好玩烧肉放题！推荐任食安格斯靓牛

平时烧肉放题都系以量取胜，但入厨经验超过30年嘅铨哥就唔系咁睇，其实食放题都可以好好玩。因为「德家日式烧肉店」场内已有齐食材丶香料丶调味酱丶热汤，主厨铨哥就话：「食材配料都齐晒喇，加埋烤肉块铁板咩都煮到呀」。

店内宽敝，并提供VIP房预约，好啱聚会派对。

2小时放题时间可以同朋友一齐任食任煮，韩式烧肉丶蒜蓉炒菜丶麻辣烫……总之谂起咩都可以试煮！仲会见到主厨铨哥成晚全场走～睇吓食客锺意食咩，再介绍各种料理，有时仲会即场煮埋畀你试。咦？听落好似咁熟嘅…系呀，就好似日本厨师发办咁，经验师傅依你口味推介各种料理，真系好有诚意嘅烧肉放题店呀。

3款放题套餐选择！

A 烧肉放题 (成人$248／小童$188)

B 烧肉放题丶安格斯拼盘丶刺身盛 (成人$298／小童$218)

C 烧肉放题丶安格斯拼盘丶刺身盛丶海鲜盛 (成人$348／小童$268)

*以上均为2小时放题，安格斯拼盘丶刺身盛丶海鲜盛各一份一次性。

放题份量丰富，包括肉类丶海鲜丶蔬菜丶饮品同甜品。

「德家日式烧肉店」主打烧肉，多款靓肉任食。

「刺身盛」有日本赤贝丶带子丶甜虾丶挪威三文鱼等。

挪威三文鱼同日本刺身好新鲜！

「海鲜盛」有甲罗烧丶鲍鱼丶带子丶大蚬等。

海鲜大只厚肉，CP值好高。

大胃王召唤！升级Prime级靓牛

烧肉配靓牛是常识吧？任何放题套餐只要另加$50 或 $80 就可以任食靓牛，自问放题必赚嘅大胃王，一定要升级食到回本呀。

升级Prime牛颈脊放题(+$50/位)

任食靓牛包括：Prime牛颈脊肉丶黑蒜油Prime牛颈脊肉丶Prime颈脊一口牛丶芥末Prime颈脊一口牛丶Prime牛颈脊肉壶渍

升级安格斯放题(+$80/位)

任食靓牛包括：安格斯牛肋肉丶黑蒜油安格斯牛肋肉丶安格斯一口牛丶芥末安格斯一口牛丶安格斯牛肋肉壶渍

安格斯放题集合多款靓肉。

安格斯牛肋肉有咬感，肉味浓！

即睇有咩食！

3款放题套餐都有嘅「烧肉放题」，基本上有齐全部烧肉配料，包括牛肉类丶羊豚鸡类丶海鲜类丶野菜类等。

牛肉类

极上牛肋肉丶牛舌薄切丶牛胸腹壶渍丶特上牛脊肉等

羊豚鸡类

羊排丶豚颈肉丶鸡腿肉丶五花肉丶手羽先等

海鲜类
车海老丶半壳青口丶帆立贝丶盐烧鲭花鱼等

潮烧/野菜类

一口甜蛋丶牛油鲜菌丶翠玉瓜丶金菠萝丶迷你甜薯丶秋葵／粟米丶虎皮蕉丶烟鸭胸等

主食类

牛肉稻庭乌冬丶海鲜粥丶胡麻酱冷稻庭乌冬丶御饭等

除咗靓牛，羊排丶豚肉丶鸡髀肉丶单骨鸡翼等都好吸引。

(左)羊排丶(右)五花腩

潮烧/野菜类款式好多。

(左)迷你甜薯丶(右)一口甜蛋都好受欢迎。

成班朋友食住玩！

铨哥入厨多年，一直觉得煮嘢食好有乐趣，所以想呢度嘅食客都系「食住玩丶玩住食」。所以店内自助区好多选择—冻虾丶粟米丶蔬菜等，加埋烧肉放题食材已经玩到好多料理出嚟，而且一啲都唔难。铨哥坦言：「就啱啱噚晚，两位男食客将牛肉烧到燶晒，我咪教佢分开啲放肉，再喺肉上加啲葱油酱，卷埋食好好味㗎！跟住两位食客都食得好滋味，见到客人食得开心，我就开心喇。」