你印象中嘅黎巴嫩菜系点? 将军澳海傍呢间黎巴嫩餐厅“Maison Beirut”，就将黎巴嫩菜变得相当精致，甚至有专人推出餐车喺你面前完成招牌菜式。
“Maison Beirut”可以饱览将军澳海傍迷人景色，店内则挂满马赛克灯充满异国气氛。最近秋冬好啱坐喺宽敞户外座位，静静地享受宁静海岸风景，同时沉醉于正宗黎巴嫩料理之中。
店内装潢充满异国气氛。
最近秋冬选坐户外座位，可以静静地享受宁静海岸风景。
(左)主理人Imran Khaleel、(右)埃及总厨Maged Makram
二人一同呈现黎巴嫩风味料理。
招牌慢煮羊腿陶锅(Lamb Shank Claypot)$268
想体验Fine Dining一定要拣呢道招牌陶锅料理，由专人推出餐车即席切开新鲜出炉嘅香焗慢煮羊腿，一切开面包即刻闻到好香啦!!
呢种黎巴嫩常见嘅陶制Claypot可以均匀传热，焗制时将羊腿、香料鲜味都锁喺锅中，所以一切开即刻香味爆发。羊腿更事先慢煮烟燻，饭粒更吸满羊肉味。剩系食啖饭都好有肉味啊，加埋酥香面包一齐食好正。
专人推出餐车，即席切开新鲜出炉嘅香焗慢煮羊腿。
陶制Claypot锁住鲜味，一切开面包即刻香味爆发。
羊腿事先慢煮烟燻，饭粒都吸满羊肉味。
羊肉他他(Kibbeh Nayyeh)$198
平时都系食牛肉他他，真系第一次食羊肉他他啊。肉味比牛肉更浓郁，羊肉粒再捞入酸瓜、酱汁嘅味道几丰富，配脆片一齐食好开胃。
最特别系跟配埋烤骨髓，天然油脂好醇厚。骨髓糖分更会烤到焦糖化，所以油脂奶香略带甜味，单食或配羊他他食都好有风味。
平时好少食到羊肉他他，好啱配脆片食。
烤骨髓成另一亮点，天然油脂好醇厚。
布拉塔沙律(Burrata Salad)$178
食咗咁多肉，中间食啲蔬菜解吓腻先。每次戳开布拉塔乾酪都好疗癒啊，因为佢由水牛乾酪同奶油混合而成，戳开会有种流心效果，奶香满溢。沙律混合咗多种番茄，加埋香甜石榴撞出酸酸甜甜味道。
戳开布拉塔乾酪有流心效果，奶香满溢。
烤茄子法特(Makdous Fatteh)$168
其实黎巴嫩有好多茄子料理，呢道经典Fatteh将茄子配搭酸奶酪、蒜蓉、松子，做出一种绵密温和口感，捞饭一流。
茄子配搭酸奶酪、蒜蓉、松子，绝对系佐饭神物。
【经典旋转烤肉】
中东街头好受欢迎嘅沙威码，就系大家熟悉嘅旋转烤肉啦!! 烤肉会用香料醃制，再放上旋转架烤到外层酥脆；内里又好有肉汁。今次有鸡肉或牛肉拣，可以跟配薯条或黎巴嫩饭㗎。
鸡肉沙威玛(Chicken Shawarma)$178
牛肉沙威玛 (Beef Shawarma)$188
羊肉汉堡(Lamb Kofta Burger)$188
Kofta系好出名嘅黎巴嫩菜，当地人会将绞肉搓成肉丸或长条状都有。“Maison Beirut”黎巴嫩老板就将羊肉Kofta压成汉堡扒，配埋太阳蛋浆真系好满足啊。
黎巴嫩经典Kofta进化成汉堡包，一定要戳开太阳蛋蛋浆一齐食啊。
【爆满海鲜意粉】
同场加映2款海鲜意粉，海鲜份量真系爆多!! 大虾、蚬肉、鱿鱼等，鲜甜海鲜充满地中海风味，可以拣配白汁或番茄汁。
白汁海鲜意粉
番茄汁海鲜意粉
【招牌鸡尾酒】
“Maison Beirut”有个大海景，喺度望吓海、饮杯酒真系好chill，驻场调酒师设计嘅鸡尾酒都好唯美啊。
Weekend at Bernies
以新鲜泰式罗勒叶注入清新香气，加入富酸甜果香嘅百香果，增添层次。后续渗出注入茶香嘅波旁威士忌，结合温润茶叶同醇厚酒精。富热带风情嘅椰子Rum酒，令整体口感更柔和。
清新泰式罗勒同百香果嘅绝妙融合。
The Florist
融合多种迷人风味，先有新鲜石榴、香甜荔枝丰富果香；配以玫瑰花瓣增添优雅香味。而伦敦Dry Gin、柑橘酸香撞出明亮层次感。最后会有淡淡豆蔻苦味酒嘅微妙香气，味觉更立体又有种神秘感。
果香和玫瑰花瓣交织层次感。
Gossip
新鲜浆果有阵微酸果香，配上榛子嘅坚果风味增添圆润口感。酒味嚟自自制无花果Gin酒，果味同苦味酒形成微妙平衡，赋予独特层次，汤力水更有清爽泡沫后劲。
新鲜浆果结合坚果风味。
Gatsby
如果你钟意莓香，一定会钟意呢杯融合新鲜黑莓、红桑子嘅鸡尾酒。加上薄荷茶增添凉意，并以波本威士忌、黑加仑子酒带嚟富深度同复杂性嘅酒香。
酒香富深度同复杂性。
Casablanca
弥漫仙气嘅苹果木烟燻鸡尾酒，以香料Rum酒、杏仁酒、草莓、柑橘等调制而成。杏仁酒嘅坚果香味，亦同两款水果形成鲜明对比，相当有层次。
苹果木烟燻鸡尾酒，融合香料Rum同杏仁酒。
Maison Beirut
地址: 将军澳唐贤街29号蓝塘傲格林威治村地下10号舖
电话: 23210368