天气转凉特别想食啖啖肉啊!! 尖沙咀山林道呢间黎巴嫩餐厅“Rue Du Liban”就有仙气大烤肉拼盘，上枱嗰阵仲弥漫住炭香烟雾，即烤羊肉、牛肉、鸡肉、薄饼堆到满满，再免费跟配多款沙律、彼得包、脆片，几个人share CP值极高!!
“Rue Du Liban”装潢俨如置身漫天花海，蓝色大门已经有种外国小馆氛围。全因呢度由黎巴嫩人Imran Khaleel一手打造，并邀请超过40年烹饪经验嘅埃及总厨Maged Makram，完美还原地中海风味。
大烧烤拼盘配各式沙律(Large Mixed Grill+Mix Salad)
一上枱已经闻到好香烟燻味，烤盘有烤羊肉、牛肉、鸡肉、薄饼外，仲会跟配几款Cold Mezze、彼得包同脆片，一啖肉一啖黎巴嫩豆蓉解腻又丰富。
大烧烤拼盘配各式沙律，份量丰富足够几个人share。
上枱已闻到好香烟燻肉味。
海鲜烧烤杂锦拼盘(Seafood Platter)
同场都有海鲜拼盘拣!! 一次过食几款即烧海鲜—虎虾、三文鱼、盲鰽鱼柳、青口、鱿鱼。好钟意跟配嘅奶酪酱，浓郁乳香好突出到海鲜鲜味，又有种独特丝滑口感。
海鲜拼盘即叫即烧，大份量有惊喜！
【Chef Special】酥皮焗羊腿
埃及总厨Maged Makram特别设计嘅酥皮焗羊腿，员工会喺你面前即席切开酥皮，入面有大大只羊腿好吸睛，丰富蔬菜都吸满羊肉精华。跟配酱汁系煮羊腿时嘅肉汁精华，食嗰阵蘸满汁会更香更juicy㗎。
埃及总厨Maged Makram特别设计酥皮焗羊腿，暂时限定推出。
员工即席切开酥皮，入面系巨羊髀同满满蔬菜。
一定要蘸埋个羊肉汁嚟食，肉味极浓!!
冷开胃菜杂锦拼盘(Mix Cold Mezze Platter)
松露鹰嘴豆、蒜香奶酪、烤红椒核桃蓉、烟燻茄子蓉
如果你钟意黎巴嫩风味，一定要叫呢个Cold Mezze拼盘，一次过食到4款黎巴嫩好地道嘅豆蓉、奶酪。用脆片或彼得包蘸嚟食，开胃又健康啊。
冷开胃菜杂锦拼盘，系黎巴嫩经典料理。
松露鹰嘴豆，绵密又有松露香。
好钟意蒜香奶酪嘅醇厚乳香。
热开胃菜杂锦拼盘(Hot Mezze Platter)
炸羊肉球、乾酪酥角、蔬菜松子仁酥角、炸鹰嘴豆饼
黎巴嫩菜都系崇尚天然健康，虽然Hot Meeze好似好多炸物，但食材都系好有益嘅鹰嘴豆、蔬菜、松子仁、乾酪为主，味道浓郁惹味，食炸嘢都无罪恶感。
黎巴嫩菜崇尚天然，就算炸物都系用健康食材。
金沙虾奶酪拌饭(Shrimp Fatteh)
奶酪拌饭系经典中东料理，软绵奶酪用嚟捞饭惊喜地有层次感，连埋脆片同弹牙虾肉一齐食好吸引!! 呢个份量好啱share，两个人嗌呢个拌饭，再加个烤肉拼盘已经好丰富。
经典奶酪拌饭，奶酪、脆片、虾肉撞出三重口感。
杂果仁千层酥(Baklava)
呢道传统中东甜品，最特色系层层酥皮做出嘅复杂酥脆口感。而“Rue Du Liban”嘅Baklava，系一间出名嘅烘焙店亲授，即叫即制复刻正宗脆卜卜口感。主厨亦考虑到香港人唔嗜甜，所以一反传统无加蜜糖，唔会太甜啱啱好。因为香港食到嘅大部分Baklava都系雪藏品翻热而腍晒，难得呢度有咁地道口味一定要食埋啊。
仪式感爆满！午市套餐
想喺尖沙咀食个有仪式感嘅lunch，“Rue Du Liban”嘅午市套餐好吸引。百几蚊就有精选时日餐汤、开胃菜3选1、主菜6选1、甜品、饮品，而且摆盘好地道，自选料理会摆晒喺一个圆盘呈上，好似当地人咁将几款料理交替地食，更体验到黎巴嫩料理吸引力。
今次主菜拣咗Falafel Wrap炸鹰嘴豆手捲(玉米脆片)。
前菜之一嘅鹰嘴豆蓉&烤红椒核桃蓉，好啱几种料理夹埋一齐食。
RUE DU LIBAN
地址: 尖沙咀山林道22-26号地下A号舖
电话: 23102922