧头扒(600-700g)半价只系$878，仲可以自己亲手烧 斧~头~扒 好过瘾啊!!
美国金箔斧头扒 配烧汁鹅肝酱｜半价$878 (原价$1756)
圣诞食斧头扒够晒仪式感！斧头扒足足600-700g，竟然可以自己亲手烧真系好玩好食。
西餐食斧头扒都系先煎后焗。一但煮得耐，肉汁自然流失得多啦。今次可以自己将原件斧头扒放上日本制烧炉，烧到咁上下再用铰剪剪开一件件，大幅缩短煎煮时间，特别juicy兼肉味浓㗎。
美国金箔斧头扒足足600-700g，够晒大份！
第一次自己亲手烧斧头扒，好玩好食。
即烧即食够晒热辣辣，最紧要蘸埋个烧汁鹅肝酱啊。呢个酱系自家人手将鹅肝压成蓉，再加啲香煎鹅肝粒粒入去。鹅肝味爆浓之馀，仲有软绵粒粒口感，撞正圣诞优惠只系800几蚊好抵食。
免费跟配嘅烧汁鹅肝酱，系自家人手用鹅肝制作，鹅肝口感同味道都好丰富。
A5宫崎和牛稀有三角腩120g｜7折$299(原价$427)
「烧肉屋」有好多A5宫崎和牛肉位拣，私心最钟意三角腩!! 佢咬开好有油花香，但唔会成口油好腻嘅感觉。肉质爽弹唔腍，系越咬越香嘅和牛肉位。而家120g只系$299，真系必食！
A5宫崎和牛稀有三角腩，油花香溢又唔会腻。
肉质爽弹唔腍，系越咬越香嘅和牛肉位。
A5宫崎和牛特选牛肩连切150g｜7折$368(原价$526)
一夹起发觉呢块牛肩肉超大块，而且仲有斜纹切法好特别。原来呢种切法唔只靓，仲会将多馀脂肪、筋位切走，所以食落啖啖肉完全唔韧。真系软嫩到有种「哗」嘅感觉，系平时未食过嘅嫩嫩口感。如果要形容，可以话好似牛柳又厚又嫩嘅口感，但牛味就浓好多，值得一试啊。
A5宫崎和牛特选牛肩连切，斜纹切法好特别。
切走多馀脂肪、筋位，食落啖啖肉完全唔韧。
【人气好物】爆红IGable料理
除咗特选嘅A5宫崎和牛，呢度仲有好多人气好物—烧牛舌、海鲜、烧鹅肝；仲有女生同小朋友都会心心眼嘅*请勿打扰*熊の寿喜锅，几有惊喜。
舌形毕露 | 香葱薄切长牛舌
早前大受日本女生钟意嘅香葱薄牛舌，而家「烧肉屋」都有得食喇!! 只要将牛舌平放喺烧炉上面，等到牛舌开始变色又有油花，就可以用钳将牛舌捲住香葱，再烧多阵就食得喇。
牛舌望落好薄，但估唔到一咬落去好有嚼劲!! 越咬越有香葱清香，口感控一定会钟意。
大受日本女生钟意嘅香葱薄牛舌，而家「烧肉屋」都有得食。
牛舌好有嚼劲，越咬越有香葱清香。
海鲜一人大满足｜7折$459(原价$656)
原来连海鲜拼盘都系优惠单品之一！400几蚊就有原只鱿鱼、甲罗烧、乾酪蒜蓉帆立贝、大虾、白鳝。平时单点咁多款嘅话，肯定唔止呢个价啊。
虽然个餐叫「海鲜一人大满足」，但12月、1月咁多饭局，约埋朋友一齐share都好啱。
海鲜一人大满足CP值高。400几蚊就有原只鱿鱼、甲罗烧、乾酪蒜蓉帆立贝、大虾、白鳝，平时单点一定唔止呢个价。
法包苹果烧鹅肝
「烧肉屋」唔只有烧肉食，仲有好多创作料理。好似呢道奢华鹅肝就好啱大时大节食喇。鹅肝超级厚切，切一件放上脆脆法包食已经好咸香。再配埋轻甜苹果平衡油香，成为我哋最快清碟料理之一(笑)。
大时大节食鹅肝有仪式感，超级厚切咸香。
*请勿打扰*熊の寿喜锅
呢度连寿喜烧都有得食，仲系少女心爆发嘅熊熊冰!! 原来熊熊冰真身系寿喜烧汤嚟，啱啱上枱嗰阵仲有层薄冰喺表面，然后慢慢融化寿喜烧汤就会越嚟越香喇
寿喜烧锅边铺满肉肉肉!! 可以自选A5宫崎和牛/爽脆豚肉片；或者双拼都得。锅中间又有野菜、福袋、玉子等，配料超多。
A5宫崎和牛200g | $768 爽脆豚肉片300g | $427 A5宫崎和牛100g+爽脆豚肉片150g |$570 |
【半价孖宝】
1) 多国生蠔 买一送一
多国生蠔每只只系$48，而家仲有买一送一优惠!! 除开一只只系$24咋。呢个价钱食到法国、西班牙、爱尔兰生蠔，CP值几高。
3个地方生蠔都各有特色，值得嗌半打生蠔试晒3款啊～
- 法国Les Huitres St Martin$48: 蠔肉饱满富海水味
- 西班牙Castillo$48: 就好厚身鲜甜
- 爱尔兰 Irish Rock $48: 肉质饱满爽脆，蠔迷必试!!
