一口齊 (已搬遷) 新店位置

上次吃了格仔餅, 今次就試試一口齊的其他小食。要了魚蓉燒賣和咖哩魚蛋各一串, 單買每串是 $6 的, 我還以為要付 $12, 後來女店主告訴我原來有孖寶的組合, 選兩款小食只售 $8。 看見旁人立食的高超技術, 自問學不來, 都是快速拿回家吃。可能咖哩汁流失了在紙袋裡的關係, 所以魚蛋其實沒有沾上什麼咖哩汁, 也就不算太辣, 如果魚蛋是泡在咖哩汁內賣 (之後再加汁!) 會入味很多的。燒賣就加了豉油, 調得幾好味, 鹹甜有度, 燒賣本身卻沒有什麼特別之處。今次姑且暫時收起笑臉, 下次都是吃格仔餅比較穩陣。

其實之前見咁多好評, 都係一心唸住去食野 $ 11 底格仔, 當然點了我最愛既紅豆 即叫即整, 第了約7分鐘 熱辣辣唸住無走雞一定好味 格仔餅本身無問題的也夠脆口點知主角紅豆先係失敗紅豆好死甜 (好假味), 紅豆係一pet pet 咁, 無粒粒咬口連我咁鐘意紅豆食左倆口都唔想食 食完後同自己講要係X'mas 自己整紅豆Pancake 一定好味過佢既 100 倍

成3個月無食紅豆 番到黎香港就梗係有咁多食咁多啦外國又無格仔餅e樣野 咁就催使我黎左一口齊紅豆格仔餅去到好似開左檔無耐 爐都未熱 所以都等得幾耐電爐叮一聲 老板就'剝'塊餅上隻碟到繼後塗上紅豆醬 完成拎上手時仲熱烘烘 即刻咬一口 唔脆同好腍之後我吹凍佢兼俾佢涼下邊邊就kaka聲咁脆lu~紅豆醬太甜(人造甜) 而且唔似之前食家地話咁多料亦未見一粒粒紅豆食食下發現個餅應該加入粘米粉sth like that因此食落去'煙un' 同平時的格仔餅不一樣to conclude, 食一次就夠啦

　　對於極少到訪香港島的我，從銅鑼灣出發尋找一口齊實在不是易事。幸得朋友協助，終於確認到自己的位置。原來都好容易搵到，皆因從天后到北角都只有一條直直的英皇道，電廠街在北角地鐵站與鰂魚埇地鐵站之間，但偏近鰂魚埇。基本上從上環方向坐電車一見到鰂魚埇地鐵站之後一站落車行兩分鐘就見到。希望可以方便各位食客。　　這小店賣格仔餅、雞蛋仔、串燒和魚蛋燒賣等小食。我食了紅豆格仔餅同栗子蓉格仔餅。我覺得栗子不太合口味，相反我特別鐘情於紅豆格仔餅。在這兒還得特別感謝不眠王子呢！他說得沒錯，原味格仔餅實在遠不及紅豆！　　味道是無話可說的。服務也值得一讚，負責整餅同燒雞蛋仔的大哥哥遠看好似有些嚴肅(?)，其實是十分專注於每一種食物上，而且望著顧客就會露出笑容，十分有禮貌！　　環境衛生與小店無關，只是因為那條街道的清潔程度實在一般。

朋友介紹過,行開黎北角同屋企人分別買左紅豆格仔餅 有點像在吃"銅鑼燒",用料很多,但略甜原味格仔餅 不知道是什麼原因要用一層膠包住,食到後面因為醬都漏出來黏住張膠,想拿塊格仔餅出黎整到成隻手都係醬,但比較特別的是花生醬是有花生粒的那種,用料比其他店多個人還是比較喜歡"北角雞蛋仔"的格仔餅那種厚身及脆脆的感覺

