影片
港铁荃湾站 B1 出口, 步行约8分钟
继续阅读
电话号码
37047667
营业时间
今日营业
11:00 - 21:30
星期一至日
11:00 - 21:30
公众假期
11:00 - 21:30
公众假期前夕
11:00 - 21:30
以上资料只供参考，请与餐厅确认详情
相关文章
一排冇嚟食, 连名都改埋, 一入到去, 格局有D似松屋, 好多自闭位。 楼面改半自助, 顺便减人手, 讲得通既, 身为顾客都理解! 炯记驰名烧鹅、叉烧、手撕鸡, 老实讲, 餐牌加咗个牛肉饭, 我无兴趣试。炯记有需要洗底咩? 唔觉得要。 如果系顺便改变形象, 还可算讲得通。但个人觉得, 唔需要扮日式。 佢地做开传统野, 仲做得咁好, 已经有本钱将传统野打造成香港传奇品牌, 好似「奖门人礼饼」咁做法。讲返个餐, 我照旧食麻辣手撕鸡配太子鹅油捞粗, 冻饮唔洗加几蚊, 价钱58蚊, 即系冇乜加价? 印象中, 正价套餐 (非下午茶) 好似系57蚊 (冻饮要加钱), 咁即系只加咗一蚊? 份量有冇少到? 好似冇... 真系? 似乎份量同以前下午茶餐差唔多, 不过多咗碟小食, 即系阴D阴D, 加咗价你都唔知😝 隔篱枱叫半只手撕鸡跟饭, 睇落大大碟, 咪理佢有无少到, 至少睇落一定够饱。 跟住有人入嚟叫外卖半只手撕鸡, 见到都仲系塞满一个外卖盒, 搭埋鸡壳旧骨, 依然卖48蚊。到底有冇少到? 记得以前系唔搭鸡壳旧骨既, 成盒鸡只有原只鸡翼个几条骨。手撕鸡水准依旧, 一样咁好食, 麻辣初入口唔太辣, 不过食到尾都真系辣, 怕辣既可以叫小辣。 照旧手撕鸡垫底会用条生菜, 喜出望外地非常新鲜爽脆😋 太子鹅油捞粗系炯记招牌菜, 唔想食面, 可以叫饭或者肠粉。而家变咗面豉汤跟餐, 我伶愿系以前既老火例汤。认字特警👮♂️ 系味「噌」汤至啱小食... 我觉得系画蛇添足🥲 不如俾多少少主菜、或者多少少饭/面/肠粉仲好。 有日式豆腐、泡菜、同埋我拣咗既酸辣云耳, 唔好食, 无辣味, 同埋咸返少少会有味D, 而家净系食到酸味。冻柠茶改咗用纸杯, 冇咗长铁羹帮手, 深不见底, 好难笃柠檬😒 枱面有七味粉任加唔嬲, 扮日式扮得彻底。告示贴到周围都系, 叫人食完要自已清场。 香港人习惯系点? 即刻有人做俾我睇。当然亦有好多人识自动自觉, 包括我。结论: 重新包装后既炯记, 依然可以继续捧场。招牌菜冇走样, 不过要食牛肉饭唔会拣佢啰! 附近又有「日文字」过江龙牛肉饭...纸巾提供: 无厕所状况: 无去过温饱指数: ***回味指数: ****翻兜指数: ***
继续阅读