日本街头嘅居酒屋，每到冬天都好热闹～大家一齐饮酒畅谈劲好气氛，估唔到香港都揾到呢种日本店感觉。尖沙咀 “SAKEH”门口系和式小桥庭园，用餐区则划满浮世绘壁划，好有古色古香嘅日本感觉。
呢度主打高质日式串烧，由多年经验师傅主理。除咗有多款新品串烧—日本厚烧油扬、大漠烧羊皮等，今年秋冬限定更引入日本人都好钟意嘅牛肠锅、鹿儿岛A5和牛寿喜烧。
串烧锅物最重要系食材，师傅每日由日本引入新鲜食材到港，原始味好香浓，唔使额外蘸酱已经好好食。不过每个座位都准备咗面豉酱同岩盐畀你按喜好使用㗎。
【秋冬期间限定】
牛肠锅
日本九州人特别钟意食牛肠锅，当地牛肠锅小店多如繁星，每家煮法都各有特色。“SAKEH” 师传就拣选无咁肥嘅牛肠入馔，并事先以虾味噌醃制，食落微微咸香又软滑。
牛肠锅有牛肠是常识吧，但无谂过有埋好少见嘅「沙瓜」，其实就系牛嘅第4个胃。平时食嘅牛肚有草肚、金钱肚同牛柏叶，其实系牛第1、2、3个胃。沙瓜就系第4个胃，体积最细所以好稀有，身价更显矜贵。沙瓜弹牙又完全唔腥，同牛肠一齐滚起热辣辣食好惹味。
鹿儿岛A5和牛寿喜烧(5片)
鹿儿岛A5和牛份量好多，每片都几厚切同大块㗎。将牛肉轻轻系寿喜烧汤汁入面灼热，和牛油香会慢慢渗出嚟，而且好有咬口肉感。
【串烧新品】
日本厚烧油扬
极级厚油扬烧到好干身脆口，咬开入面好似蜂巢咁几酥脆，愈咬愈重豆味，亦有唔少人称为日本响铃㗎。
大漠烧羊皮
师傅话钟意食羊嘅人，一定大爱呢道羊皮串烧。以新彊烧法洒上香料、孜然，微辣香口。入口羶味几强，同时会湧出肉味。外层烧得好干脆，食落又有种烟烟韧韧口感，羊皮既油脂香气加香料味，轰炸味蕾。
芫茜皮蛋豚肉捲
相信芫茜控都好钟意嗰种独特草香，今次可以试埋日本芫茜香味，加埋皮蛋、豚肉一齐食，单睇好似毫无关联嘅3种食材，其实只取芫茜头段幼嫩部份，加埋皮蛋口感软滑。
广岛蠔串烧
师傅特别引入较大只嘅广岛蠔～而且烧蠔好讲究火喉控制，要猛火将生蠔迅速烧熟，先可以keep到蠔汁㗎。
【秋冬限定新清酒】
呢度会不定期引入新清酒，今次呢几款清酒都系秋冬季先有。因为当中有「冷卸酒」，酿酒过程系随四季变更。春夏酿酒后，待秋冬时室内外温差减少就直接推出，趁秋冬嚟试吓喇。
多款秋冬限定清酒。
另一款「生酛」清酒，系日本最传统、最古老酿造方式，需要长时间以人手不断搅动制作酵母，现存只有10%酒藏会用呢种方法，系好罕见既清酒。
「生酛」清酒系日本最传统做法。
新清酒一览！
- 七田 七割五分雄町 纯米冷卸酒 - 七田 七割五分爱山 纯米冷卸酒 - 梵 纯米吟酿 冷卸酒 - 南部美人 纯米吟酿 冷卸酒 - 泉桥 秋蜻蜓 雄町 纯米生酛 - 泉桥 秋蜻蜓 山田锦 纯米生酛 |
和式小桥庭园好典雅。
(左)VIP房挂满传统油伞系打卡热点、(右)店内以木系、浮世绘划点缀。
SAKEH
地址: 尖沙咀天文台围5-9号宝轩酒店地下及1楼
电话: 37099251