影片
港铁朗屏站 E 出口, 步行约7分钟
继续阅读
电话号码
92606353 (WhatsApp)
营业时间
今日营业
11:00 - 20:00
星期一至日
11:00 - 20:00
公众假期
11:00 - 20:00
公众假期前夕
11:00 - 20:00
以上资料只供参考，请与餐厅确认详情
野食係ok既，都第二次叫。佢送貨時間寫4-8，咁因為屋企人要番屋企，所以都有註明希望7點前到，其實自問都唔過分，7點幾到我都ok。 都最後一問再問下，8點先到 。我明你寫左4-8 咁你確實做到，但只係完全0理顧客需求，冇話做錯，只係唔加分，唔friendly咁。最後仲要發現原來佢都call gogovan 所以大家可以再考慮下有冇其他更好選擇先
继续阅读
又嚟介紹特色燒肉喇🍖！相信大家都會試過好想食好嘢，但係又完全唔想落街🫠，我嗰日就正正面對着呢個情況🥹。今次想同大家介紹嘅係一間提供板燒燒肉外送服務嘅網店❤️，呢間網店嘅服務絕對適合晒想食好嘢嘅懶人🤤。足不出戶就已經可以享受到唔同嘅美食😬，而我嗰日都食得好豐富㗎🫡。想知我嗰日食咗咩嘅，就一定要繼續睇落去～嗰日我就食咗佢嘅殿堂級四人板燒套餐-SET C😍，啱晒同屋企人又或者同朋友食🫶🏻。所有嘅食材都用咗真空包裝，完全夠晒衛生🤩。而家就等我介紹吓呢個套餐一個包括咗啲咩啦✨。食物方面☝🏻#SRF極黑和牛牛頸脊 200G SRF極黑和牛結合咗日本和牛嘅細緻油花同埋美國黑安格斯牛嘅濃郁肉味🥰。食落鮮嫩多汁😚，佢除咗保留黑安格斯牛嘅強烈風味🐃，都仲有和牛滑嫩嘅油花，就咁睇賣相都見到油花均勻分佈😇。#日本A4黑毛和牛前腿肉薄片 200GA4黑毛和牛嘅油脂分布真係唔係講笑☺️，淨係睇埋相已經見到有幾高質素😋。另外因為前腿肉嘅肌肉比較發達，所以佢嘅筋膜亦都會比其他部位嘅多，呢個都係佢嘅特色之一嚟㗎🫡。燒完之後食，真係可以品嚐到A4黑毛和牛獨有嘅鮮味🤩。#澳洲香草羊架 400G由於本身已經用咗香草調味，所以直接拎羊架燒已經可以品嚐到佢嘅鮮味🫶🏻 。燒完之後嘅羊架特別惹味🐑，羊肉味真係好重👾，食完之後口腔仍然彌留住羊嘅香味😬。#美國安格斯牛小排 200G牛小排可以話係美國安格斯最精華嘅部位之一🫢， 燒過之後嘅肉質鮮美滑嫩，而且油花分布均勻，絕對係頂級嘅享受🫣。鮮嫩多汁嘅肉質，搭配豐富嘅大理石花紋，見到都已經食指大動😬。相信無論你選擇幾多成熟，一樣可以滿足你嘅口感😎。#日式照燒雞腿肉 200G 已經去咗骨嘅雞腿肉真係啱晒我呢啲懶人😍，雞腿肉夠晒大塊，肉質都好嫩滑😚。另外照燒汁嘅加持之下，令到我越食越開胃🤣。#韓式辣醬五花肉 200G 跟住就想介紹五花肉😋，首先要介紹嘅就係辣醬五花肉🌶️。我幾欣賞五花肉嘅肉質夠紮實，而且厚度十足，完全唔係薄切🥹。辣醬同樣令到五花肉變得更開胃！