嚟自法国、西班牙、爱尔兰指定生蠔，现有买一送一优惠。
2) 时令海胆 半价$198(原价$396)
海胆迷唔好错过嘅半价优惠！
【$198 鸡豚放题】星期一至四 送最中饼冰淇淋1份
任食果汁黑豚、四味五花肉(黑椒盐/果味酱汁)、猪颈肉、地鸡鸡软骨串、摩萨酱汁鸡肉、烧鸡翼及时令前菜(5款)
唔食牛嘅朋友一定要mark低～ 呢度嘅鸡豚放题只系$198，一坐低会有个肉拼盘畀你试晒咁多款肉先，之后可以疯狂单点自己钟意嘅itemsss。呢个安排真系好贴心，帮大家悭返逐款试嘅时间，重点出撃唔使浪费qouta。
(*每日供应。星期五、六 +$30/位；12岁以下及长者-$40)
鸡豚放题只系$198咋，绝对系唔食牛人士嘅福音。
生日优惠1 Chill爆薯茄1支(原价$88)
凡消费满$599，+$58即送Chill爆薯茄1支。第一眼真系以为雪茄嚟，望真啲先知出面系牛油脆皮，内馅就有满满土豆沙律。
一班人拎住扮食雪茄都玩咗一轮，估唔到食嗰阵牛油皮仲脆㖞。有种外脆内软绵绵口感，几得意。
凡消费满$599，+$58即送Chill爆薯茄1支(原价$88)。
玩完一轮，外层牛油皮仲脆㖞，入面嘅土豆沙律就软绵绵。
生日优惠2 牛五花生日蛋糕1个(原价$288)
凭任何消费并出示生日证明，+$199即送牛五花生日蛋糕1个。庆生饭局可以食埋肉肉蛋糕，仲免费跟配烟花蜡烛㗎。
凭任何消费并出示生日证明，+$199即送牛五花生日蛋糕1个(原价$288)。
【酒鬼不能错过の优惠】
大时大节点可以唔饮酒。「烧肉屋」而家有限定清酒买一送一，低至$398/2支～
- 米一途 纯米酒$398/2支(720ml)
富坚果香，稳醇丰盈如五味一体
- 本月特选限量版$538/2支(720ml)
每月不同有惊喜
- 大岭 三粒米 纯米吟酿$728/2支(720ml)
山口县天然水酿造，甘爽带果香
大时大节当然要饮酒尽兴，记住用埋清酒买一送一优惠。
一表睇晒！「烧肉屋」最新优惠(即日起至2025年1月30日)
【$198 鸡豚放题】星期一至四 送最中饼冰淇淋1份 超丰富放题Itemsss: 任食果汁黑豚、四味五花肉(黑椒盐/果味酱汁)、猪颈肉、地鸡鸡软骨串、摩萨酱汁鸡肉、烧鸡翼及时令前菜(5款) (*每日供应。星期五、六 +$30/位；12岁以下及长者-$40)
【限定优惠合集】 优惠1 全日单点餐牌88折(星期五、六专享9折) (*午市定食、所有套餐、折扣产品、生日产品 及 饮品除外)
优惠2 多国生蠔 买一送一 包括法国Les Huitres St Martin$48、西班牙Castillo$48、爱尔兰 Irish Rock$48
优惠3 时令海胆 半价$198(原价$396)
优惠4 清酒买一送一 以下限定版清酒买一送一，低至$398/2支！ - 米一途 纯米酒$398/2支(720ml) - 本月特选限量版$538/2支(720ml) - 大岭 三粒米 纯米吟酿$728/2支(720ml) (*全日供应。不适用于星期五)
【生日优惠】 优惠1 凡消费满$599，+$58即送Chill爆薯茄1支(牛油脆皮土豆沙律，原价$88)
优惠2 凭任何消费并出示生日证明，+$199即送牛五花生日蛋糕1个(原价$288)
【寿星专享优惠】 - 订位免切饼费 - 消费满$1,500，即送指定甜品1份(附设免费写名服务) (*必须致电预订，数量有限送完即止) (*生日为正日前后一周内) |
烧肉屋 (清风街)
地址: 天后清风街10号清风大厦地舖
电话: 26606373