去澳门指定动作梗系揾间好食嘅葡国菜啦!! 拣间葡萄牙人开嘅话更加地道。喺氹仔官也街附近嘅「宫景正宗葡国餐厅」开业逾10年，环境以店主家乡小物装饰，无论气氛定味道都高度还原葡萄牙风味。店主更笑言早前返葡萄牙，当地嘅葡式海鲜饭都无呢度咁好食(笑)，嚟到真系要试吓呀。
「宫景正宗葡国餐厅」楼高3层，每层都好有特色。
地下充满葡萄牙地道风味。
2楼环境优雅，好啱约会。
3楼天台好开扬，嚟紧秋冬夜晚更加浪漫。
葡式海鲜饭Seafood Rice
海鲜饭用葡萄牙传统陶锅盛载，足料程度有惊喜。铺满龙虾、青口、大虾同蚬，真系可以一啖海鲜、一啖饭，正啊。海鲜饭嘅浓汤汁最精髓，系用龙虾头、上乘海鲜、番茄煮制，现成汤汁绝对扮唔到呢种独特鲜甜味。完全瞬间清碗，难怪店主话去到葡萄牙都挂住自己喺澳门嘅海鲜饭啦(笑)。
葡式海鲜饭，海鲜真系好足料。
龙虾好大只肥美。
真系可以一啖海鲜、一啖饭，正啊。
烤焗马介休Bacalhau Assado
讲起用龙虾熬嘅浓汤汁，喺其他菜式都会食到㗎，好似呢道烤焗马介休就系其中之一喇。原来唔起眼嘅土豆，系用咗龙虾浓汤汁煮，天然咸甜味之间又有啲海鲜味，系未食过嘅层次感。如果惯咗夜晚要食淀粉质，又唔想叫个白饭晒qouta，拣呢道马介休绝对值得呀。
烤焗马介休，唔好错过用龙虾浓汤汁煮嘅土豆。
炸马介休球Codfish Cake
马介休作为澳门名物又点止一个食法，最经典一定系炸马介休球啦。呢度系用传统做法，用两只西餐匙羹将马介休压实再炸。内馅够晒绵密，好做到外脆内软嘅口感啊。
炸马介休球，金黄香脆。
内馅系满满马介休，口感绵密。
炸虾角Shrimp Cake
呢度有几款炸物拣，继马介休球之外最钟意系呢款半月形状炸虾角，又脆又弹牙好正。
半月形状炸虾角。
虾肉增加弹牙口感。
葡式乳猪(例牌)Suckling Pig
「宫景正宗葡国餐厅」皇牌美食之一嘅葡式乳猪，真系用乳猪仔所以肉质好嫩。出面烧到好酥脆，一咬落去已经好薄脆咸香，配鲜橙、秘制酱汁几解腻，仲有埋薯条好满足。
葡式乳猪(例牌)，选用乳猪仔好嫩滑。
配鲜橙、秘制酱汁更解腻香口。
葡式三文治Francesinha
源自葡萄牙波尔图嘅特色三文治，将厚实面包上下夹住满满牛扒、烟肉，加埋上面嘅乾酪同太阳蛋蛋浆，完全系三文治界天花板!! 啖啖肉牛扒+蛋浆真系极度满足啊。
葡式三文治，绝对系三文治界天花板。
面包上面有乾酪同太阳蛋，内里夹住满满牛扒、烟肉。
葡式牛扒Bife à Portuguesa
葡式牛扒Portuguese Steak完全系肉控福音!! 骤眼睇同葡式三文治有啲似，但佢系无面包㗎。直接将优质牛扒、烟肉、乾酪层层叠上，最上面再铺只太阳蛋。好值得挑战一啖食晒咁多材料，完全系幸福嘅味道！
葡式牛扒。
优质牛扒、烟肉、乾酪层层叠上，最上面仲有只太阳蛋。
值得挑战一啖食晒咁多材料，大满足！
酒烧葡萄牙香肠Chourico Flambe
一开头以为系普通大肉肠，估唔到系火焰登场啊。点火当刻瞬即炒热气氛外，呢种古法炙烧更会逼出肠嘅香味，未食已经闻到好香啦，外皮仲烧到好卜卜脆，一咬爆出肉汁。
酒烧葡萄牙香肠，火焰登场！
杂锦肉串Espetada de carne mi sta
同样好有气势嘅杂锦肉串，餐厅畀个钳我哋自己夹烤肉出嚟食，特别过瘾。而且烤肉都好厚切，加埋烟燻烧炙香味几地道。个肉串仲跟配埋沙律、薯条，好啱一班饮住啤酒share啊。
杂锦肉串，好有气势。
自己夹烤肉出嚟食，特别有风味。
烧牛肋骨Beef Short Ribs
食到中段，发觉呢度嘅份量真系好足!! 好似呢道烧牛肋骨，目测超过10片，仲要好厚切。牛肉烧到好粉嫩软滑，伴碟仲有烤粟米、墨西哥小辣椒。
烧牛肋骨份量好足。
牛肉烧到好粉嫩，肉质软滑。
烧海鲈Grilled Seabass
如果你白酒爱好者，配呢条烧海鲈好夹!! 外层烧到微焦，鱼肉仲系好嫩多汁，仲可以食到龙虾浓汤汁特制嘅土豆配菜㗎。
烧海鲈外层微焦，内里鱼肉仲好嫩。
宫景正宗葡国餐厅
地址: 氹仔旧城区告利雅施利华街86号地舖
电话: 28576700