想感受满满仪式感，拣铁板烧就啱晒喇～主打海鲜铁板烧及Omakase嘅「萤火」，最近推出全日清酒免费任饮优惠，星期一至日午餐或晚餐都可以用，真系一班酒鬼福音呀。
午市海鲜铁板烧只需$380起，几百蚊就可以边食、边欣赏师傅手艺，加埋任饮清酒真系超值!! 夜晚都有免费任饮清酒，而且惠顾任何铁板烧晚餐，每人都会即送日本海胆杯，即睇详情啦～
「萤火」清酒祭优惠一览
1) 全日指定清酒免费任饮: 午餐90分钟/晚餐120分钟 2) 午市海鲜铁板烧$380起，午市厨师发办$488起 3) 凡惠顾任何铁板烧晚餐，每人即送日本海胆杯乙个！ 4) 寿司吧的厨师发办十六品晚餐（原价$1380/位），现推出优惠「二人同行，一人免费」！ 5) 只要预订，生日或纪念日获送甜品1份并免费写祝福语句 |
任饮嘅指定清酒系经典品牌「白雪」。酒味清爽，酸甜适中同每款日本料理都好夹。
凡惠顾任何铁板烧晚餐，每人即送日本海胆杯乙个。
【超值午市套餐$380】
「萤火」有两款午市套餐都系$380/位，同样食到几款海鲜、美国牛肉薄烧/厚烧、樱花虾炒饭、甜品等，诚意十足。即刻睇吓其中一款午餐有咩食啦～
午市套餐(星)一人前 沙律 帆立贝 汁煮白鳕鱼 大虾 美国牛肉薄烧/厚烧 或 日本黑豚肉 樱花虾炒饭 渍物 吸物 甜品或咖啡 $380/位 |
刺身级北海道帆立贝烧到半熟就食得。师傅最后淋上日本海苔汁、鱼子酱，层次更丰富。
师傅以纯熟手艺将大虾边烧边剥壳，并加入牛油、白酒烧香。期间仲会用铁板烧煎铲轻松起走虾肠，令大家拍晒手掌呀。
睇到都流晒口水
【靓环境食铁板烧】
「萤火」有好靓嘅樱花树下天灯许愿墙，可以问员工拎平板电脑写上祝福语句，即时投影放天灯。除咗畀寿星、朋友惊喜，听讲仲有唔少人求婚成功𠻹。
天灯许愿墙
可以问员工拎平板电脑写上祝福语句，即时投影放天灯。
呢度仲有3间铁板烧VIP房，5-6人已经可以包场，隐私度够晒高。
12人可以拣大房，嚟个铁板烧party～
晚市铁板烧包免费清酒任饮+送海胆杯！
呢度人气最高嘅晚市铁板烧系厨师特选铁板烧(二人前)及濑尿虾铁板烧(二人前)！晚市铁板烧除咗有120分钟免费清酒任饮，每人仲送北海道海胆杯架！
呢度海鲜每日直送，店内特设鱼缸养活海鲜。
正式开动前，师傅会成盘活海鲜拎出嚟，仲生猛郁紧㗎!!
坊间铁板烧都好易烧到好干，所以餐厅会为每道料理特调酱汁，部分更会即场用铁板煮制酱汁。好似澳洲龙虾咁，就系即场用龙虾膏煮埋酱汁，最后摆盘仲好似法国菜咁精致，绝对系味觉同视觉享受呀。
厨师特选铁板烧晚餐就最受欢迎！一个套餐有齐所有招牌海鲜：澳洲龙虾、南非鲍鱼、金甘鲷立鳞烧、日本A5和牛等等！简单用牛油、白兰地、白酒烧至5成熟已经好鲜甜弹牙啦。
套餐仲有鹅肝多士～以匈牙利鹅肝入馔，用红酒、自制焦糖酱烧到外脆内嫩好正。最后食埋柚子啫喱，轻甜解腻。
套餐都有A5鹿儿岛和牛自选薄烧/厚烧，其实几选择困难症。如果两个人嚟食，一人拣一款share就最好喇。
A5和牛薄烧好讲究火喉控制，一开始会倒入一大堆蒜葱爆香，调味后就要快手用和牛包住，咁先keep到和牛软嫩油香啊。食嗰阵可以蘸啲芥末酱食，一咬落去仲会爆出脆蒜好丰富。
A5和牛厚烧就好食到油香同肉感，仲可以睇埋师傅淋上白兰地酒点火，瞬间将A5和牛烧到5成熟，切开入面仲系好粉嫩。
「午市及晚市」两款套餐都有樱花虾炒饭，系用日本珍珠米、蛋浆炒制。初头以为系普通炒饭，直到兰王蛋出场真系心心眼。兰王蛋煎到有焦脆边边，食之前戳开蛋浆捞落炒饭一齐食，有时又会食到甜甜哋嘅樱花虾，估唔到炒饭媲美海鲜咁深刻呀。
第一眼见到只南非鲍鱼真系好suprise，估唔到咁大只!! 套餐仲系一人一只，原只食够晒满足呀。鲍鱼咁厚肉，食完原味又可以蘸啲鲍鱼肝酱试吓；之后又再配啲黑松露酱食匀各种风味。
套餐嘅甘鲷鱼配海胆奶油汁，真身系甘鲷鱼立鳞烧。师傅会喺铁板放上靓靓纸盘即炸鱼鳞，鱼肉又keep到好嫩滑，双重口感好过瘾。
【每日限量供应】爆膏巨型斑马濑尿虾铁板烧晚餐
终于唔使自己剥壳食濑尿虾啦!! 「萤火」每朝都会拣选爆膏流心嘅巨型斑马濑尿虾，好少地方食到咁多膏，所以每日限量供应啊。师傅用煎剷剥壳后，再用牛油烧外层做到外脆嫩。一切开即刻见到橙色虾膏流出嚟，咸香浓郁绝对值得专程嚟食!!
激抵Omakase厨师发办(寿司吧)16品晚餐！人均$690包清酒免费任饮！
寿司吧的厨师发办16品晚餐原价$1380，现正「二人同行，一人免费优惠」！人均只需$690，仲包清酒免费任饮！
前菜 | 辣汁煮螺
夏天时令食材主要系贝类、白身鱼，所以先以辣汁煮螺揭开序幕，轻辣弹牙好开胃。
刺身五品
刺身有海胆、拖罗好吸引啊!! 「萤火」全店均按香港食安中心规定入口日本水产，绝对食得放心。
煮物 | 矶煮鲍鱼
师傅自家矶煮4小时嘅澳洲大鲍鱼，咁大只厚肉都煮到好入味呀。而且鲍鱼好软Q，口感控绝对会钟意。
烧物 | 日式烧银鳕鱼
烧物都会依当日食材转变，今次我哋就食到汁烧银鳕鱼。最钟意烟烟韧韧嘅鱼皮，鱼肉又依然好嫩，蘸啲沙律酱仲好食啊。
寿司五品·手捲
食厨师发办最享受可以近距离欣赏师傅功架，全部寿司、手捲席前手握，够晒新鲜。师傅仲话一定会有拖罗寿司，各位拖罗迷放心晒～记住手捲一整好即刻食呀，紫菜仲系脆卜卜，同软绵海胆撞出双重口感。
萤火
地址: 尖沙咀加连威老道96号希尔顿大厦LG楼1号舖
电话: 21518133 / 84893133 (WhatsApp)