富有历史意义嘅中环街市，系近年大热嘅打卡点之一，置于其中嘅茶啡酒馆I-O-N Café Bar，喺菜单设计上，亦有呼应保育文化主题，以多款充满香港本土特色嘅食材入馔，设计创作出唔同嘅新颖菜式，都几有新鲜感，下午茶更以中环街市楼梯同大钟面貌雕刻嘅原木盒盛载。而且餐厅啱啱装修完，相连同源甜点品牌 Nina Patisserie成一体，并设巾咖啡导向体验等，满足男女老幼。
座落于中环街巿内，环境宽敞
小食拼盘(细)
餐牌上嘅小食样样都好吸引，识拣梗系拣小食拼盘，样样都有得试啲。一个细Platter可以喺8款招牌小食中任拣4款，特别推介加入香港特色嘅金沙炸薯条、避风塘炸鱼薯条或者爆谷虾等，醒神惹味，开个靓头。
玫瑰露煮青口
一般都系用白酒煮青口，但呢度就玩玩新意思，以中国传统名酒玫瑰露代替，青口嘅鲜香味更加突出，而且渗有阵阵花香。
自家制话梅红菜头醃三文鱼秋葵苹果沙律
好多注重健康嘅朋友，都会钟意食沙律。秋葵、苹果都系新鲜、爽口，加入埋自家醃制嘅话梅，微酸中又带回甜，够晒清新开胃。
叉烧酱鳕鱼
贯彻餐厅融入香港风味嘅风格，为烧鳕鱼抹上香甜嘅叉烧酱，配搭大胆创新。鱼肉嫩滑带甜，另有鹌鹑蛋同脆饭条作伴碟。
香辣虾酱海鲜意粉
大澳虾酱绝对可以话系香港本土特产之一，餐厅就用咗佢嚟制作海鲜意粉。意粉弹牙而且挂汁，啖啖浓郁咸香，少少辣，同时提昇鲜味。
慢煮柱侯原条牛仔骨
师傅采用传统炆牛腩嘅方法炮制原条牛仔骨，非常入味，连骨嘅肉质软腍嫩滑，更带有油香，牛魔王唔好错过。
甜品拼盘
甜品控当然嚟个甜品拼盘，尽情咁食匀所有招牌推介啦。拼盘内包括有朱古力心太软、十胜红豆抹茶窝夫、冰淇淋同新鲜水果等。窝夫外脆内软、心太软香味浓郁。亦可选择由在旁的Nina Patisserie提供的是日精选蛋糕配招牌蝴蝶酥。
港式调酒
就连cocktail都充满住香港特色，好似Snow Fizz取材自杏霜，以杏仁入馔嘅Gin酒加上蛋白同柠檬调制；COT就有如茶餐厅手写单一样，即系冻柠茶加vodka；而Green Fashion则系大家由细饮到大嘅西洋菜蜜，再混埋菠萝同Rum酒调制。
于2022年4月29日至6月9日期间，首【20】名用户于【I-O-N Café Bar】使用相应OpenRice服务，消费满【$50.1】并输入【MME20R】即减【$50】！仲等咩？快啲约埋饭脚开餐啦！
I-O-N Café Bar
地址: 中环皇后大道中93号中环街市1楼124-125号舖
电话: 91415863
