一泡而紅 (已結業)

我試過米線同餃子，餃子一般，冇咩特別．但個米線ｄ湯真係成碗都係油．．

我見各食評家, d 食評對呢間野, 講得唔係咁好, 但我尋日陪個好朋友黎食lunch, 係去葵芳店既。朋友話呢度平日好多人架! maybe假期, 我地坐到卡位啊!我對泡飯麻麻, 但呢個又幾好食喎!酸辣肉鬆泡飯(其實個名好長, 但唔多記得)唔油, 肉鬆味好濃, 好好味ah! 係辣左d。仲叫左椰菜豬肉餃子, 好好食, 無乜肥豬肉, 好自家製feel, 應無落味精, 不過唔夠熱。叫左杯檸賓&檸啡。其實檸檬點可以同咖啡溝埋一起架? 但成日都見到茶餐廳有呢樣野, 都係要試一次。結果真係>.< 好難飲......

尋日去食下午茶, 都諗唔到食乜, 隔離小雨天又食到厭, 諗住去呢間試下d米線, 入去坐低點左個酸菜沙嗲牛肉米線, 侍應就即刻收錢話要買飛先....咪唯有俾錢先囉....等左成十分鐘先有得食, 一望個賣相已經麻麻, 牛肉未食就覺得好硬, 食落就更加o趙唔落, 好似咬柴咁! 而佢所謂既酸菜都唔知似乜味, 形容唔到, 本來以為會和我食開長沙灣果間d雲南米線的酸菜一樣, 但完全兩回事, 外形雖一樣但味道就怪怪地, 總之就唔好味! 呢碗野可以堪稱我近年度食過最難食既米線, 早知食番小雨天的小鍋米線好過.....

店舖太細, 但又放得太多位, 行路都要側身過一到中午/夜晚食飯時間, 就很多人混在一起, 好煩講食野, 佢主要係做泡飯, 個湯味精很多, 飯過硬, 要小心進食講餃子, 宜家係佢o既主打食物, 但皮厚肉少, 欠了味道行過唔知去邊到食, 都可以去一試o既

1月12日下班後約了友人在這裡交收,之前詢問過她想吃什麼,她提議到這裡吃,雖然見這裡的食評麻麻,但都要用自己的味覺去驗証一下才可,這裡採用是先付款,之後坐下就有侍者送來食品.時值學生午飯時間,人流也不少,幸好我和友人也不需等就有位,我叫了酥炸豬扒泡飯,友人叫的是餃子(忘記了是韭菜還是白菜)米線,另加錢要了凍鴛鴦,友人的是好立克.不消一刻,食物和飲品已到了,泡飯用大型斜邊碗乘上,豬扒是另上的,泡飯的湯底都幾淡味,材料雖然有花生,紹茶等,但份量不多,豬扒就差矣,凍冰冰的,亦淋掉了,似乎是炸好放在一旁,等客人叫吃就上檯,雖則厚道足夠,但肉質好實,搞到我食左兩啖都無食喇,本身個飯就已經少拌吃的了,而豬扒又不能吃,差點以為自己在吃清湯撈白飯!凍鴛鴦一般啦,見友人的米線好像幾對辦,據報都幾好食的,雖然呢餐都夠飽,但質素真係麻麻,再黎既機會極低!

呢度0的伙計好鬼死熱情你老遠行過已經想拉你埋去咁,,,><0個日行過又諗唔到去邊dinner所以就買0左兩個湯反打包等0左唔係太耐但行到番屋企已經凍0左....而且0的湯既味有0的怪怪~.唔知點解呢?

聽聞泡飯好出名, 所以叫左個豬頸肉泡飯.水餃又得獎, 嗌多個白菜豬肉餃湯麵同個fd兩份食.泡飯原來係湯飯, 麵係油麵(我fd話過橋仲諗住係配米線)...湯底好清不過唔好飲, 似係用味精開水, 俾多少少史雲生吊吊味都好啦.豬頸肉較瘦亦唔滑, 好少可食到咁既豬頸肉.得獎水餃亦都不外如是, 一啖咬落去, 好清, 冇肉汁冇鮮味.買飛個叔叔好好客, 係咁同人講「新年快樂」就算d人行過都講, 但佢又唔係叫人入黎食野架喎.

尋日做冬,搵個藉口食餐好d既午飯,諗住去三千碗但原來已經執左!! (editor麻煩你順便update一下,thx!)唯有近近地食一泡而紅,其實呢度都有d重慶大廈影子,只要行近門口,三間(一泡而紅、鄧媽媽同小雨天)都有人黎搶客。同事話豬扒好大塊,好就豬扒啦! 好快有得食,一大碗泡飯,入面有炸花生、紹菜、雜豆同芫茜;一塊半豬扒另上!成碗飯最好吃係堆紹菜,好甜!!豬扒唔夠香脆,普普通通,好過無。同事碗麻辣雞好嚇人,血紅一片!!!加4蚊有杯飲品,食完飽到上喉嚨。

朋友説想去葵芳行街,好,我奉陪到底!但我甘大個女,只去過葵芳一次甘大把!>.<所以都吾知去邊度搵食...後來就盲摸摸跟左朋友來到呢間“黑店”!離遠見到舖頭的樣子已覺得有點不妥,只見店員在外面拉客,如果是一間好的食店,又何需叫賣?!但騎虎難下,又奈於肚子真是餓得咕咕響,所以挑了靠邊的座位便坐了下來!在揀無可揀的情況下,食左個雞絲酸菜泡飯(見圖)+凍coffee點知,食完大約兩三個鐘之後來料,個肚攪住痛,所以即刻要返屋企!唉...我下次會醒目D,做定資料搜集...再去葵芳架啦!

蠔仔肉碎泡飯, 足料, D 飯成舊都未散! 如果冇咩要求既, 都可一試, 一個女仔多數食唔晒!不過問先比杯水你, 好似逼你加$4 order 野飲咁! 加野飲都係$4 (冷熱同價)位就逼了! 抱住個袋先食到野!

之前黎過呢度食飯同朋友一人叫左一個泡飯我叫左個蠔仔肉碎泡飯,朋友叫左個香菇肉碎豆腐泡飯兩個飯都清清地但又好夠味我朋友有腸胃炎食完都唔覺肚痛講番個飯先蠔仔肉碎泡飯有好多蠔仔飯底又多就算好肚餓我都食唔晒朋友個香菇肉碎泡飯d豆腐好滑其他料又多就算好想試下d餃都食唔落下次黎開都可以再黎食下。

覺得同灣仔碼頭零售個d差不多.而且有d穿底

食左幾次，都係覺得蠔仔肉碎粥最好味，幾足料GA.大大碗好飽肚．落多少少胡椒粉，咁就一流．水餃有水準，好味．哩度俾人O既感覺好有大陸食店FEEL.D人攞住類似餐牌O既野係度行黎行去，見人就叫人入店食野．感覺有D怪．

做facial之前去食o左個酸辣雞絲米線, 係就係好大碗, 但得個油字, 好難食~~~~~~~

睇完snoopy既食評先醒起我兩次都係去鄧媽媽o個邊，有次好奇問過個阿姐兩間係咪一樣既，個阿姐話係就係可以叫同樣既食物，但兩間係唔同老細喎！咁都得？？我比較好彩，食過兩次d餃子都好有水準，唔知會唔會係因為我兩次都係夜晚去，人流較多去貨較快亦較新鮮呢？