一樂燒鵝

营业中

休息中

因為中秋節晚飯，所以去一樂燒鵝買一隻$740 的燒鵝加餸。但員工服務態度差劣到極點。由電話查詢開始，員工不想回答任何問題，到舖買外賣，員工不只黑面，語氣凶悪，真係明白點解咁多人都話香港餐廳服務差。正當等待外賣時，有外面客人不小心弄弄瀉一大瓶酸梅醬。老闆娘不是問下有冇客人需要濕紙巾抹鞋，只是破口大駡誰弄瀉，要負責$2xx 的一大瓶酸梅醬。我及門口幾位客人的鞋巳經弄到好多酸梅醬。心巳經覺得好氣忿，但只好自己立即用濕紙巾抹乾淨。根本他們這樣存放物品於門外巳是阻街。但完全沒有感到自己有錯，反而責駡客人。為何網上推介，也放棄繼續以服務對客？可能因吾休做。但去消費一間不便宜，又不舒適的餐廳。換來只是悪言及不禮貌對待。換來一肚氣。😡另外，食物也巳不及當年，肉又乾，皮又不脆。😞

冇比較就冇傷害！呢度啲所謂燒鵝 真係真係真係⋯不外如是！唔計中國內地，淨係香港都有好多間燒鵝好食過呢度！佢呢間 除咗係夠熱同埋外皮少少脆之外，味道及肉質口感全是欠奉！叉燒更是不值一提！只有脆皮燒腩仔可以接受⋯⋯啲員工更加是不知所謂！點餐嘅時候 回覆態度極差，對食客極唔友善，客人食飽後抹嘴期間，立即收碗碟 用英文講Finish⋯ finish⋯及用手勢叫客人走！唔知以為啲客人嚟向佢哋乞食！餐廳環境亦是不值一提，座位擠迫到一個點⋯⋯點解咁多人排隊？！唯一解釋就係⋯明星效應、賣高價 充極品、開鋪地點店 充高尚、網上宣傳⋯⋯

話說之前食波記，個傻仔同事被伙記串親，同事就話以後唔去，之後我叫食波記佢都話做人要有骨氣。所以周圍再搵吓有冇正嘅燒臘檔。以前一樂我好鍾意，之後開番就真係一”樂”千丈，過咗一排我又好似失憶咁唔記得晒，番去幾次都失望，所以今次特登寫低佢。今次又再今我失望。唔明點解咁多人排隊，燒鵝一般，員工又唔友善。叫咗個鵝髀半肥瘦叉燒瀨粉+燒鵝叉燒飯外賣。冇比瀬粉比錯飯，好似怪我咁。啲燒臘睇相就知一般，燒鵝都可能比較正常，但係啲半肥瘦叉燒真係唔知食咗咩，接近垃圾級別。加埋個菜盛惠$285。

到店時間為星期四傍晚六點，入座率8成左右，不需要等位。環境比我想像中大，不過座位有些逼。接待的是中年男士店員，態度不錯（對遊客如是），只是有幾個中年大嬸店員大聲說話，但態度不算差。觀察了店內的顧客，三分一是本地人，其餘都是遊客，外國人、內地人、東南亞人都有，大部分都是點燒鵝飯。我點了性價比不錯的雙拼飯（油雞、燒鵝），等了大概3-4分鐘。燒味沒各位說的賣相那麼差，部位也是正常部位，至少沒有大量骨頭。燒鵝能吃到油香，肉是軟綿綿的，很好入口，油雞偏鹹，比較適合重口味的人士（例如我😂），姜蔥份量足夠，配上飯內的醬油，十分惹味，唯獨飯的份量比較少，由上桌到食完，僅僅八分鐘，所以完全沒有被催走～服務態度亦正正常常，不過不失

收工唔想煮飯，見foodpanda一樂燒鵝有折，就買外賣返屋企試吓。同老公分別叫咗個叉燒燒鵝飯同燒鵝豉油雞飯，叉燒質素正常，有少少肥肉，唔會太乾。豉油雞比較鞋，但調味OK，反而佢最出名嘅燒鵝真係好差，冇特登叫佢比胸位或者背位，就俾晒啲骨位，完全冇肉，兩份燒鵝都係一樣，特登叫佢啲燒鵝試吓，點知淨係可以食下個皮。成個飯盒份量無論燒味定飯都偏少。一人餐送個菜，蠔油菜心同腐乳通菜正常，但蠔油同腐乳偏少。食過呢次都唔想再試下次。

Terrible service and food, one of the worst in Hong Kong.My husband and I went to try during lunchtime, ordered the same dish (charsiu + chicken), the 2 looked very different and one of them the chicken was literally skin on bones with hardly any meat visible. My husband asked the waitress and got scolded with the excuse of the meat is in the charsiu therefore we shouldnt complain about the chicken, what a joke. The waitress shouts that if not happy with the food we can just get refund and leave

真的失望，因為小紅書出名了，收百幾蚊一碟普通燒鵝飯都帶著不可一世的態度，非常普通，沒有期望就不會失望，大家可以不必試，坐位也不舒服環境，非常擠迫，他們只是想你快快吃完埋單，就像是一次很差的用膳體驗😑😵‍💫🤕

Went to this resto with my friend as she was craving for siu mei..I got BBQ Pork & Crispy Pork Noodles in Soup. The bbq pork tasted sweet with the bbq sauce, and the skin of the pork was crispy. However, the portion was quite small considering its price. My friend ordered Goose Rice. The goose mainly consisted of bones and skin with little meat, and the portion was so stingy..The service at the resto was extremely poor. My friend ordered milk tea, and even before she finished her drink, the staf

