一粥麵 (+WOO嘉湖一期)

营业中

休息中

好快嘅快餐，今日一於嚟一粥麵試吓🥰我哋點咗福建炒飯，是一道風味獨特的炒飯，以米飯、蛋、蔬菜和海鮮等材料製作而成。［食後感］📝🧡福建炒飯的味道比較鮮美，因為加入了蝦仁，增添了海鮮的鮮香。🩵炒飯的米粒分明，搭配蛋和蔬菜，口感豐富，每一口都能享受到不同的層次。🩶香氣四溢，特別是使用了豐富嘅醬汁後，食慾大開。總的來說，一粥麵的福建炒飯色香味俱全，適合喜歡海鮮和炒飯的人享用。你有嘗試過這道菜嗎？不妨過嚟試吓啦。

栗米瘦肉粥（細）有栗米🌽味，份量唔少走瘦肉🐽😆粥底口感唔會係好槳糊果種豉油王炒麵炒麵口感適中，唔會乾爭爭、唔會油淋淋味道偏淡，唔啱鍾意重味嘅人茶走（多練奶）正常味道，不過不失出餐快

前排凍冰冰，好想食煲仔飯，唔想出到咁遠食炭爐煮嘅。唯有去附近食一粥麵嘅煲仔飯。餸汁都唔算太多。。不過飯就好夠分量，，可惜我真係中意食濃底。。不過退而求其次都總算唔錯。。同埋奶茶都有個特別冰底搞搞新意思。。。叫做止癮先炸。。找日一定要出去食炭爐整，又有濃飯焦嘅煲仔飯。

一個人唔知食咩好 咁就喺屋企附近嘅一粥麵食個午餐先～揀咗個健康嘅排骨菜飯（電話影嗰陣鏡頭有啲朦 sorry🤣） 好少食飯嘅我覺得呢個菜飯幾好食 加咗小小調味（小小咸小小油） 菜飯比例都幾 好好多菜🥬豬扒有三大塊 食落都OK唔會有好多梳打粉 有少少咬口 不過調味好食嗰啲小小嘅肉碎豆角 又幾好食 成碟食晒凍檸茶都有茶味👍🏼👍🏼 見到隔離個靚姐飲冰鎮奶茶 佢話都幾好飲 同太興都差唔多（咁梗係泰興好飲啲🫣）食淨最尾少少飯 食完返到屋企都唔覺得好頸渴 👍🏼👍🏼

一向平時鍾意係屋企食早餐！但今日有d原因被迫出嚟食早餐呀！今日叫咗個叉燒腸，一打開已經嚇親，爛成咁！我唔需要好似茶樓咁靚！但最低最低限度，都唔係爛成咁吖！我未見過餐廳可以包成咁！一夾起，再爛多兩錢重！食落去成舊粉咁！咬落去已經覺得唔好食！好似食緊粉咁，已經係腸粉中嘅失敗之中既失敗！叉燒都係普通！無咩特別！至於服務同環境方面，服務就普普通通、無咩特別！還境真係有啲迫，喺商場走廊度！俾人望住你食唔太好

👇🏼經外送平台叫了一粥麵的大伙頭煲仔飯👇🏼鳳爪排骨飯，以前是大煲，不知何時改了用細煲先說說煲內原來有辣的紅椒，所以紅椒所在的位置，其食物都有辣味，不吃辣的會不是味兒。其實應該在選項內說明有紅辣椒🌶️，或不放紅辣椒，吃過坊間許多的鳳爪排骨飯，大部份都沒有紅辣椒的當打開煲蓋，看到鳳爪這樣子，心裏已不爽😕，幸好吃時沒甚麼，且是淋的，排骨肉質一般，而飯的質素就不好，煲邊的飯像生的，就算幾餘的飯都是偏硬的，失望😞，不好吃

雖然餐廳主打粥同麵，但我反而覺得呢度嘅粽同埋炸兩真係最好食😋 每次必叫！兩樣嘢跟餐加錢買會抵啲，粽有好多綠豆，口感軟淋，淋埋甜豉油真係一流；炸兩係腸粉包住油炸鬼，再以蔥花點綴，外脆內軟好香口

下午茶時間，鍾意食一粥麵1.雞扒刈包雞扒同刈包，真係幾夾，其實仲有隻黑芝麻包，下次可以試試！2.雞翼鍾意食燒雞翼，尤其熱辣辣時食，最正不過今次俾左鹵水雞翼，雖然都好入味，但都係鍾情於燒雞翼！3.干炒牛河估唔到幾有鑊氣，似足茶餐廳出品，加埋辣椒醬，一流

