屯门美食｜市中心8间特色Cafe及餐厅人气打卡美食

屯门市中心出名美食多，当中包括唔少人气极高嘅排队人龙店！唔认真数吓都唔觉，原来呢到有咁多间日本过江龙咖啡店，同埋充满文艺气息嘅本地文青餐厅。行街行到攰，随时揾到间打卡餐厅坐低chill吓！慢活食件蛋糕、叹杯咖啡，叉足电又可以再shopping。即刻跟住我哋出发，实测呢8间人气店啦～

日本过江龙蕨饼天花板｜甘味处鎌仓

首先嚟到登上OpenRice「最佳甜品餐厅第1位」嘅甘味处鎌仓（屯门市广场1期1楼），以鎌仓名物蕨饼闯出名堂，而家喺香港都食到100%原味啦。店家更一反传统将蕨饼融入嘢饮，如浅川园抹茶蕨饼饮料、草莓牛奶蕨饼饮料都好高人气㗎。早前更有网友喺「全港排队人龙关注组」投稿屯门店大排长龙，绝对好评如潮。

「甘味处鎌仓」以招牌名物鎌仓蕨饼闯出名堂。

一反传统将蕨饼融入嘢饮，必试浅川园抹茶蕨饼饮料、草莓牛奶蕨饼饮料。

空气感强劲梳乎厘｜PHI Coffee

一旦唤醒甜品胃真系停唔到落嚟，即刻上去3楼食埋呢间日式梳乎厘店！即叫即制梳乎厘真系好蓬松柔软，轻轻郁吓只碟已经动L动L咁郁，食落仲好有蛋香㖭。同场都有全日早餐、意粉、咖啡、特饮拣㗎。

Lotus海盐焦糖梳乎厘。梳乎厘控必试！空气感极强，食落仲好有蛋香。

提拉米苏咖啡。咖啡味浓郁，做到甜而不腻。

还原日本店｜KOMEDA's Coffee

食完甜嘢，特别挂住高质咖啡。呢个时候…竟然系行入地下AEON百货？因为KOMEDA's Coffee由日本名古屋开到嚟屯门AEON啦。目测屯门店约3,000呎，沿用日本店木系风格。咖啡依然精选全球咖啡豆再用独门配方调制，留港都可以体验地道日本咖啡文化。

招牌KOMEDA咖啡。同日本店一样于世界各地挑选咖啡豆，再用独门配方调制。

必食甜品冰与火。牛奶软冰淇淋配日本KOMEDA自家制64层丹麦面包，一冻一热、一酥一绵多重冲撃。

美式小店｜b.o.t.h Eatery

除咗日本过江龙，其实屯门市中心都有好多本地品牌。好似呢间今年5月先开喺屯门市广场嘅b.o.t.h Eatery主打地道美式Comfort Food，招牌德州手工汉堡、All Day Breakfast、甜品等，都系性价比高又IGable！特别钟意呢度近4,000呎空间有好多梳化同靠墙打卡位，主要以绿色植物、木系装饰营造恬静气氛，正如店名b.o.t.h（意指Backyard of the House）成为大家嘅后花园。

香浓风干猪面及肠肉香浓番茄义大利面。用上本地餐厅少见嘅义大利产风干猪面肉，并以猪面肉油分煮出肥而不腻嘅香味。

蟹肉炒蛋吐司配黑松露珍珠。新鲜蟹肉同嫩滑炒蛋铺满酸种黑麦包，上面仲有珍贵黑松露珍珠。

惊喜漂书柜｜牧羊少年咖啡馆

本地文青Cafe唔只有靓环境，仲真正有书睇！呢间本地咖啡店一向重视食物同文化连结，第一次见到店内漂书柜真系有惊喜，好感受到「旅游 X 漂书 X 未来的信」生活态度。嚟到拣本书坐低，食埋经典窝夫甜品－京都春日，甚至嗌个英式早午餐又得，唔觉唔觉就消磨一个下昼啦。

英式早午餐。精心烹煮义大利黑松露酱炒滑蛋、希腊奶酪、法国核桃杏脯包、澳洲西兰花等。

（左）京都春日（2人用）。酥脆草莓窝夫配搭细腻Häagen-Dazs冰淇淋，香甜清爽。

（右）日落巴黎（2人用）。结合浓郁朱古力同香甜香蕉，同样配上Häagen-Dazs冰淇淋相当满足。

红砖墙咖啡店｜Beans

平时行屯门市广场一定会行埋DON DON DONKI，买完一袋二袋可以去埋隔篱Beans坐吓，屯门分店红砖墙几有格调。而呢度嘅咖啡、All Day Breakfast、意粉、法式吐司、窝夫一向有水准，特别系黑松露软壳蟹义大利粉，幼滑意粉充满浓郁松露香，配上外酥内嫩黄金软壳蟹，每一啖都系丰富口感享受，难怪一直系港人最爱咖啡店之一。

法式吐司配烟肉及希腊式奶酪鲜果杯。厚切面包浸泡香浓蛋奶再煎至金黄酥脆，配埋枫糖浆同希腊式奶酪，绝对系冬日嘅温暖甜蜜选择。

开心果马苏里拉乾酪薄饼配蜂蜜。人气开心果热潮必食薄饼，并以香甜蜂蜜、水牛奶乾酪撞出精致甜蜜风味。

茶师即场沏茶｜THE MATCHA TOKYO

对生活有态度，小至一杯手摇都想饮得精致啲，喺屯门行街就可以饮到驻场茶师即场沏茶啦。THE MATCHA TOKYO嚟自日本东京表参道，年轻茶师即席以自家茶园嘅100％有机抹茶粉、80度水、奈良高山制茶筅沏茶，入口甘甜少涩味，绝对系抹茶控福音！屯门分店更有堂食座位，好值得坐低试埋抹茶咖啡、抹茶冰淇淋同窝夫全日早餐㗎。

抹茶鲜奶。以100%有机上质抹茶粉、香浓牛奶黄金比例，冲泡出幼滑醇厚口感，一嚐抹茶甘醇清香同浓郁奶香。

抹茶特浓咖啡啫喱芭菲。抹茶软冰淇淋选用100%有机抹茶及北海道牛奶制成，下层仲有Q弹嘅特浓咖啡啫喱。

实现牛油果自由｜More Yogurt

大家身边一定有个牛油果控，喺屯门唔使周围揾边间餐厅有牛油果啦，因为呢间More Yogurt就有原创牛油果系列，品牌口号系「一杯奶昔等于一颗牛油果」，包括原创牛油果奶酪奶昔、巴旦木牛油果奶酪奶昔等，终于实现牛油果自由啦！行街行到攰，就算唔系牛油果控，都可以买返杯芒果奶酪奶昔或者蓝莓奶酪奶昔，坐喺店舖嘅长梳化慢慢叹。