情人节想有个靓靓海景，有无谂过将军澳海傍都系个好地方? 呢间黎巴嫩餐厅“Maison Beirut”嘅异国装潢好有feel，同时有户外座位欣赏宁静海岸风景㗎。
“Maison Beirut”异国装潢好有feel。
户外座位可欣赏宁静海岸风景。
“Maison Beirut”外籍大厨准备咗《情人节套餐》$788，只需+$100 即享Prosecco气泡酒2杯
即刻睇详情啦~
《情人节套餐》$788，只需+$100 即享Prosecco气泡酒2杯。
【前菜】
南瓜浓汤·法国圣马丁生蠔(2只)·烟燻茄子蓉配三文鱼他他
套餐包括3款前菜，仲有埋生蠔真系几满足!!
南瓜浓汤
法国圣马丁生蠔(2只)
烟燻茄子蓉配三文鱼他他
【主菜4选1】
之后主菜选择几多，有羊架、三文鱼、美国特级肉眼牛排、烤酿烧鸡腿，一定拣到啱自己口味，初次约会都唔惊对方唔啱食啦。
烤香草开心果仁脆皮羊架
羊架裹满开心果再入炉焗，所以外层好金黄酥脆，切开入面仲系粉嫩多肉汁。好钟意佢跟配嘅薄荷褐汁，味道清爽几突出到羊肉味。
烤香草开心果仁脆皮羊架 配混合蔬菜、薄荷褐汁
煎三文鱼
海鲜选择系好多人钟意嘅三文鱼，绝对系约会安全牌。三文鱼外皮仲有啲焦脆，鱼肉保留丰富油脂，配埋醇厚奶油汁、薯蓉一齐食，整体风味圆润满足。
煎三文鱼 配薯蓉、红椰菜、芦笋及奶油汁
烤美国特级肉眼牛排(12oz)
情人节仪式感唔少得煎牛排，“Maison Beirut”即叫即焗US Prime肉眼扒，肉味好浓郁!! 配埋樱桃番茄、甜粟米，用餐体验圆满。
烤美国特级肉眼牛排(12oz) 配樱桃番茄、甜玉米及黑胡椒汁
烤酿烧鸡腿
如果你追求爆肉汁，推荐呢道烤酿烧鸡腿。鸡腿酿入香料后烤焗，一咬开即刻爆出肉汁啊。
烤酿烧鸡腿 配混合蔬菜及肉汁
【甜品】情人节草莓塔
最后有粉红草莓挞作结，除咗酸酸甜甜好解腻，仲好啱影相放闪𠻹。
情人节草莓塔
Maison Beirut
地址: 将军澳唐贤街29号蓝塘傲格林威治村地下10号舖
电话: 23210368