一向主打高质、玩味料理嘅“GoodDay BadDay MamaDay”，全店都有搞鬼装饰，想轻松欢乐过圣诞就啱喇。今年推出两个圣诞二人餐，分别有$888、$688选择。圣诞期间，现场仲有Live Band表演炒热气氛。只係几百蚊食得丰富又有歌听，绝对抵啊!!
其实两个套餐前菜都有精緻松叶蟹番茄浓汤、圣诞树(估唔估到食咩😂)、火鸡蔬菜卷，并同样一人一份MamaDay圣诞甜品㗎。最唔同係「圣诞二人餐$888」会多咗美国安格斯(无激素)自然牛肉眼 (12oz)、波士顿龙虾意粉，想圣诞锯扒、食龙虾拣呢个餐无有错喇
不过入门价「圣诞二人餐$688」CP值都好高，主菜会变成波士顿龙虾西班牙炒饭(2人份)，原隻龙虾霸气十足!! 米饭都吸满龙虾、青口同高汤精华，每啖都有好香香料味，仪式感绝不输蚀啊。
圣诞二人餐$888
松叶蟹番茄浓汤 圣诞树 火鸡蔬菜卷 美国安格斯(无激素)自然牛肉眼12oz 波士顿龙虾意粉 MamaDay圣诞甜品 荔枝玫瑰梳打/德国水蜜桃茶 2杯 +$38红/白酒 1怀 +$29香港手工啤酒(像极了爱情) |
圣诞二人餐$688
松叶蟹番茄浓汤 圣诞树 火鸡蔬菜卷 波士顿龙虾西班牙炒饭(2人份) MamaDay圣诞甜品 荔枝玫瑰梳打/德国水蜜桃茶 2杯 +$38红/白酒 1怀 +$29香港手工啤酒(像极了爱情) |
【浓汤&前菜】欢乐圣诞氛围
两个套餐嘅浓汤、前菜都好有节日气氛，锺意浪漫又唔想食得拘谨就啱晒喇。
松叶蟹番茄浓汤
色泽鲜艳嘅番茄浓汤为圣诞餐打开序幕，满满松叶蟹肉令酸甜热汤更有层次。
圣诞树
多件脆脆蒜蓉包砌成圣诞树，有种可爱童心氛围。上面淋满番茄洋葱莎莎，食落更爽脆多汁几过瘾。
火鸡蔬菜卷
以往圣诞节都係食一片片嘅火鸡肉，今次将火鸡肉包住蔬菜，令丰厚有嚼劲火鸡肉更juicy，每啖都大大件劲有满足感，蘸埋伴碟薯蓉又係另一种风味啊。 
【圣诞二人餐$888】超大肉眼扒+龙虾意粉主菜！
美国安格斯(无激素)自然牛肉眼12oz
呢件12oz肉眼扒真係值回票价，因为真係好大块!! 自然饲养令牛扒脂肪分布、肌理都更平均，肉质柔软又重肉味。
私心锺意大大块嘅虾片(笑)，同朋友一齐拎住食吓、饮吓酒几chill。同埋伴碟个沙律有菜又有少少水果，有时食到香甜果肉，心情又会开心啲。
波士顿龙虾意粉
原隻波士顿龙虾摆盘超霸气，龙虾切件又可以轻松拮出龙虾肉，女生都可以保持靓靓地食完隻龙虾啊。龙虾肉同意粉都有好香海洋同香料味㗎。
MamaDay圣诞甜品
甜品係淘气圣诞小精灵造型，一次品嚐香甜士多啤梨、大福同蛋糕，圣诞大餐于欢乐中圆满落幕。 
【圣诞二人餐$688】
波士顿龙虾西班牙炒饭(2人份)$688套餐先有嘅波士顿龙虾西班牙炒饭，将美国龙虾融合西班牙风味，单单丰富龙虾肉、青口已经推高CP值啦！而且每啖软Q炒饭都有浓郁海鲜味，两个人share呢个分量真係捧住个肚走啊。
【单点推介】
除咗圣诞套餐外，“GoodDay BadDay MamaDay”都有好多单点料理值得追加㗎。
呢度嘅封门柳肉味特浓，如果几个人嚟食圣诞餐肯定要追加埋佢啊。封门柳亦被称为牛隔膜肉，全因肉位喺牛腹两侧、靠近前腿之间，可想而知活动量较高，难怪肉质咁弹牙。每隻牛只有一块封门柳，唔係度度食到㗎。
一直高人气嘅黄金软壳蟹意粉，以传统咸蛋黄意粉煮法，煮出creamy惹味嘅咸蛋忌廉。再配上特大越南软壳蟹天妇罗，酥脆香口。
圣诞食个传统芝士火锅好有幸福感～芝士火锅有波士顿龙虾、日本帆立贝、新西兰青口、西兰花、方包粒、薯仔。浸落浓郁芝士瞬间，已经感受到芝士绵密浓郁质感啦。就算圣诞夜食唔落，呢个冬天一定要搵机会嚟食!!
GoodDay BadDay MamaDay
地址: 尖沙咀加连威老道27-27A号嘉荣大厦地舖及1楼
电话: 94241449