一幻拉麵

营业中

休息中

海港城 商場優惠有$100送$50 變相一幻拉麵真係唔食吾得 一個拉麵六十零蚊到香港都好難做到.某啲位置仲有海景枱對住過海食拉麵都幾寫意座位非常寬躺，位置有多唔使點排隊.湯底整體上鍾意食得重口味嘅朋友應該都唔會覺得去差. 個蝦味好出，唔知佢用咗幾多蝦殻到做個湯底👍好香嘅蝦味加埋味噌， 怕鹹嘅醬油湯底應該會晏啲冇味精咁鹹.我覺得冇得輸我指嘅係CP值. 但係佢最大嘅問題係個面口感都冇問題. 最嚴重嘅係佢浸鹼水味完全影響晒個面嘅質素.

一幻拉麵近年出曬名, 今次特登去左尖沙咀嘅一幻try try。今次order左蝦湯拉麵湯底。整體黎講, 成個拉麵都好夾,首先拉麵嘅麵身質素唔錯,夠彈牙。其次叉燒嘅肉質嫩滑,味道濃郁,好適合一d叉燒愛好者。至於湯底方面, 今次嘅湯底係蝦湯,所採用嘅蝦係上等蝦,蝦味好足。除左拉麵之外,我仲特登試左傳說中嘅餃子放題。由於客人太多, 餃子基本上係即叫即整,熱度十足。餃子亦算係皮薄餡靚, 我自己就try左30隻。整體黎講,一幻拉麵質素高, 值得拉麵愛好者去try try。

海老青瓜漬非常好，青瓜沒有怪味（這點非常重要）、海老新鮮彈牙、醬汁開胃惹味。沙律🥗比較普通，是我不喜歡的類型，櫻花蝦還好。飯團太濕，飯質不好，味道也差，紫菜更是軟淋的。餃子乾硬、沒有汁，味道像便利店的微波即食食品。由於我倆都不喜歡粗麪，所以拉麪都選擇了幼麪，但想不到這裏的幼麪竟然幼得跟天使麪一樣，感覺十分奇怪。原味的湯底味道太淡，辛辣味噌湯還好，但配料的雞髀菇及蒜蓉都十分美味，蒜蓉更可以任加。飲品不夠凍，可取之處是用日本貨。

有得用海港城coupon，2個拉麵加一份餃子，埋單都只係$121，真係好抵食～招牌蝦湯面湯底一直都keep到水準，好香濃既蝦味正呀～不過啲叉燒又薄又咩無味，失色了～蕃茄蝦湯拉面味道ok既，但唔好期望太大既蕃茄味～應該係因為蝦湯底味道太濃，所以蓋過哂其他既味！餃子皮薄餡靚，必食之選

又係因為有海港城嘅coupon, 所以特別去一幻食拉麵.6:00幾去到唔使等位.店員好醒目立即問係咪用coupon. 之後佢地好好, 知道唔夠數仲幫我地夾好個價錢,將D coupon用到盡.點了兩碗原味拉麵.  其中一碗加底. 另加了3片叉燒,  唐心蛋, 兩客餃子.兩碗拉麵(鹽味)湯底十分濃郁並且非常熱!! 湯面上有一堆粉紅色的醬料, 應該是蝦子精華.麵份量非常多, 不大食女生建議要75%麵量都足夠.叉燒/糖心蛋不過不失. 唔算特別突出.加麵底果碗, 因為份量多左而且湯量不變, 所以成碗麵味道溝淡左好多.就算狂加調味粉,大蒜都依然淡而無味. 店員說可以免費加清湯, 清湯同滾水無異. 加了之後味道淡上加淡, 實在可惜.強烈建議不要加麵量. 會令整碗麵大打節扣.餃子$35 有5隻都幾抵食. 肉量比其他日式餃子店多. 整體來講, 海港城呢個價錢算係好公道,套餐仲抵, 不過唔可以用coupon.不要加麵量!!! 湯熱時味道不錯, 但一唔夠熱就有點滯同頂胃.

