临近年尾特别多Party、活动，油尖旺区有间接近3000呎嘅木系西餐厅 “Potluck Eatery” ，宽敞嘅用餐空间好方便布置同安排座位，最多可容纳70至80人。如果人少少搞10至20人嘅Party，就可以选择包玻璃VIP房。嘢食方面仲提供度身订造西餐料理：前菜、小食、主菜、扒类、海鲜、pizza至甜品都有，完全系搞手福音啊！
木系装潢，空间感十足。
“Potluck Eatery” 嘅橄榄绿x木系门口有个半户外空间，平时坐低饮杯咖啡几Chill。搞活动嘅话布置成接待处亦得，想举办证婚派对、Gender Reveal Party(婴儿性别揭晓派对)、产品发布会等就最啱喇。
坐呢个半户外空间，够Chill~
甫入店内，会被绿意盎然植物小空间吸引。田园风嘅长木椅、梳化、而最吸睛嘅系墙壁上人手画嘅一棵树木、营造出文青自然氛围，形成靓靓影相背景。
打卡靓位!
喺餐厅举办活动一大好处，就系唔使为食物同饮品烦恼。“Potluck Eatery”有一系列精致西餐料理，无论自助餐或套餐形式可按需求度身订造。以套餐形式为例，“Potluck Eatery”可以设计几款一人套餐，宾客可自选前菜、主菜、甜品，用餐体验圆满得体。想再简单啲，宾客嚟到睇餐牌拣嘢食又得，想知多啲欢迎联络餐厅查询啦。
【全新餐牌推荐】
除咗喺“Potluck Eatery”搞Party活动外，平时嚟食饭都几好㗎。
Potluck Fever
一直大受欢迎嘅超级拼盘!! 主角系高质安格斯肉眼扒，系店主特别引入嘅靓牛扒嚟㗎。拼盘仲有猪肉串、大虾、粟米、杂菜沙律。超大份量，几个人Share都得。
普罗旺斯肉酱酿焗番茄
呢道意式料理好讲究手艺，要人手掏空番茄变成碗仔，再酿入肉酱、洋葱、薯蓉焗制。馅料吸满新鲜番茄汁，又保留到番茄质地，食落味道同口感好丰富 (要提早一天预订)。
奶油茄茸蟹肉龙虾义大利饭
“Potluck Eatery”对料理出品好有心机，好似呢道龙虾义大利饭唔止有好大只龙虾，仲用咗蟹肉、奶油等，煮到义大利饭粒粒吸哂酱汁、饱圆Q弹。
每日精选餐汤
无论Lunch定夜晚嚟食饭，好推荐大家跟配餐汤。因为全部餐汤系每日自家制作，将当日新鲜食材Blend制而成，同一般来货翻热嘅汤好唔同㗎，rich好多！。好似西兰花奶油汤、红菜头奶油汤有好多人钟意，红菜头汤仲要唔系度度有，好值得一试。
今次我哋就饮到野菌奶油汤，系用鲜冬菇、鸡脾菇、秀珍菇Blend成。菌香浓郁，Creamy得嚟又保留少少菇嘅口感。
Potluck Eatery
网址: https://s.openrice.com/QrbS02iOA00~dYKKSilyW
地址: 尖沙咀柯士甸道136-138号金门商业大厦地舖
电话: 26400388
