影片
希望上买左两张半价团购券,于是就去试试.首先讲下环境,细细地,装修系几有创意,不过d高凳我觉得唔好坐,可能我矮啦而且间舖通风明显唔得,有好大阵油烟味,又局,环境麻麻服务方面,其实无咩服务可言,得一个男人,全程无笑容,问一句答一句咁啰食物要等好耐先有,明明人唔多,但都要等二十几分钟先有野食粟米系普通急冻粟米加热,再加牛油香草,开头觉得个味怪怪地,冻左之后,牛油''琼''晒,食落就一pat野咁串烧如图示,十几蚊一串,但得咁多啰,而且称唔上好食,好硬,墨鱼嘴仲有腥味添牛仔骨韧,而且有酸味,肉汁亦鞋,叫左两串,得六块左右,无记错好似廿几蚊,劲唔抵食猪下青普通,不过无乜芥辣味.之后仲有个烧娃娃菜,无影,不过劲劲劲咸好似拿盐入口咁另外个炸雪糕,都ok啦,不过d雪糕仲好硬以上讲的,再加一枝乌龙茶,就要七十几蚊(团购两张$30,另再比左$十几),讲真,就算系团购买,食完都觉得好唔抵,野少,有唔好食,地点又唔便利,唔会再有下次啰
继续阅读
讲真话，喺呢间嘢黎讲，我认为我食过嘅 只有炸烧卖系比较入得口，几蚊串算系正常啦。未食过梗系试试招牌野；个炸雪糕，竟然可以做招牌野，食完之后真系唔明点解。口感唔得，皮太厚，雪糕唔够多。两样嘢mix埋好唔夹！辣鱼蛋，都几辣下，我觉得啲鱼蛋系普通野，但又系招牌野㖞-.-招牌炸芝士鸡卷个皮好厚，如果个皮咁厚我谂会好食少少嘅。招牌赞岐冷乌冬。食左一啖发现又中伏，好难食！！！冇咩味，乌冬口感差，几大份都冇用。串烧黎讲，普通叫串烧鸡肉，我呆左，size同手指尾冇咩分别。痴线架，十几蚊一串，钱系咪咁赚！？（味道一般）事后去隔离食番串烧鸡肉，劲大串人地都系卖七，八蚊咋。唉，不知所谓。烧帆立贝味道ok ，不过有d un un地，要慢慢吞。其实想食呢间野都唔系易，等串烧都等成二十分钟。如果唔系比左钱先，都真系想走左去。食完啲嘢，完全唔会记得exactly几多钱，只知唔系好食同埋贵。完全唔值得人地山长水远去食。结论：招牌嘢都唔好食，帮衬梗系冇下次！比笑嘅人未免太仁慈。
继续阅读
见食评唔错，于是特登走去食。可能太过贪心，叫咗个牛仔骨煎蛋饭加个炸雪糕不特止，仲整多个炸芝士年糕。牛仔骨饭个烧汁好好味，牛仔骨有成五六件咁多，味道唔错，肥咗少少，但可以接受。虽然饭就少d同埋唔够热，但大胃王都应该够饱。食食吓就嚟个炸芝士年糕，新鲜热辣咬咗啖，d芝士溶哂，外面又薄又脆，都算香，但芝士味唔算浓，亦咬唔到一条芝士出嚟噃...食咗一粒后再食饭，净番两粒后来再食时已经无咁热，外皮塌塌哋，亦都无乜芝士香lu。可能食到一半已经饱，开始觉得粒年糕有d「恶啃」，再嚟三粒炸雪糕时其实已经睇到都觉得「济」，不过为食精神亦趁佢新鲜上枱时食咗一粒，发现就系好鬼油腻... 个皮唔同芝士年糕，用咗面包糠包蛋糕炸，吸咗唔少油，里面粒雪米糍太少雪糕，所以除咗好漏ge皮(仲有层雪米糍皮!) 之外，基本上食唔到其他味，觉得唔多好食。不过，可能只系因为自己太饱，一路食其实都有几个客特登只叫炸雪糕食。最后，我都觉得间舖真系唔多环保，所有食具都即弃，我都知而家请人洗碗好难，但唔知系咪真系无空间改善呢?另外，牛仔骨无刀系食唔到ge... 尤其如果你想咬走d肥油...请问有无刀或者筷子啊?最后，间舖仔细细，得几个坐位，如果都想做个别客的话，炸嘢咁油腻可唔可以考虑逐件计呢? 唔系好多人可以一个人一次过啃得落三件炸芝士年糕加三件炸雪糕㗎嘛...
继续阅读
夜晚纯粹行过见到就试...初时以为只系小食店...点知原来有饭餐ge~ 入到去得两行bar台...人多真系唔好去...好彩o个阵连埋我地得四个客...都坐得舒服~ 叫o左神秘牛仔骨煎蛋饭 (配烧汁) 同埋黄芥末猪颈肉煎蛋饭 (配沙嗲汁)~ 餐跟一罐汽水都只系$36蚊!!! 好抵~ 等o左一阵汽水先到...全铺得两个店员...所以要耐心d等...不过都唔算太耐ge....只系送到时有d surprise...竟然系饭盒wor!!! 佢地全部都系用即弃餐具...真系街边小食店style lor...俾个盒吓一吓...一打开个盒仲有惊喜~ 真系好香wor!!! 即刻令我更加肚饿~ 仲忍唔住讲o左出声...哈哈~ 以呢个价钱...都仲有好几块牛仔骨...猪颈肉又多~ 只蛋又多汁~ 真系好正~ d酱汁都好浓好好味~ 食到饱饱劲满足就走人~ 下次会再嚟~
继续阅读
一口和味装修有d日式街边拉面档既感觉, 直至有日行过睇下个餐牌, 先知系小食主打既地方. 见咁有风味既格局就入去试一试. 入到去先见到有好多杂志登既报导同埋相话你知呢间野系艺人打本开既. 不过唔理边个系老板, 医左个肚先最紧要:1.板烧羊架 – 厨师精心炮制, 制作需时, 羊一d稣味都冇, 肉汁完全入晒d羊肉度, 肉质好, 咬落去好口感唔会话好难咬开d肉, 女仔食都唔会尴尬.2.板烧黄芥辣猪下青 – 即系猪颈肉, 配黄芥辣会令人食上瘾, 肉够肥美, 好食!3.虾天妇罗, 炸角 4.炸雪糕 – 店员最后介绍我地食既特色甜品, 但食落冇乜特别, 未做到皮脆内软滑的水准, 但都可一试.加多罐Zero, 整体味觉都好满意, 唯独系冇冷气同开放厨房比较热同大烟, 但要感受街头小食风味, 都值得黎呢间”名星”开既”小厨”.
继续阅读