突然諗起好耐冇一齊食日本嘢😁，就去咗出名咗好耐嘅一幻拉麵🍜～位於海港城嘅一幻拉麵可以睇到維港海景，可能平時人流多嘅關係，係唔接受BOOK枱🙅🏻！ 我地平日去大概等15分鐘，如果大家想食嘅話記得預留少少時間排隊啦~🌻特濃蝦汁伴麵🍜 (粗麵) HKD 88 💵我地第一樣叫嘅麵就係特濃蝦汁伴麵啦🍜 ~ 雖然本身比較少食伴麵，但見到佢係香港限定就被佢吸引到😍～ 麵底係無得選擇，只有粗麵～ 雖然得少量湯底，但食落去唔會太乾，對比起幼麵較有咬口😬而配料就比蝦湯拉麵🦐(圖二)多咗啲紫菜絲，撈埋少量蝦湯之後好重蝦味，但味道會較蝦湯拉麵清淡，唔會有太鹹而唔舒服嘅感覺😎。叉燒粒好香口，較蝦湯拉麵嘅叉燒味濃，但肥叉燒較多😖🌻招牌蝦湯拉麵🦐 (湯底-原味； 調味-鹽味； 幼麵) HKD 88 💵嚟之前已經聽聞一幻拉麵嘅招牌蝦湯好出名🙆🏻‍♀️，我地一坐底就毫不猶豫叫咗個招牌蝦湯拉麵啦🦐 (圖二)~ 上麵嘅速度好快，麵主要配上叉燒而配料有蝦乾及蔥，蝦乾睇落平平無奇但咬落去意外地脆同重蝦味😋，一飲湯底有極重蝦及蝦膏嘅味道，不過食得耐會覺得湯底過鹹，而且較為油膩😰，平時食得比較清淡嘅朋友要注意啦～ 除咗湯底同調味，麵

時間：5：00 pm人數：2人事發經過：現場不多於十名食客職員人數與客人人數相約只是簡單要求過想坐海景，剛好見到已經有人離開，有禮貌地詢問其中一位戴耳機嘅職員，可否坐海景位置，欣賞海景食拉麵。一句唔可以…！沒有多作解釋令我感到非常不滿之後還聽到他跟其他同事竊竊私語嘲諷客人，一句不可以！不多作解釋已經沒有禮貌，還要在客人背後做如此小動作廚師有幾好心機，幾好食，都食到背脊骨落心情唔好或者面臨其他事，冇可能遷怒於客人，如果個場好多人好爆，我亦都唔會提出無理要求！最可惜嘅係現場各位職員都係唔係太忙，由於顧客唔多，人手亦充足。時間人數人手全部都係可以好鬆動，門外亦沒有其他排隊進入嘅顧客，其他顧客都係直行直過，更令人髮指直行直過嘅客人直接坐低喺海景位置，職員也完全沒有反應還馬上招待！！！大家如果好想畀人冇禮貌咁對待，食完背脊骨落貼錢買難受！請多多光顧尖沙咀一幻分店，包你一定一試難忘

今晚終於一試一幻拉麵，基本上每次經過都有人排隊，今日都不例外，但見時唔多人排就試下同平時拉麵店一樣，唔會話有好多選擇，一入到去已經嗅到好香蝦味我同友人一齊都點咗辛辣味噌蝦湯拉麵(走蔥+走麵酥)，另外再加了一份叉燒同餃子🥟餃子係最快上，應該一早整好的首先就係唔熱，其次就係唔脆，裡面啲餡亦唔飽滿，唔難食但亦唔係好食，可以唔叫主角拉麵口感唔錯，每一口都有蝦味，而且比起其他拉麵店，佢哋嘅份量係幾多湯底好濃郁但又唔會鹹，好正每碗都配有半隻糖心蛋，普通冇乜特別，至於叉燒就幾好，肥瘦適中，一啲都唔油膩整體黎講都幾好食，下次會再黎，拉麵好味，坐得亦舒服，埋單一共$343，價錢合理

好耐無食過拉麵喇！呢日蜜桃小丸子心血來潮嚟到海港城食一幻，唔係繁忙時間嚟，唔使點等就有位。不過本身係坐bar枱，但之後附近有好坐啲嘅卡位，服務員姐姐都好好人咁幫我地調過去，抵讚！叫咗個招牌拉麵，熱辣辣即叫即製，一飲啖湯就知到不得了！蝦味又香又濃又鮮，配埋幼麵、香蔥、脆粒食，每一條索哂汁嘅拉麵都令你忍唔住食完一啖又一啖，口感豐富又惹味。叉燒肥瘦適中，識食嘅都知有啲肥肉係香好多，同埋麵湯一齊食幸福感非常！雖然已經好耐無食，但高水準仍能維持，值得一讚👏🏻👏🏻