在網上見到有人讚呢度既格仔餅又特別又好味，既然咁近學校，放完學當然黎食個tea。由於食物好服務好，所以連續2星期都黎。第1次:格仔餅(栗子+紅豆)蝦腸+魚蛋格仔餅外脆內軟，肉質飽滿，同街外既完全唔同，飽肚程度真係可以當正餐。因為上網見到叫雙併，而且都膽粗粗叫，可能果陣都係剛剛開，無咩人會有咁既要求，所以老闆當時都呆左一呆，好彩最後都肯俾!! 服務滿分!!紅豆同栗子，即使我呢個栗子怪都要承認紅豆係好味d夾d。兩款餡料都勁多，好似唔駛錢，厚厚的一層。紅豆餡唔係平時食果d只係一pat pat泥狀物體，入面都有原粒紅豆，讚!!栗子味雖然無紅豆咁出，不過都好滑蝦腸+魚蛋因為格仔餅太好味，所以完全比下去，但其實同街外比既話已經幾好另外買兩款平多幾蚊，好抵食第2次:格仔餅(原味)格仔餅(吉士)原味略嫌唔夠牛油味(講明我係牛油怪先!!)老闆好細心，因為原味既煉奶成日都會流落紙袋，搞到個袋油淋淋，所以會先用張膠包住，不過係膠袋既話會仲好(可能本來係個膠袋，但爛左先會變左一張膠)，因為食食下，張膠都整埋一舊，煉奶依舊流落袋。吉士格仔餅唔合我心意，唔夠甜，覺得好淡

本身去城市花園個面拎影印咁岩拎完經過有d肚餓同朋友k一人買左一份格仔餅唔食都冇乜野一食就大件事真係好好食!佢個種唔係一般淋滋滋既格仔餅而係似窩夫 面有d脆身既格仔餅我本身叫紅豆栗子mix,個老板話咁樣個味道唔太夾,仲介紹我紅豆吉士mix佢好nice!! 講返個餅依家係邊食都至少8蚊件我本來都覺得一件夾餅成$11但食完之後佢真係值!佢d紅豆餡多到令我覺得唔駛錢咁(掛住食 唔記得影相)下次會試埋佢個傳統口味既格仔餅同雞蛋仔若果老板出榛子餡應該都會好正 **

早就見過貴網對這裡有不少好評, 店家也在雜誌打過廣告, 但每次經過這兒的時候, 不是早已吃了東西, 就是店子未開門, 是以開店數月也未嘗一訪。這天, 終於的起心肝, 來買大人氣的格仔餅! 原味格仔餅 $10 一件, 但有餡料的才較有特色嘛, 便要了紅豆格仔餅 ($11)。格仔餅即叫即製, 看著店主用心地製作, 不久一陣誘人香味飄來, 他再把烤好了的餅移到碟子上, 塗上厚厚的紅豆醬, 再夾起, 便完成了! 為了顧全形象, 不好在街邊吃了, 快快拿回家裡消滅之。格仔餅本身開始有點發軟, 應是先裝在紙袋內再外加膠袋之故, 而且有少許泛油, 不過美味的食物總是不健康的嘿嘿 ~~~ 餅身仍是暖的, 金黃香軟, 果然不俗。裡頭紅豆醬很是澎湃, 有紅豆沙狀的也混有原粒紅豆, 就很令人滿足。點了紅豆夾餅之後才留意到, 原來有一款新出的栗子花生醬格仔餅, 想是挺有秋日風味的。另一款推介食品原來是咖哩魚蛋, 下次又試下先。

其實己惠顧這店舖三次了~第一次看完其他食評後，回家時提早下車一個站，結果不難找到"一口齊"當天只買了一個紅豆格仔餅，等了很久才有得吃...但好食的東西等一等也值得的！視覺和味覺也非常好多紅豆！皮脆！不像街邊的格仔餅，值得一試！第二次吃完晚飯後去試了普通的那種格仔餅和魚蛋，一樣是好吃！格仔餅足料，料多到溜....同樣是皮脆+沒有甜到溜的感覺！而老闆好細心，有用透明膠袋包好再放入紙袋裡，值得一讚但同樣也是要等, haha魚蛋彈牙，汁也不錯~第三次，朋友外賣紅豆格仔餅給我，um...由於時間關係，皮沒有第一次那麼脆所以想吃好東西，還是親身去買比較好。

