たまご園 (荷里活廣場)

营业中

休息中

一向都好鍾意食蛋既我，見到喱間日式專食蛋既餐廳又點可以錯過🤤見到餐牌佢d玉子燒好吸引！燉牛肉蛋包飯主食今次叫左個蛋包飯試下，個賣相同佢menu係一樣，都幾吸引，個蛋望落好滑😍食落都好滑，不過佢個牛肉就有啲蘇蘇地🤔個汁食落都普通，冇咩特別。大阪燒風八爪魚捲喱個我抱住好大既期望去叫，當然食落去都冇令我失望，雖然佢入邊嘅章魚唔係好大粒，不過佢既蛋都係好滑，好香，配合埋大阪燒嘅汁，真係好好味🤩🤩

今晚同朋友一齊食飯，環境有特色，座位舒適寛敞。松葉蟹🦀肉玉子燒🍳玉子燒十分嫰滑，雖然只有三件，但三件玉子燒上面都好多松葉蟹肉，味道鮮甜，厚度十足，無偷工減料，值得推介。海鮮辣香蒜意粉有少許海鮮，例如：魷魚🦑及蝦🦐，香草🌿味濃，十分清新，意粉有嚼勁，油分平均，味道不錯。提拉米蘇梳乎厘十分特別，軟綿綿嘅梳乎厘中有脆卜卜既Oreo曲奇🍪，口感特別，個人比較鍾意原味梳乎厘多啲，梳乎厘幾好味😋

本來有商場coupon就去試吓，叫左蛋包飯，好令人失望，d飯好硬，味道又好淡，於是食咗 d 就走埋單時又話加多少少野先可以用coupon於是叫多少少野然後俾錢職員收左coupon但係碌卡照扣原價同佢哋講就話冇得改語氣差又黑面，道歉都唔想講以後都唔會再幫襯

我本身都鍾意食蛋（唔係考試嗰隻），所以見到呢間Tamago-EN嗰陣都好興奮，因為入面好多嘢都係有蛋～～咁我就叫左幾個菜式啦，三文魚牛油果TKG拌飯，同抹茶班戟。本身我唔知乜係TKG，但係睇Menu個樣又好似幾得意，所以就叫嚟試吓。食落又OK喎，個口感真係比較少有，係打起咗嘅雞蛋泡沫？？我都唔係好識形容，但係配埋三文魚，同牛油果同佢比嘅飯素就OK嘅，不過如果三文魚有埋芥辣就好啦～～個抹茶班戟先係好正！！！個Pancake好香蛋味🤤🥚🤤同埋就係抹茶醬撈埋落去Pancake咁食都超級好味😋鬆軟又唔會太虛無，其實我發現食呢個都幾夠飽～～～

同行人以為餐廳只提供蛋料理而卻步左好耐今日去到荷里活商場見到新開日本蛋專門店望一望個餐牌都唔係全部係蛋所以就入去試試叫左一個熱門既TKG 生蛋飯當然依隻生蛋，都係打蛋打到好似朵浮雲咁跟飯一起吃就更加軟遠叫左一入傳統玉子燒好味多汁，不過偏甜貼埋份量比較細配埋天婦羅汁同蘿蔔蓉日本風味不錯同場加映 滑蛋吉列豬換扒飯炒蛋不錯，肉身都厚但係都係鐘意乾爽既炸豬扒會吸引我總結：佢仲有好多蛋料理一次真係試唔曬同樣佢亦都好多其他日本料理同飲品都色彩繽紛係蛋料理愛好者同一家大細黎都適合

公仔就鍾情蛋黃哥，食就無蛋不歡，見到呢間蛋黃色裝修，左排疏窿蛋形框圍住卡位，連啲燈罩都半個蛋殼咁款，點會唔愛不釋手吖！重點係咁多蛋落咗肚，食位完都冇胃漲頂住嗰吓好。八爪魚🐙捲同明太子筷子捲係都係用章魚燒嗰種燒汁，八爪魚捲啲八爪魚係雪藏，冇乜鮮味，全靠個蛋汁同調味救番，筷子捲係塊中等厚度嘅蛋餅捲住對竹筷子，中間夾雜咗啲芝士，扯出嚟拔絲咁，鋪面隻太陽蛋蛋黃似近期人氣日本蛋-蘭王蛋嗰種咁橙嘅色，都幾濃蛋味。和牛肉醬意粉唔重牛味，不過加埋溫泉蛋幾好撈汁。明知食梳乎厘即係食空氣，而且價高，不過實在太耐冇食，而呢間個提拉米蘇梳乎厘亦玩咗啲花臣，中間夾左兩片淋淋地嘅Oreo餅，再夾埋啲tiramisu 忌廉就不致太寡。沙律菜都幾多幾新鮮，插咗3塊熱浪薯片。態度方面，侍應係男嘅俾女嘅殷勤，男嘅係都未舉手佢已走埋嚟問你有咩幫到你，女嗰位只係落單已隔住口罩露出厭世眼，劈低張單叫你對對啱唔啱都唔願多逗留，自己最好醒水，唔好打搞佢。

