原来印度菜都可以好唯美，呢间印度餐厅“Chutney”由入门口开始已经好华美。全店走宫廷风，用餐区仲系富气派嘅半拱形天花。望到尽头嘅落地玻璃，可以望到大厨用经典Tandoori窑炉烤肉扒、海鲜同印度烤饼𠻹。
【即睇有咩食】
印度咖喱炖菜(Keema Pav)
“Chutney”有地道印度咖喱炖菜，羊肉咖喱煮到好香浓，上面仲有炸土豆丝、鹌鹑蛋。用烘面包蘸汁食好开胃，可以当做前菜share㗎。
烤八爪鱼(Tandoori Octopus)
食饭嗰阵，可以隔住落地玻璃望到大厨用Tandoori窑炉烤焗。呢道烤八爪鱼就系用Tandoori窑炉整㗎喇，比平时烧焗煮法惹味得多。配薄荷奶酪酸辣酱一齐食，清凉微辣好有风味。
芥末炸虾(Sarson Malai Jheenga)
如果你都钟意食印度烤饼，除咗拣咖喱可以试吓呢道芥末炸虾。炸虾淋上浓浓芥末酱汁，结合咗辛辣(Sarson)、奶油(Malai)两种味道，浓厚轻辛真系好快清碟。
伴碟仲有自家制红菜头、番石榴酸辣酱，贪心想试多几款味就啱晒喇。
羊架咖喱(Lamb Chop Pepper Masala)
食印度菜真系唔少得Masala咖喱，平时食咖喱都系肉件，“Chutney”系有大大只羊架!!
其实Masala咖喱系一个统称，每间餐厅甚至每道菜嘅煮法都各有特色。呢款羊架咖喱就用咗印度香料酱汁煮制(Indian Earthy Spices Gravy)，香辣并富香料层次。
烤谷饲牛柳(Andhra Tenderloin)
Tandoori窑炉新鲜出炉嘅主角，一定系烤牛呀!! 120天谷饲牛柳好软嫩，简单配上安得拉酱(Andhra Sauce)，以辣椒、大蒜、干椰子、花生、香料增加风味已经好好食!!
CHUTNEY
地址: 中环云咸街75-77号嘉兆商业大厦4楼
电话: 23300027