📯銀座逛街後，到一粥麵晚飯，聽友人說，這店有煲仔飯，故特意來光顧🔰鳳爪排骨煲仔飯$50，罐裝可樂加$3，排骨肉質軟淋，算不錯，長者也適合吃；喜歡菜心青綠且淋，相信是弄好備用，再放入煲仔飯內；唯獨是鳳爪失望，質量很一般，又細隻；說到飯，不過不失，煲仔邊也黏著飯焦，用鐵匙羹刮起便可吃到顧名思義，煲仔飯絕對是熱騰騰的，並能保持其燙口的熱度，我也被它的熱度燙到舌頭，之後每羹飯都呼呼吹吓才入口以女性來說，若不是特別大胃的話，足夠吃得很飽

之前病咗叫咗粟米瘦肉粥可能真係諗住比病人食，味道係十分之清淡😂，忍唔住加返啲鹽，同食吓啲油炸鬼先食得落🤭仲偷食咗朋友既肉燥豆腐同香酥上海排骨😝，前者一樣好清淡，後者就濃味返少少佢啲野食對病人/鐘意清淡既人黎講都係唔錯既選擇😂

食過這間兩次, 兩次經驗都不快,都是吃炸雞脾紅豆冰餐, 第一次吃覺得挺好吃, 皮脆肉嫩多汁,但2次吃完都感肚子脹谷谷, 腹部不適, 但我也不敢斷言一定是吃完那些餐點才出事。不過仔細想想, 餐廳衛生也是有待改善, 第二次食看到分發的刀叉也不是洗得很乾淨, 還有些不淨的印痕,痕跡, 感覺餐具清潔方面不夠認真, 加上餐廳範圍偶爾也見一兩隻蚊蟲飛來飛去, 請餐廳方面好好跟進, 畢竟衛生食物安全很重要。 至於食物質素,吃第二次炸脾感覺沒有第一次好, 乾淨淨, 皮不夠脆, 內裡雞肉根本冇業一d味都冇, 紅豆冰冰太多,紅豆太多, 冇咩奶味, 難食加上有蚊蟲飛過影響用餐心情, 最後沒有吃完便離開。

由於今晚突然有啲突發事發生咗，令到4姨媽好唔開心，所以我們就即刻趕入去天水圍安慰一下姨媽，而我們就約咗喺嘉湖銀座嘅「一粥麵」等！我們叫咗皮蛋瘦肉粥嘅粥底煲得都幾軟綿，皮蛋都幾甘香，而瘦肉嘅肉質就比較「粗嚡」！豉油皇炒麵炒得就幾香幾惹味，但就略嫌麵質比較腍身同比較油膩！鮮蝦雲吞麵嘅雲吞皮都算薄身，但入面嘅餡料豬肉份量比較多，蝦肉就唔係好多，所以食落比較膩，至於麵質都幾煙韌彈牙！香滑齋腸粉可能唔係即叫即拉，所以質感比較乾同硬，呢點係令我們覺得比較失望！

一粥麵嘅宵夜非常抵食，八點半就有宵夜套餐，31蚊可以叫雲吞麵或者粥加配一個小食！小食有炸綾魚球，腸粉，炒麵等等。所以一個消夜套餐已經好飽。有時候將夜晚食晏小小，就等宵夜套餐。另外，仲可以加$3要隻雞全翼，咁就一定好飽，好滿足！

两公婆放工番到天水圍都7點有多，是晚又吾開爐煮飯的🤣系銀座落車搵野食，老婆話吾乜肚餓，食少少就ok。於是乎又去左一粥麵啦。我又食炸醬麵😆麵幾有咬口，醬汁咸咸甜甜咁，老婆就食炸两加喳咋，喳咋吾夠熱，同埋今次明顯無之前煲得咁綿。但加$7換既都咁大碗都算抵食。

雖然呢度係有西式or港式既早餐，但係黎到一粥麵又無理由唔食中式野架嘛～因為我唔鐘意食粥同炒麵，個人比較偏好腸粉，所以就叫左碟炸兩呢度既腸粉類都係即整，所以如果朝早返工趕時間既就唔好叫啦我都等左差唔多成十五分鐘，不過因為可以見到廚師即做，睇既過程都好有趣，所以都唔覺原來過左咁耐。因為即整就當然熱辣辣啦！米香加上鬆軟既油炸鬼，再淋上豉油真係好好食我係唔鐘意食芝麻既，不過有d 芝麻香係點綴黎雖然同其他專賣粥既舖頭比就一定無得比，但係我覺得呢度既炸兩都好好味！