旺角地铁站附近多咗间韩国嘢“Seoul Shiok”，色彩缤纷劲有气氛。呢度有韩版嘅Mookata(烧肉&火锅食法)，又有超澎湃瀑布拉芝士泡菜炒饭、街头串串鱼糕汤，全部热辣辣好啱冬天食㗎。11月尾仲会推出圣诞优惠，记住留意餐厅动向啊。
仲有个重点!! “Seoul Shiok”价钱好亲民，冬天必食嘅汤锅—雪浓汤、嫩豆腐锅、韩式大酱汤、猪肉泡菜汤等都係100蚊有找。料理分量啱啱好，就算两个女仔都可以share一份炸鸡、瀑布拉芝士泡菜炒饭同汤锅，价钱平可以任性食多几款嘛。
呢度嘅炸鸡分量真心啱啱好，食得尽兴又唔会腻到食唔到其他嘢。全部即叫即炸，火山辣炸鸡更加又脆又香辣，锺意香口嘢嘅话一定要试。
同场瀑布拉芝士泡菜炒饭都係必点!! 上枱嗰阵已经有个小火炉，员工再即席用火枪烧溶芝士，然后将芝士同泡菜炒饭捞匀，做出澎湃拉丝效果!!
11月新推期间限定—韩式烧肉汤锅，将泰国地道Mookata(烧肉&火锅食法)融入韩国菜。上枱嗰阵，铁板已铺满牛五花、猪腩肉同泡菜。
我哋一开始食烧肉先，等啲肉烧到爆晒油脂就夹住泡菜食。之后又可以放落泡菜汤轻灼，酸酸辣辣都好正啊。其实呢个烧肉汤锅无特定食法，随心一边烧肉、一边打边炉係最爽。
锺意有个小火炉暖住食嘅话，仲可以拣韩国人好锺意嘅街头串串鱼糕汤。大大串鱼糕放喺金色小锅中滚住上枱，直接成串拎起嚟食劲有风味。
大家都知韩国人好锺意饮酒，冬天嚟食锅物又点唔少得酒!? 私心大推新鲜蜂蜜米酒，因为米酒碗真係有大大粒蜂巢蜜!! 之后再自己倒入米酒好有仪式感。
浊白色米酒顺口带米香，再后续会渗出蜂蜜轻甜味。同埋蜂巢蜜係食得㗎，咬落柔软又有种层叠黏口感觉，好特别㗎。
冬天真係唔少得热辣辣嘅石头锅饭!! 我哋拣咗有好多蔬菜配料嘅飞鱼籽石头锅饭，飞鱼籽分量都爆多有惊喜!! 而且石头锅够热，捞饭嗰阵仲沙沙声，成功整到饭焦食。
鸡蛋卷亦做得好柔滑，加上满满飞鱼籽有种细腻又卜卜脆开口感啊。
Seoul Shiok
地址: 旺角奶路臣街17号THE FOREST 1楼110及111号舖
电话: 35861959