打边炉最开心就系一班人一齐慢慢倾、慢慢食，所以最紧要就要拣间干净企理、食材选择多、又坐得舒服嘅火锅店，先至可以全程enjoy。位于佐敦站附近嘅「伍佰海鲜火锅」佔地两层，地方阔落，主打新鲜海鲜同埋多款自家手工配料，即刻睇下有咩汤底同火锅配料推介啦。
环境宽敞、座位舒适
主打新鲜海鲜，现场更设有大型鱼缸
【自家熬制汤底】
伊比利亚黑毛猪骨锅
汤底绝对系一个边炉嘅灵魂，掌控住全餐嘅食慾。每日熬制5至6个钟嘅伊比利亚黑毛猪骨锅，选用西班牙橡果黑毛猪制作，再加入牛肋条、猪筒骨、红萝卜等熬煮，汤底浓郁带肉香，仲有啖啖肉食。打边炉之前建议可以先饮一碗汤，感受一下原味。
竹笙五彩菇乳鸽锅
五彩菇意指虫草花、姬松茸、鲜冬菇 、鹿茸同鸡脾菇，仲有大大只乳鸽，滚起可以直接饮咗汤同食下啲汤料先。好滋补架呢个汤，鲜味十足，而乳鸽肉质依然嫩滑。
【自家制配料】
芫荽党员必试无误。平时较少见嘅配搭，系师傅自家嘅创作。浓烈嘅荽味同鲜甜嘅带子泊埋一齐，原来几夹。
芫荽带子饺
涨卜卜嘅黑松露蛋饺，香浓惹味，渗有蛋香，富满足感。
黑松露蛋饺
多款丸类都由师傅新鲜手打制作，款款弹牙。海虾墨鱼丸就混合作两款海鲜，以清淡少少嘅汤底渌完嘅话，鲜味更为突出。
海虾墨鱼丸
喺虾丸中混入西方乾酪，遇热后即会溶化， 变成流心。
乾酪虾丸
墨丸系好多人嘅comfort food，虽然成日都话打边炉唔使太多丸，但又总系忍唔住要叫埋啲墨鱼丸，弹牙、爽口、有肉感。
墨鱼丸
同样都系心机手作嘢，混合油炸鬼同虾胶，索埋啲汤食仲有微微脆。
吱喳鬼马虾条
将虾胶同墨鱼胶分别酿入鱼肚内，此举既可增加鲜味，亦令口感更加丰富。
鸳鸯鱼肚
【推介配料】
猪天梯即系猪上颚，近喉咙嘅位置。坊间较少机会食到，嚟到当然要试啦，建议渌大约3、4分钟就食得，咁就食到佢最爽口嘅状态咯。
猪天梯
食到啖啖爽脆嘅鲜鹅肠，就知道师傅非常认真、严谨咁处理每样食材。
鲜鹅肠
话晒餐厅都系以海鲜为主打，压轴当然都要介绍返啲海鲜嘅。师傅特意挑选本地桂花蚌，肉质鲜爽清甜。
桂花蚌
当然唔少得多款新鲜刺身、海鲜同肉类啦！
开饭仔依家仲有好野益大家！于2022年4月29日至6月9日期间，到【伍佰海鲜火锅】消费并上载有效收据到指定网页， 随时赢取丰富奖品！ 食得愈密， 得奖机会愈大，超过200份奖赏等梗大家！快啲约埋饭脚开餐啦！
伍佰海鲜火锅
地址: 尖沙咀山林道21-23号1及3楼
电话: 23861328