大約3點去到等左十幾分鐘入座，一坐低未睇menu，阿姐已經叫左兩次食咩，語氣好不耐煩，好似我阻住晒咁，我之後叫左燒鵝下庄及叉燒飯，總價$292。環境非常細小坐得好迫。上左叉燒飯非常細碟，叉燒份量好少，肉質又瘦又柴。燒鵝好多肥膏，皮唔脆唔香，食落去成口脂肪。咁嘅水平竟然係米芝蓮一星餐廳，完全唔明白點得到，食物質素及服務都低於一般水平，建議食客都係信口碑好過信呢啲評分，遊客唔知發生咩事先會去。總結價錢貴，服務差，食物唔掂，以後都唔會再幫襯。

米芝連一星？講廣東話嗌咩就無咩，全部話賣曬，但食食下其他講普通話嘅遊客嗌就會有。叉燒垃圾，燒鵝垃圾，大家樂嘅都好食過佢。從來都未飲過咁難飲嘅檸茶。檸檬無味，茶又無味，啲啊姐態度仲要好差。覺得幾百蚊都俾唔起？一直望住我哋催人走食到勁唔舒服。

今日又係唔想出街，喺外賣平台度睇吓有啲咩食。記得之前啲同事都有去開呢一間，就叫咗個燒味飯雙拼和燒味撈麵雙拼。因為都係同另外一個同事share，所以我哋兩個人就叫咗四個餸：燒鵝、燒肉、白切雞同豉油雞。令多加薑蓉、鹹蛋。白切雞就不錯不失豉油雞，都係麻麻哋燒鵝係最好食嘅燒肉都尚算OK 最有驚喜反而係個撈麵。欣賞撈麵彈牙、好味。可能因為係Delivery嘅關係，賣相認真差。同事一開話嘩乜擺到成件垃圾咁，佢形容好似垃圾堆填區咁樣。

一家人難得回家聚餐，所以叫左一份雙拼（鵝+雞）。如果你問我好唔好食，我答唔到你… 因為將近$300嘅外賣全部都係皮包骨。大約有三四件有肉，但肉質不超過1cm厚。連相片都表達唔到這份廚餘有多麼可悲。食落口，味道係真心好味（我媽嫌太鹹），但我唸我情願食普通嘅肉都唔想食好味嘅骨頭囉。But that’s just me. 我妹打電話問佢地是否send錯單，店員*OF COURSE* 好串地高聲鬧：「你要肉，點解唔打黎同我地要多D肉呀？」然後叫我地自己同訂餐平台投訴。 所以…大家學精D，要食肉係要求人地㗎。絕對唔會再幫襯。

油雞併燒鵝飯（$72）一直好想試一樂嘅燒鵝，於是揾一日的起心肝就去中環試下⋯⋯週末下午唔洗點排隊就有位，入去好多都係遊客坐滿曬，坐位都係比較窄落完單一兩分鐘有得食份量不過不失第一時間梗係食舊燒鵝先個皮燒得幾焦香充滿油脂嘅，可惜唔知係隻鵝太老定放太耐，啲肉一啲肉汁都冇，非常乾同嚡口，雖然個價錢唔係貴，但冇理由咁求其囉？求其入一間酒樓叫個燒鵝瀨都好食過呢度，又可能係我衰孤寒冇叫燒鵝髀油雞幾香玫瑰露味，唔太咸，不過好多碎骨，雞蓉略嫌過咸

極度不推薦👎🏻垃圾👎🏻中伏！食物質素超級超級垃圾，唔明點解咁都可以做到米芝連😑叫左一碟雞拼燒腩仔同埋燒鵝飯，師傅刀工非常好，啲雞切到超細舊😂大部分都系骨冇肉，價錢同質素唔成正比，完全唔知食緊咩🤮，最後兩個飯盛惠$144💸，總結$18燒味飯或普通茶餐廳都好食過佢！門口女員工態度亦非常惡劣，我朋友只係用左幾分鐘時間將架車泊返前小小方便睇車，女員工就同我哋講你哋走喇，不如你哋轉外賣。第一次食一間餐廳系會有員工開口趕客走！

今日突然想買燒鵝去朋友屋企gathering，諗起佢啲燒鵝馳名海外，長期都有人喺門口排隊，我咪打定電話去落單，唔使熱唔使淋雨唔使等，點知鋪頭員工急口令式回覆我：「你過嚟買啦，多謝」就收線。大約11:00am 我去到鋪頭，門口已經有八人排隊，我落單時多嘴問一次，係咪冇電話落單？後生啲嘅女員工答我：「冇，未俾錢點做？你要整定先，你就落嚟俾俾錢先！」（我心想，😳落得嚟俾得錢，咁你又點整定先呀？）我等燒鵝時又問下老闆娘，最初佢晤出聲回答，只不斷用交叉手勢示意，之後說：「冇！你唔鍾意就唔好嚟幫襯！你唔鍾意就唔好嚟幫襯？！」呢間舖頭啲燒鵝係好食嘅，皮脆肉嫩，肉和骨都入味，我家中嘅長輩一向唔食啲重口味食物，佢都讚口不絕。不過，冇電話落單、外賣自取服務卻令我減低再次幫襯嘅意欲。可能係我低估咗呢啲冇裝修嘅（高級）食肆嘅服務，同埋呢間鋪只會對非廣東話人有禮貌嘅。