看到日本達人介紹這間蛋包飯，他說十分正宗，介紹了很多食物，立刻吸引我去這間餐廳試吓。我點了一客燉牛肉蛋包飯和白桃疏乎厘，當牛肉蛋包飯來到的時候，我便立刻吃蛋飯，然後再吃牛肉，牛肉好味，但係是凍的，沒有足夠時間番熱，便送出給客人，在這情況下，便通知仕應要求他和廚師講聲，他回答我是，「唔好意思呀！如果下次再吃小小，凍嘅再話比我地知，睇吓點樣整返熱佢啦！」😰😰😰

雖然嗰日病咗🤒，都阻止唔到我想食甜品嘅慾望！諗咗好耐就試啲新嘢，去咗呢間日本蛋專門店🍳，不論係裝修定食材都貫徹雞蛋嘅主題。話明專門店梗係有返咁上下價錢🤑，一齊睇睇佢哋推介嘅班戟掂唔掂先！————————————————👅法式焦糖梳乎厘班戟（$88）🔸 本身就係一道食空虛嘅甜品，焦糖面只有少少仲塌咗，Cream係燉蛋漿味，整體味道唔差嘅，唔知係咪蛋專門店🥚，所以蛋味重啲，好好奇想知有咩好食先會試，下次都係自己整👅黑糖珍珠奶茶（$38）👎🏻利申叫咗少冰少甜都係偏甜，首先圖片只供參考冇咗杯邊嘅黑糖漿🧋，黑糖味飲落似炭燒奶茶，而且無咩茶味，大珍珠外軟內硬，呢個價錢唔合格喎———————————————— 🚩總結：食嘅係主題同裝修😂———————————————— 🌟注意：另收加一服務費————————————————📍 たまご園地址︰鑽石山龍蟠街3號荷里活廣場2樓282號舖.🗺地區：#bem鑽石山📥分類：#bem日本菜💰人均消費：#bem_101至200蚊

嗌咗3樣嘢：玉子燒、意粉同梳孚理pancake。頭兩樣嘢食都唔差，食到最後上甜品，都知道嗌咗要等25分鐘，點知得咗大半個鐘，中間問過兩次話嚟緊，係最尾話要我哋再等就唔要，佢先再入廚房問話要等多8分鐘...我真心呆咗，隔離兩枱客遲過我哋嗌都已經上咗梳孚理pancake，但我哋就未上，根本就無跟進過就hea我哋。到最後咩都無做就咁打發我哋走，態度惡劣。真心食到成肚氣，建議大家唔好去食！！！！！！！！！

Tamago-EN たまご園鑽石山日式主題餐廳高質蛋包飯 鬆軟pancake🧁食物質素：😍😍😍😍📸打卡指數：😍😍😍😍🧹衛生指數：😍😍😍😍💁🏻‍♂️店員表現：😍😍😍💵性價之比：😍😍😍地址: 鑽石山龍蟠街3號荷里活廣場2樓282號舖🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹鑽石山呢間開咗冇幾耐嘅主題餐廳，裝修真係好靚，位置都幾闊落。平時lunch time就一定多人，如果想少啲人食到嘅話就一定要下午茶時段去。呢間餐廳其實主打係食雞蛋，玉子燒之類。但整體感覺都幾好，唔使排隊絕對會encore。🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹1.燉牛肉蛋包飯 $118 Rating: 7/10。真係好大份好足料。燉牛肉好淋好入味。個蛋都好滑。個汁好rich好濃。如果係茄汁飯底更好2.煙肉明太子忌廉意粉 HK$78 Rating: 8/10。明太子味勁濃。意粉軟硬度適中。意粉係類似天使麵咁幼。係我鍾意嘅類型。太肚餓掛住食唔記得影相。會encore😍3.宇治抹茶疏乎厘pancake HK$88 Rating: 8/10。呢個幾有驚喜。疏乎厘pancake好有空氣咁。蛋香味都重。雪糕嘅抹茶味都幾香。正😚🔹🔹🔹🔹🔹🔹