#鹽醬五花肉 200G套餐五花肉嘅質素不在話下❤️，呢份鹽醬五花肉只係用咗基本嘅調味🐖，就已經帶出五花肉嘅鮮味✨，都反映咗五花肉嘅質素有幾咁高！#匈牙利鵝肝180G相信大家都知道匈牙利嘅鵝肝真係出晒名🫶🏻。今次係我第一次食燒嘅匈牙利鵝肝😋。包裝非常之貼心，為咗預防鵝肝會癡底，所以餐廳仲提供左一包生粉㗎😚，超級體貼。首先我會建議燒封鵝肝嘅表面🦢，可以鎖緊鵝肝嘅肉汁🤤。然後你就會品嚐到鵝肝獨有嘅香味，入口即溶、鮮嫩味美、細緻綿密、豐美多汁、油脂豐富，真係一大享受！#磯燒飽魚4隻帶有濃郁嘅鮑魚鮮味✨，而且鮑魚食落都好軟嫩，口感相當豐富！#日式蝦肉釀蟹蓋 6隻利用彈牙嘅蝦肉🦐，釀入香濃嘅蟹蓋🦀，可以話係將兩款海鮮嘅鮮味混合在內。另外再加埋其他調味，喺味道上嘅層次都有所提升🫶🏻，絕對係驚喜之作！👉🏻以上就係我嗰日燒嘅肉啦❤️，但係餐廳提供嘅嘢點止咁少🫢。餐廳另外仲提供左兩個蔬菜盛盒🥬，當中包括咗洋蔥圈、翠玉瓜、精選菇類、生菜同埋泡菜😋，可以中和燒肉帶嚟嘅油膩感😍。喺調味料方面，餐廳同樣有誠意㗎🫡。當中包括咗牛油、自家燒汁、岩鹽、椒鹽同埋黑椒。完全唔需要自己額外準備！唔止咁樣㗎，就連燒爐具都一樣有懶人包🤣。當中包括鐵板燒爐(大)、燃料4個、滅火蓋、火槍、牛油紙、隔熱夾、食物夾、剪刀、油掃、筷子、碗、枱布。真係夠晒體貼🙏🏻。評分以🌕表示（滿分為5）賣相：🌕🌕🌕🌕🌕味道：🌕🌕🌕🌕🌕
继续阅读
夜晚想食燒肉，但又唔想出街食～於是叫咗「一居」的外賣燒肉套餐😋😋套餐內容豐富，有齊牛肉、豚肉、雞肉、海鮮同蔬菜！仲有專人送上屋企🚛，真係啱哂我呢種懶人❤️❤️-🍱四人板燒套餐 - SET A✨肉類方面，包括有安格斯牛肉眼、安格斯牛西冷、安格斯牛肩胛、安格斯一口牛、日本黑豚梅頭片、燒汁雞腿肉、鹽醬五花肉同韓式辣醬五花肉～～全部味道都唔錯，我就最鍾意安格斯牛肩胛🐮！！牛肩胛大大片，紋理好靚！而且肉質軟腍、重牛味，啖啖油脂香🤤🤤海鮮就有磯燒鮑魚(4隻)同北海道珍寶帆立貝(4粒)～兩者處理得都好乾淨，口感爽彈鮮甜👍🏻👍🏻套餐仲包蔬菜盛合🥬同調味料🧂～～蔬菜有洋蔥圈、翠玉瓜、精選菇類、生菜同泡菜，有菜有肉先夠健康😆😆另外，我仲加購咗鐵板燒爐具懶人包🔥！包括有鐵板燒爐、燃料、滅火蓋、火槍、牛油紙、隔熱夾、食物夾等，用具齊全～～而且大部分都可以重用，以後喺屋企燒肉都好方便😎😎
继续阅读
#eatgood_元朗一居係2019年成立，全港首創鐵板燒懶人包外送，食材連爐具、餐具、工具及調味料送到府上主打零準備、免洗碗、食材真空包裝！無論係開party，等邀請朋友上嚟食，一家人自私食都好啱！懶得買懶得煮懶得出街食，就諗住叫鐵板燒試下，呢間鐵板燒真係好高質，推薦俾大家！🚗送貨服務基本送貨服務 (早一日以上訂購) 購物滿$400免運費元朗自取點 (每日17:00截單)即日送貨服務 (每日15:00截單) 購物滿$800免運費指定時間送貨(早一日以上訂購)購物滿$1500免運費🍴殿堂級四人板燒套餐 - SET C $1028燒爐具懶人包 $80
