一粥麵 (青衣城2)

营业中

休息中

假期中午時分去到青衣城二期地下的一粥麵，佢同隔離的米線陣及大家樂連在一起，但店鋪內人不算多...叫左碗皮蛋瘦肉粥食，望望下原來仲有長者優惠，同家人一齊食，所以借用左佢的長者卡仲送一杯野飲，咁都係承惠$32咋！

快餐店就緊係講求快架啦但個日去食 排隊買野食都已經排超耐位又難搵 終於搵到個位 但都等左好耐先有得食 無論外賣定堂食都要等好耐唔使諗 講真叫左個雲吞麵同粥粥就還好嘅講真 起碼都算係綿滑腸粉都不過不失雲吞麵個醋就真係唔掂 溝晒水 淡到爆加勁多先有多啲酸味而且人手極度不足 唔會有人得閒幫你加想要啲豉油 自己去拎外賣豉油仲快講真 快餐店唔講service講速度效率都無逼到你真係坐唔安落 食就更加唔使講唯一係個加嘅渣咋係滿意嘅 湯水加8蚊 性價比算係咁 但下次真係唔想再黎呢間食

連鎖集團粥，粉，麵舖扎根青衣假假哋都有10幾年，新開喺青衣城二期的一粥麵採用了半自助送餐，好，新年没有加價，更加好。皮蛋瘦肉粥加8蚊可以有花膠碗仔翅，幾足料，真係有花膠紫菜三寶粉加8蚊有喳咋一碗，同樣好味

🥢香港集團粥麵店不錯吃🥢成日覺得集團式的店，都是有點又貴又中伏，但試過呢間的粥麵，又比想象中好🥢紫菜三寶河 $37 (魚皮餃，墨魚丸，白魚蛋）湯底清清的，充滿住大地魚的香味，魚蛋是爽口彈牙，魚皮餃新鮮個皮好軟熟，墨魚丸就一般，雖然有墨魚粒喺入面，但都覺得無咩味道，河粉是滑身好食一粥麵各大分店

睇圖最清楚，比店長睇，佢扮無事：「咁係咪要換過比你呀？！」「腸粉呢到，過黎拎啦。」（呀店長，你當呢到大學canteen呀？平時你出餐都有阿姐拎比客啦！）語氣好d都無咁嬲，大佬成隻死曱甴撈豉油點食呀， 腸粉咁白廚房都睇唔到，可想而知，佢地環境係有幾污穢，可能昆蟲橫飛無理掛？先會曱甴伴腸粉上碟。叫左碗泥鰍粥，d泥鰍個肚苦既，粥底又煮得唔勻全，好多一舊舊凍既飯底未煮好，簡單d講，溝水煮都溝唔好。油炸鬼凍既，又硬又唔脆，仲好重油益味，碗仔翅係我唯一接受到既食物。希望今晚個胃無事。一粥麵？不了！

今日夜咗食飯， 咁啱喺青衣城 諗住求其搵少少嘢食見到一粥麵好多人食煲仔飯， 又見佢有推介 最新嘅 魚扒煲仔飯， 影相就影到鬼咁靚但係一買飛睇見張單佢打 念魚魚煲仔飯都覺得有小小伏味但沒理由未食就取消 柯打， 即管試下佢咩料， 點知真係乃曬嘢 送出嚟嗰 煲仔飯 表面就係好正常， 但係啲魚 一夾就散 仲有好大浸魚腥味， 總之就好難食 覺得佢又唔新鮮 又多骨 本應我都係諗住去海關用 商品說明條例 投訴， 唉不過算啦唔好搞咁多嘢 ，睇相你就以為係鱈魚打單佢就係黏魚， 我真係唔明一粥麵係咪入咗好多呢啲貨 夾硬推呢個魚扒煲仔飯 係一大敗筆好易令佢公司一鋪清袋， 所以有時做食物館以前做得幾好都冇用一個眼高手低嘅決定用咗啲唔好嘅材料去整， 用魚嚟做煲仔飯根本一啲都唔容易，如果用啲魚嘅質料唔係新鮮係靚， 好容易整出嚟 又腥又臭 佢用幾多梅菜配料 去冚住啲味都冇用 我哋成日出去食嘢 一試就知龍與鳳， 大家如果去食一定唔好叫呢個魚扒煲仔飯呀( 嗰個 菜牌 我忍唔住返轉頭影 驚大家以為我屈佢 雖然佢哋已經收工)

今日經過一粥麵，食早餐，簡直滿足到又想食炒麵，又想食雞扒既願望,平時一粥麵餐牌只會一係粥配炒麵，一係雞扒配蛋通粉！今次正！滿足晒所有願望!依個餐都健康之選，配左烚蛋！

冇入青衣城一輪，今天再度入去開工，也到了三點三下午茶時間，才發現原來多了很多食肆，因為就在旁邊新開了二期，更將一期的某些食肆搬了過去，更多了一間叫「 一粥麵 」的食店，這個地方不算太大，因為他是和同集團的某兩間食肆店一起，租用同一位置，但環境總算舒服每張枱上，都有一個位置給你放之感應器，好等接待員可送上你的食品今日叫了一個叫紫菜魚皮餃湯麵配以咖啡一杯，絕對相信是下午茶的原因，所以這碗麵也算不上迷你，麵質還算彈牙，但魚皮餃就一般，而紫菜也覺得不清，如果只是用作下午茶食點東西還算可以

青衣城二期新開了多間食肆，晚上見天氣凍懶得煮飯就去了買外賣，因為已經晚上八點多，很多食品已經賣光了，單點了粥和麵食，簡簡單單就已經滿足了。一粥麵的價格親民，有齊中式粥粉麵飯，老少咸宜，是不錯的選擇，加上外賣堂食都沒有加一，值得捧場!點了豬圓肉潤(豬潤)粥，粥底很綿，豬潤爽滑，最讚係生滾夠熱，坐車回到家沖完涼才吃都仍然暖暖的~至於五星級牛坑朒撈麵，麵線彈牙有咬口，牛朒肉質適中，而且牛味濃郁，配上撈麵湯底，吃我滋味!