Watching the long queues at this restaurant, we were curious about the dishes it served. Was the food really worth over an hour of waiting time ? Deciding to try it, we were surprised to be able to get in fairly quickly. A first look at the menu showed very typical ファミレス dishes comprised essentially of 3 ingredients: eggs, rice and meat.The initial feel we got from the shop was rather positive. A predominently Muji-styled clear wood layout with accents of interior garden; all centered around the

呢間餐廳係以雞蛋作主食的主題餐廳。🍳🍳店內裝修幾靚, 餐牌設計都幾吸引呀。同朋友叫左佢地既招牌Omelette Rice, 燉牛肉蛋包飯, 公司三文治同埋法式焦糖梳乎里Pancake.首先, 講一講燉牛肉蛋包飯 (7/10)，整體黎講不過不失, 賣相都幾好. 我諗住佢燉牛肉應該係炆到好淋, 但係, 牛肉有D韌, 而且唔夠熱, 如果熱D就好D囉.公司三文治(8/10)， 大大件，熱辣辣，餡料豐富，仲比埋炸薯條，都算抵食.最後, 叫埋個法式焦糖梳乎里Pancake(9/10), 真係很香很梳乎, 有一種入口即溶的感覺.

今日去試咗呢間幾多人都鐘意的日式餐廳，我入座時間為下午6:05，所以唔使等位即刻入座。餐牌設計美觀吸引👍🏻，我哋叫咗兩個主食+兩杯飲品+一個甜品。送餐速度理想，梳乎厘已在餐牌說明「需時25分鐘」。食物賣相不錯👍🏻，但味道就很一般，飯唔熱，也講不上暖，蛋沒有蛋的味道，梳乎厘沒有香味，唔會有種「想返轉頭再食」的感覺！職員態度一般，接待入座那位就無咩表情，埋單那位都會說：多謝！所以…試過就算啦！

I am a fan of omelette rice. Particularly omelette rice with beef stew. I remember there was a restaurant at ex-Diamaru (舊大丸) serving Hayashi omelette rice and that was my favourite. But it’s closed down for many years. Today the omelette rice I tried at Tamago-en was not bad. The presentation of the whirling omelette is really appetising. I love the taste of the beef stew sauce very much. Just to make it better, the egg looks very smooth with a good volume but actually it was not. It’d have bee

約朋友食飯揀地點都係一門學問 一個鰂魚涌返工 一個荃灣西返工 一個康城返工.....最後揀左大家都有車返屋企既鑽石山為聚腳點鑽石山我成日經過 但每次都只係為左轉車 好少會係到約朋友食飯朋友係openrice搵到一間以雞蛋為主打食材既餐廳 我地都覺得個賣相幾靚 所以就揀左呢間餐廳7點鐘左右到左拎飛 等左40分鐘左右先入座因為門口有餐牌可以睇 所以我地已到經揀好哂食啲咩🥔炸薯條配黑松露醬薯條岩岩炸起 熱到辣手 脆卜卜 再蘸埋個黑松露醬簡直係人間一大享受個黑松露醬好夠味 絕對唔係得個名有黑松露 🐙大阪燒風八爪魚卷呢個就好似食八爪魚丸咁 但係個皮就變左做雞蛋 勁香蛋味 個面再淋上大阪燒既醬汁 廚師將整份八爪魚卷切成八份 每一份都會平均分到有八爪魚係裡面 唔會變左得返舊玉子一上枱極速俾我哋清晒😋🥚Tamago-EN 特製五款玉子串燒每一串玉子串燒上面都會有唔同既配料由左至右分別係蔥花蟹肉明太子配蛋黃醬三文魚子配三文魚醃漬醬汁番茄醬每款都各有特式 好味不過要多人先可以叫呢個串燒得兩條友食應該會膽固醇超標食完一份唔知一共食左幾多粒蛋落肚😂🍝黑松露野菌意粉配溫泉蛋成碟意粉有超多超多菇 好濃菇味 但就蓋