吃得太多，有時會出現漏網之魚，前排到北角吃泰爽甜後，曾順道到附近的一口齊以格仔餅作飯後甜品，卻一直忘了寫這個食評，實在有點大頭蝦。一口齊位置不難找，位於北角城市花園對面的橫街，小店應是家庭式經營。格仔餅是這裡的招牌，除原味外，也加入紅豆、瑞士栗子茸醬及吉士醬的創意款式，在固有選擇加添新元素，有點像紅磡的媽咪雞蛋仔，值得支持，就要了一個吉士醬格仔餅 ($11) 試試。食物即叫即製的，拿上手新鮮熱辣，咬下卻發覺口感與平常吃到的有頗大分別，一口齊的餅皮煙韌非常，烤得不算脆口，但又有另一番風味，的確有點驚喜。只可惜吉士醬的味道與格仔餅始終不太協調，影響了整體發揮，有機會定試試其原味的味道，應該會更好吧！勁愛窩夫! I Love Waffles!http://www.facebook.com/group.php?gid=142587759858

呢間小店以雞蛋仔同格仔餅為主打，格仔餅仲要係邊脆心軟，花生醬有好多花生粒，增加口感，哇!!!正!!!!為迎合更多人喜歡不同口味，亦有其它配料供選擇。雞蛋仔入口鬆軟彈牙，皮就夠脆！加上咖哩魚蛋....咖哩味夠,魚蛋鬆軟可口!!!仲有各類串燒同小食，我就食到唔停得口嘞，唔知你又會點呢???大家不妨去試吓啦!!!

　我曾經食過它們很多吾同味道的格仔餅本人喜愛紅豆味又多又濃襯埋好夠蛋味的餅 好味，有次因為餅蛋味好香所以買了一個淨餅回家叮番熱放咗啲。HaagenDazs. 雪 糕上去好味到真係要try try

I have tried a lot of 雞蛋仔and夾餅 in North Point, But I Found it is very delivious in this "MOUTHFULL. It contains a lot of nice egg smell and the quality is very good. Especially the 夾餅 mixed with 紅豆. It really fantastic! Now, I buy either 雞蛋仔 or 紅豆夾餅 everyday, otherwise, I will feel something missing. Go to try!

今日Tigger & Pooh黎北角，順帶去搵一搵家姐既朋友，見佢去左小食店，幫襯下喱。買左curry魚蛋味辣得好正；腸粉都幾滑；燒賣就一般喇！重有我最like既夾餅，走花生醬，係坐巴士番屋企途中先食，所以就無咁香脆，但好香蛋味喱！ 由於掛住食夾餅，都唔記得拍照添！

三月十三‧陰天 新店食評三連擊﹝一﹞市道差，但開張的新店卻未停過，這裡是一間新開的小食店。剛好有點餓，就看看有什麼好吃的。這裡有幾款「必食推介」，排首位的正是格仔餅，在好幾款味道中，就要了個紅豆格仔餅試試。 即叫即製，所以也要等上一等的。格仔餅拿上手是燙得可以，也因為真的是太燙了，吃起來不太脆，有點稔身。始終做這一類烙蛋餅的，做好要歇一會，待其涼一點才吃，才會脆口。紅豆蓉很香甜，也夠多，格仔餅蛋味香，配合起來不錯的，絕對不遜於傳統的下糖及練奶的。 不要看這小店，服務甚好的，始終小店也以服務取勝。 11蚊一底格仔餅，不便宜，但也算是好吃。