平时去诺士佛台饮嘢，有无发觉呢个商业大厦门口? 原来入去有挂满英式装饰同霓虹灯嘅楼梯，上两层系间隐世英国风酒吧「404 Not Found」。目测超过150个座位，室内有英超直播、Dartslive 2 & 3飞镖机、免费台球枱玩；室外就有藤织梳化几chill，员工会即场用炭炉烧串烧𠻹㗎，完全系懒人版BBQ串烧，爽!!
诺士佛台12号对面，行入大门上两层楼梯就到好方便。
楼梯挂满霓虹灯，好有气氛。
户外空间好大，好啱同朋友饮酒倾偈。
员工即场炭烧串烧，热辣辣好有风味。
一开始喺Google Map搜寻「404 Not Found」会显示喺金巴利道45号，呢个位系经正门搭𨋢上4楼。而我哋今次直接去诺士佛台12号对面，行入大门上两层楼梯就到啦，识行呢条捷径真系好方便。
「404 Not Found」个场真心靓，采用传统英式酒吧风格。
免费台球枱畀大家玩。
【人气优惠】11至12月节日气氛升温! 约Friend饮酒享优惠
即日起至2024年12月31日，10pm前结帐并出示OpenRice指定优惠券，即享晚市全单85折。 (优惠不适用于假期前夕) |
呢度全部串烧都系即场炭烧，好有风味!! 牛面登、鸡腿肉、羊捲肉都好锁到肉汁，食落弹牙juicy。海鲜就推荐虎虾、烧蠔、帆立贝，全部都系新鲜运到㗎。当然仲有丸类—牛丸、墨鱼丸、台湾一口肠等；蔬菜就有粟米、蒜蓉牛油金菇、原条茄子、菠萝等，选择好丰富啊。
炭烧肉串真系特别惹味。
虎虾串烧都几大只。
好多熟客嚟食串烧都话饮清酒最畅快，所以「404 Not Found」特别引入多款日本清酒。就算唔熟清酒都唔紧要，调酒师已经帮大家配搭好最啱嘅串烧x清酒组合，照住嚟嗌就搞掂啦。
肉类x清酒组合推荐
海鲜x清酒组合推荐
蔬菜x清酒组合推荐
除咗一系列炭烧串烧，呢度仲有pizza、意粉、德国猪手等，食饭饮酒直落无难度。火箭菜巴玛火腿薄饼批底几脆，最重要铺满咸香巴玛火腿，好啱饮酒。另外海鲜汁虎虾扁意粉真系好少酒吧餐厅做到咁精致，扁意粉仲好挂汁，入口鲜甜绵滑几满足。
火箭菜巴玛火腿薄饼
海鲜汁虎虾扁意粉
如果一班人睇比赛，一定要叫份烧德国咸猪手配酸椰菜share。猪手慢烤到外酥内嫩，最钟意一啖肉、一啖酸椰菜平衡咸味，饮埋啤酒一流啊。
烧德国咸猪手配酸椰菜
【IGable鸡尾酒】
睇波点可以唔饮酒，呢度嘅红白酒、生啤、清酒、鸡尾酒都应有尽有。女生可以拣较甜嘅HTTP404，以混合浆果、自制玫瑰糖浆、琴酒Bombay Gin、马天尼Mancino Vermouth Dry等调配。上枱嗰阵仲有梦幻仙气，影相几靓㗎。
呢杯Drunk 404酒味会浓好多，因为主要用酒品调制—香槟、荔枝利口酒、伏特加、雪碧调制。连侧边点缀嘅啫喱，都系用呢杯鸡尾酒制成，系食得饮得嘅cocktail啊。
404 Not Found
地址: 尖沙咀金巴利道45-47号金巴利广场4楼
电话: 37934166