工厦有唔少卧虎藏龙嘅高质餐厅，例如最近喺九龙湾港铁站附近开张嘅「Luxury Chef」就系其中一个好例子。餐厅环境优雅舒适，菜式更请嚟从事饮食业超过30年、喺多间五星级酒店及高级会所出任总厨嘅名厨Eddy Chu担任顾问，出品自然有保证。无论系返工想食餐好嘅Lunch奖励自己，或者到附近商场睇戏前叹个丰富Afternoon Tea都好啱！
无论系Lunch定系Dinner Set都有唔少肉扒选择，爱牛之人可以拣「美国极级牛肉眼扒」，选用USAD 当中最高级嘅Prime 牛肉，而且肉眼属于肋脊部位，油花丰富，烤过更香更Juicy！
美国极级牛肉眼扒
唔少人食羊最怕有骚味或者太韧，呢度嘅「慢烧羊鞍」完全无以上问题！以慢烧方式煮出嚟嘅羊鞍肉质软腍易咬、仲保留到唔少肉汁。而且熟度啱啱好，配埋酱汁，羊香突出又唔会太骚。
慢烧羊鞍
丰富嘅全日早餐就最啱心大心细咩都想食嘅朋友仔，呢份「All Day Breakfast」有齐双蛋、火腿、纽伦堡肠、薯饼、田园沙律、烤蕃茄、餐包、茄汁焗豆。而肉可选牛扒、鸡扒、猪扒或吉列鱼柳。
All Day Breakfast
大、小朋友都钟意嘅汉堡选用柔嫩多汁、肉香醇厚嘅安格斯牛肉嚟制作汉堡扒，加上新鲜蕃茄、生菜等，用松软嘅面包夹埋一齐食，加倍满足！
乾酪安格斯牛汉堡配薯条
吉列脆巨猪扒名副其实比手掌更大，一送上枱睇到真系觉得好震撼！难得大大块而每个位置都炸得金黄香脆无燶到，而且入口仲系皮脆肉嫩，证明师傅手势非常好。配埋黑醋汁沙律可以平衡油腻感。
吉列脆巨猪扒他他汁配黑醋汁沙律
经典嘅凯撒沙律味道清新，清脆嘅生菜加上酱汁、香脆面包粒同带烟燻油香嘅烟三文鱼一齐食，层次丰富。细食嘅OL可以当Light Lunch呀。
烟三文鱼凯撒沙律
厚切牛脷亦烧得啱啱好，外面微焦里面软嫩，牛香浓郁。
烧牛脷配鲜蕃茄蘑菇汁
黑毛猪嘅油花同肉香都比一般猪肉更胜一筹，因此简单煎香最能突出其特色。脂肪渗透肉质，食落爽口又松化、肉汁丰富。
厚切黑毛猪鞍
蚬肉加上白酒系绝佳组合，白酒微酸香气煮过更突出，可以衬托住蚬嘅鲜甜味道。每条扁意粉都挂上酱汁精华，清爽而令人回味。
白酒汁煮蚬扁意粉
比目鱼肉质细嫩，富含蛋白质同不饱和脂肪酸，特别啱畀小朋友同老人家食㗎。比目鱼肉本身味道比较清淡，除咗可以加柠檬汁之外，餐厅亦特别调配香气十足嘅黑松露奶油汁，一齐食好夹。
香煎比目鱼配黑松露奶油汁
下午茶想食啲甜品，外层香脆里面松软、又有蛋香嘅西多士就最啱喇！炸至金黄嘅西多士淋上朱古力酱，再配埋冰淇淋，一热一冻口感刺激。
冰淇淋西多士配朱古力酱
朱古力控唔好错过佢哋嘅「朱古力心太软配冰淇淋」，朱古力味道香浓，切开里面嘅朱古力浆缓缓流出，一试倾心。
朱古力心太软配冰淇淋
开饭仔依家仲有好野益大家！于2022年4月29日至6月9日期间，到【Luxury Chef 】消费并上载有效收据到指定网页， 随时赢取丰富奖品！ 食得愈密， 得奖机会愈大，超过200份奖赏等梗大家！快啲约埋饭脚开餐啦！
Luxury Chef
地址: 九龙湾宏开道15号九龙湾工业中心地下2B号舖
电话: 34688800