尖沙咀山林道有间间黎巴嫩餐厅“RUE DU LIBAN”，蓝色花花门口好有艺术气息，俨如店名“Rue Du Liban”(意指黎巴嫩街) 好似去咗外国街头咁啊。
2025年最新优惠
即日起，逢星期日至四单点餐牌即享8折优惠 |
“RUE DU LIBAN”法文意指黎巴嫩街道，蓝色花花门口好有艺术气息。
新鲜健康食材！一嚐地中海健康饮食文化
黎巴嫩料理强调新鲜健康食材，喺“RUE DU LIBAN”唔止食到地道风味，更感受到地中海健康饮食文化嘅吸引力。当地人好钟意用鹰嘴豆、扁豆、新鲜蔬菜等食材，所以“RUE DU LIBAN”菜式有好多高质蔬菜、豆类、谷物同瘦肉蛋白入馔，好味又有营养㗎。
“RUE DU LIBAN”展现地中海健康饮食文化，以高质蔬菜、豆类、谷物同瘦肉蛋白入馔，好味又有营养。
融合多种食材香料 打造异国飨宴
黎巴嫩料理一向以大胆融合多种食材香料而闻名，所以一入到“RUE DU LIBAN”店内，就好似畀各种香料、草本植物香味包围。好似用香味嚟提醒大家嘅味蕾，准备迎接一场异国飨宴啊。
以黎巴嫩沙律(Tabbouleh) 为例，就系一道以番茜、番茄同粗粒小麦制成，系一款富含维他命同矿物质嘅清爽沙律。当然，不得不提当地人最钟意嘅经典鹰嘴豆蓉(Hummus)，混合鹰嘴豆、芝麻酱、大蒜同柠檬汁，系一道好好味嘅沾酱，好啱配彼得包或脆片㗎，满足追求健康蛋白质同纤维嘅大家。
贝鲁特鹰嘴豆蓉(Hummus Beriruti) 系黎巴嫩经典料理之一，质地顺滑又重豆香。
健康煮法 依然惹味满足
“RUE DU LIBAN”一直坚持健康煮法，包括烧烤、烤焗、蒸煮而非油炸。呢啲健康煮法不但保留食材营养价值，仲可以增强天然风味。颠复健康料理等如淡而无味嘅刻板印象，反而食到轻盈又惹味满足嘅异国料理。
肉控/素食者都会爱上！
无论你系肉控定素食者，喺“RUE DU LIBAN”都揾到你钟意嘅料理。一系列菜式由香料醃制嘅juicy烧烤肉类；到庆祝地中海丰收嘅丰盛素食都有。
原只烤酿烧鸡。烧鸡下层铺满紫椰菜、栗子，吸满鸡油精华。
焗开心果仁脆皮羊架。外层开心果碎碎，做出外脆内嫩口感。
炸茄子薄脆红石榴酱沙律。多种新鲜蔬菜夹杂核桃、薄脆片、炸茄子等，清爽又香口。
杂锦蔬菜煲配印度香米。蔬菜煮得软嫩甘甜，用嚟配饭好开胃。
如果你想要轻食，黎巴嫩前菜拼盘(Mezze Platter) 系绝佳选择。集合一系列各式小食，轻松试匀多种地道风味，包括中东茄子蓉(Baba Ghanoush)、地中海葡萄叶包饭、烤蔬菜等，异国风味都好震撼感官。
中东茄子蓉有烟燻香味，捞埋芝麻酱几有层次。
感受黎巴嫩人热情气氛
黎巴嫩人都好热情好客，而“RUE DU LIBAN”正正由黎巴嫩人开设，所以员工态度好亲切之馀，用餐环境都好舒适温暖。无论你想同朋友一嚐异国美食，又或想享受浪漫晚餐，呢度都好适合㗎。
(左)主理人Imran Khaleel、(右)埃及总厨Maged Makram
二人凭丰富经验，打造满足视觉同味觉嘅“RUE DU LIBAN”。
店内挂满色彩缤纷嘅花花，梦幻唯美。
有时出街想食得健康啲，可能会发觉选择有限。而“RUE DU LIBAN”就将黎巴嫩健康滋味带嚟无限可能性，凭借对新鲜食材、健康煮法、多样化料理，为大家提供多个开饭选择，原来健康都可以好食惹味!! 无论你对黎巴嫩料理已经好熟悉，又或渴望探索未食过嘅异国料理，都可以去“RUE DU LIBAN”试吓啊。
RUE DU LIBAN
地址: 尖沙咀山林道22-26号地下A号舖
电话: 23102922