【清酒Pairing】居酒屋Tasting Menu第2位半价+8大得奖清酒

中环兰桂芳除咗聚集唔少港人同游客，当然都揾到高质餐厅!! 坐拥开扬景观嘅日式居酒屋餐厅 “Kyoto Joe” ，系香港少有推出日式素食嘅餐厅，好似佢哋嘅任点晚餐喺素食关注组好高讨论度㗎。今次第2位半价优惠嘅嚐味盛宴，就可以试埋佢哋嘅新鲜鱼料理、鸡肉烧物等。平时约素食或追求健康嘅朋友食饭，又多个选择啦。

装潢受京都伏见区 (Fushimi-ku) 稻荷大社嘅千本鸟居启发，以夺目红色为主调。好似身处日本，但同时饱览中环核心商业区嘅高楼景色。

【召唤爱酒之人】

“Kyoto Joe” 最新引入8枝获奖清酒，每款风味嘅辨识度高、入口香甘醇，爱酒之人必试啊。

“Kyoto Joe” 供应8款获奖清酒。

一系列荣获金、银、铜奖嘅清酒当中，开饭仔重点推介同今次Tasting Menu好夹嘅其中4款清酒。分别有金奖「南部美人纯米大吟酿山田锦心白」同「作雅乃智中取纯米大吟酿」，前者突显到原料米「山田锦」特有嘅圆润顺滑口感；后者充满华丽水果香气，入口柔顺、味道平衡。

南部美人纯米大吟酿山田锦心白 ($590)

作雅乃智中取纯米大吟酿 ($680)

另两款推介就系银奖「天寿鸟海山生酛仕込纯米酒」，以传统生酛酒母酿造，旨口芳醇。虽然酒精浓度有15%但好易入口。至于铜奖「梵Gold 纯米大吟酿」酸度适中、酒质圆润，即使系入门级浅嚐都无问题。

天寿鸟海山生酛仕込纯米酒 ($420)

梵Gold 纯米大吟酿 ($540)

【第二位半价优惠】强力推介8道菜Tasting Menu

“Kyoto Joe” 分别推出「5道菜嚐味盛宴」($630/位) 同埋「8道菜嚐味盛宴」($980/位) 。两个Tasting Menu都做紧第二位半价优惠，用超抵价钱食尽精致日式料理。两个Tasting Menu唔知点拣好，私心推荐「8道菜嚐味盛宴」最丰富！有齐开胃菜(先付)、前菜(鲜付)、刺身(向付)、烧物、唐扬炸物、汁烧料理、汤桶、甜品。

开胃菜先上一道清新嘅日本熊本县水果番茄，大厨先将番茄果肉混合青瓜，炮制成清甜嘅和风汁，再放上啖啖蟹肉同鱼子酱，为你展开菜单序幕。