香港食饭预咗无惊喜? 今次搵嚟呢间“Maison Beirut”完全估佢唔到。首先係食好罕见嘅正宗黎巴嫩菜，逢星期五、六仲有「顶级肚皮舞表演」，舞孃可能就喺你身边跳舞啊。真係好少机会一边食嘢、一边咁近距离睇表演。
而且餐厅离海边只係十几步脚程，拣坐室外望海景食饭又得；食饱沿海散吓步又得，真係几有feel㗎。
如果夏天怕热，其实坐室内都几吸引。全店以木系、蓝色、白色打造异国气氛，悠闲舒适，拍拖或饭局都好啱。
“Maison Beirut”优惠详情
·逢星期一至四，所有单点菜式享85折优惠 ·逢星期一至四，所有饮品买一送一 |
“Maison Beirut”由黎巴嫩人Imran Khaleel开设，佢年轻时于瑞士读书，及后为多间餐饮品牌担任总经理。今次佢伙拍埃及总厨Maged Makram，以其40多年烹饪经验设计一系列黎巴嫩菜。
(左)主理人Imran Khaleel、(右)埃及总厨Maged Makram
二人完美呈现黎巴嫩风味料理。
黎巴嫩菜 | 水果·香料突出原始风味
可能唔係好多人了解黎巴嫩菜，其实呢个菜系着重使用新鲜蔬菜、豆类等，并常用香草、水果取代调味料。完美保留食材原始风味，同时又有丰富层次㗎。
最近“Maison Beirut”就推出咗全新Menu，私心锺意酿入香料饭同坚果嘅黎巴嫩酿鸡，饭粒吸满鸡汁劲香呀!! 而且黎巴嫩人真係好擅长羊料理，新推慢煮羊肩软腍之馀，仲有淡淡香料层次，唔係度度食到呀。/div>
【全新Menu】
黎巴嫩酿鸡(Stuffed Chicken)
大厨将香料饭、坚果酿入原鸡后慢烤，令鸡肉精华慢慢渗入米饭中，同时又保留到鸡肉嫩滑度。将鸡肉同米饭一齐食真係好正，鸡味浓郁又唔腻，记住蘸啲汁食又係另一种风味。
慢煮羊肩(Lamb Shoulder)
黎巴嫩菜嘅羊肉一向出色，当地人会用多种香料慢煮。“Maison Beirut”总厨Maged Makram都唔例外，将羊肉慢煮12小时做到又嫩又入味，仲有种独特嘅醇厚香味𠻹。配埋嘅意大利细麵，加咗啲果仁、提子乾令口感丰富咗，同软软嘅羊肉撞出双重口感几夹。
肉眼扒(Rib Eye Steak)
想要仪式感当然唔少得牛扒啦，好锺意用扒炉煎到有格仔坑纹嘅牛扒，会有种独特焦香～“Maison Beirut”特配2款酱料，试吓唔同滋味。
牛油果鹰嘴豆蓉(Avocado Hummus)
地道黎巴嫩菜有好多豆蓉料理，当地人会用彼得包、烤薄饼蘸嚟食。今次新Menu就将经典鹰嘴豆蓉，加埋人气Superfood牛油果打成蓉。食落多咗种绵柔醇厚嘅层次，健康又好食。/div>
大虾Fatteh(Shrimp Fatteh)
中东地区传统料理Fatteh，会将配料、脆片、米饭层层叠加，无论口感、风味都好有层次啊。今次主厨Maged Makram就拣咗用鲜甜大虾煮製，同绵绵滑滑嘅乳酪好夹㗎。
Maison Beirut
地址: 将军澳唐贤街29号蓝塘傲格林威治村地下10号舖
电话: 23210368