鐵板燒爐(大)、燃料4個、滅火蓋、火槍、牛油紙、隔熱夾
食物夾、剪刀、油掃、筷子、碗、枱布SRF極黑和牛牛頸脊 200G 油脂豐富，食落去好滑，有肉香。日本A4黑毛和牛前腿肉薄片 200G食落去有肉香，肥瘦適中，唔會太油膩。澳洲香草羊架 400G有六件，讓肉好嫩，有羊味美國安格斯牛小排 200G牛扒好軟腍，有牛味，好好食！日式照燒雞腿肉 200G 雞腿肉都好嫩滑，OK嘅！韓式辣醬豚腩肉 200G 甜甜辣辣，食落一啲都唔辣嘅，好食過原味！鹽醬豚腩肉 200G五花腩肥瘦適中，肉比較淡味，不過包生菜真係加埋泡菜就得一流啦！匈牙利鵝肝180G好厚身，超級香濃，油脂豐富，勁好食！磯燒飽魚4隻鮑魚爽口彈牙，甜甜哋好開胃！日式蝦肉釀蟹蓋 6隻入邊係蟹肉，蘿蔔同埋蔥花，識落都係有蟹味，清清淡淡，OK嘅！蔬菜盛盒 2個洋蔥圈、翠玉瓜、精選菇類、生菜、泡菜調味料牛油、自家燒汁、岩鹽、椒鹽、黑椒兩個推薦指數: 8/10真係超級方便，送埋上門，包裝得好好又好細心，基本上屋企冇任何物資都可以好方便食到，食材仲要新鮮又有質素保證，食得開心又放心，想喺屋企享受鐵板燒一定要叫呢一間！@yatkuii 📍一居 食物工場元朗嘉華工業大廈8樓19室#香港美食 #hkfoodie #食好西 #hkig #hkeat #hkfood #food #tasty #外送 #鐵板燒
继续阅读
前幾日放假唔想煮飯，叫咗個鐵板燒套餐喺屋企食。🔖《四人和牛燒肉套餐》$1388，有和牛、豚肉、海鮮同蔬菜。全部和牛都係日本🇯🇵A4 嘅級數，啲和牛紋理好多同好靚，油脂分布都好均勻。好嫩滑，勁 juicy入口即溶!! 一個套餐可以食到和牛唔同嘅部位，肉眼扒同西冷更加冇得輸！帶子亦都好大粒，加埋蒜蓉同牛油落去燒一流😋 鮑魚亦都醃得好好味，稍為燒一燒就食得！蔬菜盒入面有生菜、大髀菇、翠玉瓜同洋蔥，不得不提生菜同翠玉瓜好新鮮！！估唔到外送嘅質素可以咁高，翠玉瓜好爽口。大髀菇厚薄適中👍🏻👍🏻 加埋牛油同蒜蓉一齊燒🤤🤤調味料🍶亦都值得一提！入面有蒜香醬油、估唔到仲有韓式泡菜😍 可以夾埋啲肉同埋生菜加埋一齊食～另有一番風味 🇰🇷！仲有其他岩鹽、椒鹽同黑椒，非常齊全，冇得輸！第一次喺屋企食鐵板燒，食完周圍都冇乜好多油煙味，啲嘢食又好快燒熟，真係好方便！.🥘食物包括：日本A4黑和牛肩胛燒肉片 150g日本A4黑和牛後腿肉薄片 150g西冷、梅頭、五花腩 各 200g日本A4黑和牛肉眼扒 250g日本A4黑和牛西冷扒 250g北海道帆立貝 x4、磯燒鮑魚 x4、蔬菜盛盒 x2調味料包🍽食具：板燒爐具 (+$88)有齊好多鐵板燒嘅用具，真係好方便，洗乾淨之後下次又可以再用，今次食咗兩個幾鐘都係用咗一個燃料。.總結：方便、懶人、衛生、設備齊全👏🏻
继续阅读