每年5月都系国际汉堡月,而5月28日更加系国际汉堡日!铜锣湾美式打卡餐厅为响应呢个节日,特别推出10款海陆空口味汉堡,包括恒常、限时回归同新款式。另外今个月所有汉堡全日都有8折,而且点任何一款口味,都享有枝装啤酒同生啤优惠,睇啱边款想试就把握机会喇~
![](https://www.openrice.com/userphoto/CMSContent/0/7Z/001KVCD8939A4AEE737133j.jpg)
餐厅所有汉堡都选用亚麻籽面包,配搭自家调配酱料,款式则以牛堡为主,而牛肉汉堡扒都系用美国奥马哈农场嘅牛肉制作,每块有5.33安士。今个月嚟食汉堡,可以优惠价$28/枝配枝装啤酒,或$48/杯配生啤。
汉堡新口味3款
卡真虎虾牛肉汉堡【辣】($188)
![](https://www.openrice.com/userphoto/CMSContent/0/7Z/001KVDF0786F78742B65BBj.jpg)
呢款汉堡以牛肉汉堡扒同卡真虎虾做主料,分量十足;配搭嘅cajun酱用咗三十几款调味料制作,辣中带酸几刺激食慾,令人忍唔住一啖接一啖。
鱼柳汉堡($148)
![](https://www.openrice.com/userphoto/CMSContent/0/7Z/001KVEA4E0536C2F36EFB0j.jpg)
餐厅选用原件东星斑鱼肉,一份约200g,够晒诚意,配埋乾酪、椰菜同他他酱,味道层次更丰富。
黑松露蘑菇汉堡($138)
![](https://www.openrice.com/userphoto/CMSContent/0/7Z/001KVFE43F5A027DA066D8j.jpg)
想轻盈啲可以试黑松露蘑菇汉堡,面包涂上大量黑松露酱,配上烧大啡菇、太阳蛋、番茄等较light嘅配料;而薯条亦洒上黑松露粉以凸显风味。
好评如潮 多款汉堡限时回归
凯撒汉堡($148)
![](https://www.openrice.com/userphoto/CMSContent/0/7Z/001KVG73F9C86A235E7520j.jpg)
顾名思义,呢款汉堡嘅酱汁同馅料都以凯撒沙律为灵感,除咗有牛肉汉堡扒,重有焗至脆口嘅烟肉、romaine沙律菜。
猫王汉堡($158)
![](https://www.openrice.com/userphoto/CMSContent/0/7Z/001KVHAFB2B0F8BFB57433j.jpg)
呢款汉堡由猫王Elvis Presley钟意嘅花生酱培根香蕉三明治演变而成。亚麻籽面包夹住香喷喷嘅牛肉汉堡扒、花生酱、脆口嘅培根同蜜糖烧香蕉,咸甜度适中。
猪肋骨汉堡($198)
![](https://www.openrice.com/userphoto/CMSContent/0/7Z/001KVI24601F7D848188A1j.jpg)
猪肋骨焗3个钟至软腍后,起骨扫上BBQ汁,配埋炸洋葱、椰菜等增加口感同味道层次;配菜更特别由薯条改为炸洋葱圈。
烧鸡汉堡($128)
![](https://www.openrice.com/userphoto/CMSContent/0/7Z/001KVJCCE7C083184AB7FEj.jpg)
慢煮鸡髀肉好嫩滑,加上香脆嘅烟肉、车打乾酪、番茄等配料同辣味蛋黄酱,既香口又唔会好油腻。
软壳蟹汉堡【辣】($168)
![](https://www.openrice.com/userphoto/CMSContent/0/7Z/001KVK5AEFEB7D28850553j.jpg)
厚身嘅软壳蟹炸至金黄香脆,配上辣味蛋黄酱、清爽嘅番茄同生菜,食晒成个都唔怕滞。
恒常款式 魔鬼X经典
经典汉堡($138)
![](https://www.openrice.com/userphoto/CMSContent/0/7Z/001KVL0D710711F9E3EC70j.jpg)
经典汉堡口味大众化,配上牛肉汉堡扒、生菜、番茄、酸瓜同加入蛋黄酱嘅秘制酱汁,味道酸酸甜甜。
魔鬼汉堡【辣】($148)
![](https://www.openrice.com/userphoto/CMSContent/0/7Z/001KVM79D81E87EEE27678j.jpg)
平时嘅牛肉汉堡扒都系用盐同黑椒调味,唯独整魔鬼汉堡会用上自家制辣粉同辣酱,亦系辣味汉堡中最辣嘅一款。
The Musicbox Grill House & Bar
地址: 铜锣湾骆克道459-461号The L. Square8楼
电话: 23386908