影片
放假入元朗探朋友, 未够时间先食个lunch. 入咗呢间日本料理度食, lunch 时间都几多人, 好彩我早到, 我叫咗个盐烧秋刀鱼定食, 只系$29蚊, 仲有沙律, 饮品同汤送. 本身谂住医饱个肚算数, 结果有惊喜. 秋刀鱼烧个皮烧得好香, 里面肉质嫰滑又爽有肉汁, 唔会烧过咗头干争争, 虽然个味噌汤淡咗少少. 不过咁样价钱, 食到咁样质素ge秋刀鱼, 完全无投诉.
继续阅读
呢个系蟹柳沙律, 完全冇谂过佢会咁大盆!! 成个面盆咁大, 我同朋友两个人, 叫左鱼生, 炸物, 一个拉面, 呢盆沙律食左一半己经食唔落。 蟹柳都几多, 沙律汁亦好多, 个沙律汁好味, 配合蟹柳鲜美, 令到成个沙律都好好食。寿司唔错, 食得出入面D料新鲜。另外推介吉列蚝, 有蚝既鲜味! 不过本身唔中意就可能会觉得系腥
继续阅读
去到已经好晏, 差唔多九点十点, 好在呢间铺收得比较晚。炸物新鲜滚热辣, 我地放到比较后先食佢, 仲热热地, 好脆, 炸粉唔厚, 岩岩好, 推介炸芝士波, 中意芝士一家要食, 啲芝士流出黎感觉好幸福!!!鱼生好新鲜, 三文鱼有淡淡油脂香, 亦都好厚。 拉面唔算好特别。
继续阅读
好耐都未同中学同学聚会啦！呢一晚唔单止同相识好耐既同学详谈外，最最最值得既系既然用左百两蚊就食到我地三个满载而归！ 由于太多人帮衬一番 ,但系我地都只系等左十几分钟。店员更为左提高效率，比左张餐单我地点。一入到去就好快上菜，三个饥肠辘辘既青年人立即开动享用了 第一道上既菜色系蒜蓉牛油金针菇，我地抱住试新野既心情叫既。殊不知，金针菇有重重既蒜蓉及牛油味外，总有很多汁，非常juicy 之后就到日式饭卷--炸虾饭卷，真系劲饱唔系讲笑，同拳头差唔多大。夹落去唔会散；食落去十分脆！！我地食到呢到已经好饱lu 最后点少得日式沙律呀，话比你地听，识食十定食只系用四十蚊就可以食到半个篮球甘大既兜既蟹籽沙律。料多；酱多；青瓜脆多多：p
继续阅读
反到元朗谂住求其揾啲野食，甘岩见到到喱间野。见佢几多人食就入去试下。坐底叫左刺生，锅物等等！！啲野食送餐既速度 快到未食完枱上面既食物已经送哂上黎，但个侍应生完全冇帮我速理好枱上既食物就乱放 放到我同我女朋友朋友连放碗既位置都冇！！！！半板加拿大海胆 ，完全唔新鲜 ！第一次食加胆完全食唔到味！！个所谓既猪骨汤底， 冇味不特止，个汤底仲散发一种胶味！叫波支汽水 原味， 竟然同我讲唔冻既要唔要 ，咪玩啦！！！食焗蚝， 芝士同北海道口味， 芝士味竟浓到食唔到蚝味 侍应生又唔加茶 又唔收食完既野！！！咁既服务，仲要自己行出去买单， 真系可一不可再！！！
继续阅读