近年嚟自台湾嘅「筑间酸菜鱼」、「筑间幸福锅物」相继登陆香港,2024年6月「筑间台湾咸酥鸡」都强势进驻旺角,全力打造筑间一条街。
![](https://www.openrice.com/userphoto/CMSContent/0/8M/001P970A4C39166F19B201j.jpg)
「筑间台湾咸酥鸡」研发主厨系台湾老店工作超过20年嘅老师傅,喺铜锣湾店已经卖出上万份咸酥鸡啦,更曾登上OpenRice收藏榜第9名。秘诀系用咗最啱做咸酥鸡嘅鸡肉,经过独家中药醃渍配方同裹粉技术;再用埋顶级油品酥炸出多层次口感。
![](https://www.openrice.com/userphoto/CMSContent/0/8M/001P984E441EED9688D2CAj.jpg)
最最最重要系,最后会洒上台式秘制椒盐粉,做出传统老店嘅终极经典滋味。
![](https://www.openrice.com/userphoto/CMSContent/0/8M/001P9999B2ADF3A4516C2Bj.jpg)
嚟到食咸酥鸡外,仲可以食埋心心念念嘅台湾夜市炸物啦~炸金针菇、炸杏鲍菇、米血糕、鸡心串等等都有,劲有风味啊。
【2024年7月精彩优惠】
除咗单点小食,拣人气套餐更抵食㗎!! 可以自选主餐、小食及饮品,最后拣埋辣度(小辣/中辣/大辣)同调味(蒜头/九层塔/洋葱葱花)啦。为庆祝新店开幕,「筑间台湾咸酥鸡」推出一连串精彩优惠!2024年7月连续每日推出指定套餐减$10优惠;同时可享会员优惠,累积满一定点数后即可到「筑间幸福锅物」或「筑间酸菜鱼」兑换指定食品,唔使飞台湾都可以食尽筑间美食啦。
![](https://www.openrice.com/userphoto/CMSContent/0/8M/001P9AF1EDE6BFD792E272j.jpg)
【指定套餐优惠】
由2024年7月1日至7月31日,凡购买$70套餐及指定主食,即享减$10优惠!(套餐包含1款主餐、1款小食、1杯饮品)
星期一指定主餐: 咸酥鸡 星期二指定主餐: 盐酥三角软骨 星期三指定主餐: 盐酥松坂猪 星期四指定主餐: 双拼鸡 星期五指定主餐: 炸虾滑 星期六指定主餐: 炸软丝 星期日指定主餐: 炸鲈鱼 |
【会员优惠】
累积指定点数即可到「筑间幸福锅物」或「筑间酸菜鱼」兑换肉品、海鲜或炸物,即睇会员点数攻略~
- 于「筑间台湾咸酥鸡」消费满$50,即可累积1点 - 当月寿星得3点 - 成为新会员可立即获得5点 |
【必食!! 招牌炸物】
咸酥鸡$35
高质咸酥鸡讲究鲜嫩多汁,所以「筑间台湾咸酥鸡」选用弹牙鸡腿肉,利用特别按摩手法,将独家中药醃渍配方完全渗入肉块。独门中药配方以五香粉为基底,再加入特制酱油、盐、酒、蒜蓉等醃料,完美提升香气。油炸前会沾上粉浆锁住水份,再裹上粗地瓜粉静置几分钟,等地瓜粉完全贴服鸡肉后,再撒上一层薄薄粗地瓜粉。
![](https://www.openrice.com/userphoto/CMSContent/0/8M/001P9B4F3956BEF8421EF5j.jpg)
经过三段式特殊裹粉技术先可以完美锁住肉汁,做到真正外酥内软。最后将刚起锅嘅咸酥鸡迅速混和独门椒盐、九层塔同新鲜蒜片,一啖咬落去充分感受到鸡肉爆汁、咸香甜嫩口感,对住台湾咸酥鸡真系欲罢不能啊!
盐酥虾滑$35
使用纯度高达90%嘅白虾虾滑混入鱼浆,透过人工抛打多次增加黏性。用料单纯、虾肉饱满,经过少量调味后裹粉油炸,表面口感酥脆,内里清爽鲜甜。就算放置一段时间后,仍然可以感受到弹牙嚼劲㗎。
![](https://www.openrice.com/userphoto/CMSContent/0/8M/001P9CDD57CCE15EBDCA13j.jpg)
松坂猪$35
选用每一只猪只能取出两块猪颈肉嘅珍稀部位,肉质油脂丰富,口感鲜甜爽脆。以辛香料稍微醃制后,经过二次油炸去除多馀油脂与水分,食落有迷人肉香同曲奇般嘅酥脆表面。
![](https://www.openrice.com/userphoto/CMSContent/0/8M/001P9D1BA6FCD1151DB920j.jpg)
盐酥三角软骨$28
三角软骨系鸡胸附近最爽脆弹牙部位,一只鸡只能取出一块。除咗保有更好脆度同胶质外,仲带着少少肉丝,鸡肉香味存在感好强!如果再饮啖啤酒,就系台湾人宵夜必备嘅平民必食配搭啦!
![](https://www.openrice.com/userphoto/CMSContent/0/8M/001P9EDD17B42B84586DC2j.jpg)
【脆口小食】
金针菇$15
金针菇经过油炸后,好容易吸收油脂同流失水分。所以要炸出酥脆金针菇,「筑间台湾咸酥鸡」秘诀在于使用日本天妇罗粉,并以特殊比例调制成秘制浆水,形成薄膜包复整棵金针菇。最后撒上地瓜粉油炸出外脆内软口感,又脆又清甜好吸引。
![](https://www.openrice.com/userphoto/CMSContent/0/8M/001P9F2D0C5CF69430FDE3j.jpg)
杏鲍菇$15
酥炸杏鲍菇喺台湾夜市好高人气,口感好似鸡肉㗎!! 深受素食者喜爱。经过油炸后,菇类天然香气更加浓郁。同台式独门椒盐粉绝对系Perfect Match!爆发嘅鲜甜菇汁同胡椒辛味,交织出能令人再三回味嘅香甜滋味。
![](https://www.openrice.com/userphoto/CMSContent/0/8M/001P9G1D9D8560DF4F177Ej.jpg)
【地道台式饮品】
冬瓜柠檬/阿里山乌龙冷泡茶$23
喺台湾最开心就系一边食香脆小食;一边饮冰凉台式饮料~想喺香港回味美好时光,当然要饮埋清甜冬瓜柠檬,同埋清新纯粹嘅阿里山乌龙冷泡茶啦。解渴又充满台式风味,同各式酥脆小食一级绝配啊!
![](https://www.openrice.com/userphoto/CMSContent/0/8M/001P9HDFDA0BA9A11E7458j.jpg)
筑间台湾咸酥鸡
地址: 旺角砵兰街240-244号文华商场1楼C号舖
电话: 35966198