呢到嘅招牌菜係蝦湯拉麵，濃厚嘅蝦湯可以配搭鹽味/味噌+幼麵/粗麵，今次我就揀咗鹽味蝦湯拉麵，仲額外加咗一隻糖心蛋添🤤🤤🤤🦐招牌蝦湯拉麵呢個蝦湯拉麵湯底超級重蝦味，但同時比較油膩，細食嘅朋友千祈唔好貪心叫小食（又或者將啲麵分比你嘅朋友仔🤭 ）👌🏻如果怕油膩嘅朋友，可以叫佢個香港限定嘅蝦汁撈麵（個人比較鐘意撈麵，只係當日心血來潮想食熱湯）🫶🏻 蝦湯上面加上特製嘅炸紫薑碎，配埋掛汁嘅拉麵🍜真係飽住都繼續想食埋佢🤤

難得放假 但3號風球 仲要落左成日大雨🫠同朋友出咗尖沙咀行街，掛住個濃蝦湯 諗都唔使諗 即刻入去order😍一幻真係從來冇令人失望( ̀⌄ ́)Order左：🦐 蝦湯拉麵 原味(全蝦湯) 💰$88真係超濃超香 中意蝦膏味嘅朋友 must try !! 麵條揀左幼麵，個人覺得煮得岩岩好🥰因為試過有啲拉麵舖可能會煮得太淋，但一幻食左好多次都仍然係👍👍水準😙今日好彩 唔洗等位就有得食♪(´ε｀ ) 仲有得對住個海食🤓下次再嚟過~~ 🌟！* 另收10%服務費😊人均消費💰：$100-120- 性價比：3.5/5- 服務：3/5- 味道：4/5- 環境：4/5- 衛生：3.5/5

一幻呢個蝦湯拉麵都算係其中一款對我嚟講一試難忘嘅！首先本身鍾意食蝦，然後呢個濃蝦湯好鮮甜，好濃味好掛湯！重要食完又唔會覺得好口渴，推介～～～上次食仲有$99套餐，有一碗麵，一個小食，同一罐可樂，都叫做幾抵🤣 碗麵仲有玉子，超級滿意🥰🥰

日本過江龍北海道的一幻拉麵🍜🍜🍜🍜疫情下去尖沙咀總繿店，全港首間進駐一幻拉麵於尖沙咀，除了尖沙咀之後還有其他分店共有五間分店。第五間分店是荃灣將會在七月先登場。 接下來是尖沙咀的環境好又乾淨，中午時排隊比較快等候的時間，大約十分鐘左右排隊先可以進入餐廳。如果在公眾假期會人多排長龍很長的時間等候大約四十五分鐘或者五十分鐘以上。另外，這間餐廳推薦招牌蝦湯拉麵🍜，招牌蝦湯拉麵味道不錯比較濃厚的湯底。但是小食的方面不多及不同飲品。服務態度一般。

出到尖沙咀都3點幾，輕輕食個拉麵當午餐啦，點知都要排陣隊👍叫左個個蝦湯拉麵，要左少許豬骨湯，再加左個餃子🥟餃子煎得好香口，一口一粒，點埋餃子汁，酸酸地咁，解膩得黎重愈食愈開胃😋蝦湯拉麵🍜第一啖梗係歎左香濃嘅湯汁先，再吃一口麵，正！2片薄薄嘅叉燒略嫌太肥，味道亦偏淡，可能湯底太濃搶左叉燒嘅味道。流心蛋過熟，蛋白未夠入味，相對失色。一幻最主要都係飲個蝦湯啫，麵就無得揀軟硬度，不過都算唔錯😋簡簡單單又解決一餐。

我屋企人好鍾意食呢一間嘅拉麵，佢就覺得個麵非常好食，而且$99有前菜又有飲品，好抵食！個前菜揀咗雲耳，份量比想像中多，係酸嘅，味道OK ！我自己就鍾意食飯團，如果女仔食唔多，叫一個飯團，只係$20 ，都好抵食。今次追加左$10嘅糖心蛋，偏鹹，味道一般，我比較鍾意食少少甜嘅糖心蛋。環境方面，去咗兩次都係坐二人卡位，私隱度高，兩個人坐喺度傾偈都幾舒服㗎。如果坐高櫈，仲可以望到海景添，呢個價錢如果已經可以睇海景好正。不過我未坐過，只係就咁望都覺得好靚。